ഭക്ഷണം പോലും നൽകാതെ മാതാപിതാക്കളെ മകൻ പൂട്ടിയിട്ടു; പിതാവ് മരിച്ചു, മാതാവ് മാനസികനില തകർന്ന നിലയിൽ

കോട്ടയം: മകൻ മാസങ്ങളോളം വീട്ടിനുള്ളിൽ പൂട്ടിയിട്ടതിനെ തുടർന്ന് പിതാവ് ഭക്ഷണവും വെള്ളവും കിട്ടാതെ മരിച്ചു. മാനസികനില തെറ്റിയ മാതാവിനെ കോട്ടയം മെഡിക്കൽ കോളജിൽ പ്രവേശിപ്പിച്ചു. കോട്ടയം മുണ്ടക്കയം പഞ്ചായത്തിലെ അസംമ്പനിയിലാണ് സംഭവം. മകൻ റെജി ഒളിവിലാണ്.

കഴിഞ്ഞ കുറച്ചു ദിവസങ്ങളായി മാതാപിതാക്കളെ റെജി മുറിയിൽ പൂട്ടിയിട്ടിരുന്നതായാണ് വിവരം. ദിവസങ്ങളോളം ഭക്ഷണവും വെള്ളവും മരുന്നും ലഭിച്ചിരുന്നില്ല. തൊടിയില്‍ വീട്ടില്‍ പൊടിയനാണ് പട്ടിണി കിടന്ന് മരിച്ചത്. ഇയാള്‍ക്ക് 80 വയസ്സായിരുന്നു. ഭാര്യ അമ്മിണിക്ക് 76 വയസ്സാണ് പ്രായം.

ദമ്പതികളുടെ ഇളയമകനാണ് റെജി. ആ​ശാ പ്ര​വ​ർ​ത്ത​ക​ർ ന​ൽ​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ചൊ​വ്വാ​ഴ്ച പോ​ലീ​സും ജ​ന​പ്ര​തി​നി​ധി​ക​ളും എ​ത്തി​യാ​ണ് ദ​മ്പ​തി​ക​ളെ ആശുപത്രിയിൽ പ്രവേശിപ്പിച്ചത്. ഇ​ന്ന് രാ​വി​ലെ ചി​കി​ത്സ​യി​ലി​രി​കെ​യാ​ണ് പൊ​ടി​യ​ൻ മ​രി​ച്ച​ത്. മാ​താ​പി​താ​ക്ക​ളെ കി​ട​ക്കു​ന്ന ക​ട്ടി​ലി​ൽ മ​ക​ൻ പ​ട്ടി​യെ കെ​ട്ടി​യി​ട്ടി​രു​ന്നു. പൊടിയന്‍റെ മൃതദേഹം കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി. സംഭവത്തിൽ അസ്വാഭാവിക മരണത്തിന് കേസെടുത്തു.

പോ​സ്റ്റ്മോ​ർ​ട്ട​ത്തി​നു​ശേ​ഷം തു​ട​ർ​ന​ട​പ​ടി സ്വീ​ക​രി​ക്കു​മെ​ന്നും മു​ണ്ട​ക്ക​യം സി.​ഐ പ​റ​ഞ്ഞു. സം​ഭ​വ​ത്തി​ൽ ഇ​ള​യ മ​ക​ൻ റെ​ജി​യെ പോ​ലീ​സ് തെ​ര​യു​ക​യാ​ണ്. ഇ​വ​രു​ടെ മൂ​ത്ത​മ​ക​ൻ 15 കിലോമീറ്റർ അ​ക​ലെ​യാ​ണ് താ​മ​സി​ക്കു​ന്ന​ത്.