ക്രി​സ്ത്യ​ൻ പി​ന്നാ​ക്കാ​വ​സ്ഥ പഠിക്കാൻ നിയമിച്ച കോ​ശി ക​മീ​ഷന്റെ കാലാവധി ഒരു വർഷം കൂടി നീട്ടി

തി​രു​വ​ന​ന്ത​പു​രം: ക്രി​സ്ത്യ​ൻ ന്യൂ​ന​പ​ക്ഷ​ങ്ങ​ളു​ടെ വി​ദ്യാ​ഭ്യാ​സ, സാ​മ്പ​ത്തി​ക പി​ന്നാ​ക്കാ​വ​സ്ഥ​യും ക്ഷേ​മ​വു​മാ​യി ബ​ന്ധ​പ്പെ​ട്ട പ​രി​ഗ​ണ​നാ​വി​ഷ​യ​ങ്ങ​ളി​ൽ സ​മ​ഗ്ര റി​പ്പോ​ർ​ട്ട് സ​മ​ർ​പ്പി​ക്കാ​ൻ നി​യോ​ഗി​ച്ച ജ​സ്റ്റി​സ് ജെ.​ബി. കോ​ശി ക​മീ​ഷ​ന്‍റെ കാ​ല​ാവ​ധി ഒ​രു വ​ർ​ഷം കൂ​ടി നീ​ട്ടാൻ മ​ന്ത്രി​സ​ഭാ യോ​ഗം തീരുമാനിച്ചു. 2023 ഫെ​ബ്രു​വ​രി 23 വ​രെ​യാ​ണ്​ നീ​ട്ടു​ക.

മ​ന്ത്രി​സ​ഭാ യോ​ഗത്തി​ലെ മറ്റു തീരുമാനങ്ങൾ

• പൊ​തു​വി​ത​ര​ണ​വ​കു​പ്പി​ന്‍റെ പേ​ര് പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യ​വ​കു​പ്പ് എ​ന്ന് പു​ന​ർ​നാ​മ​ക​ര​ണം ചെ​യ്യും. പൊ​തു​വി​ത​ര​ണ ഡ​യ​റ​ക്ട​ർ, പൊ​തു​വി​ത​ര​ണ ക​മീ​ഷ​ണ​ർ എ​ന്നീ ത​സ്തി​ക​ക​ൾ സം​യോ​ജി​പ്പി​ച്ച് പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യ ക​മീ​ഷ​ണ​ർ എ​ന്ന പേ​ര് ന​ൽ​കും.
• കേ​ര​ള ആ​ന്‍റി സോ​ഷ്യ​ൽ ആ​ക്ടി​വി​റ്റീ​സ് (പ്രി​വ​ൻ​ഷ​ൻ) ആ​ക്ട് (കാ​പ്പ) പ്ര​കാ​ര​മു​ള്ള ഉ​പ​ദേ​ശ​ക സ​മി​തി പു​നഃ​സം​ഘ​ടി​പ്പി​ക്കും. ഹൈ​കോ​ട​തി മു​ൻ ജ​ഡ്​​ജി ജ​സ്റ്റി​സ് എ​ൻ. അ​നി​ൽ​കു​മാ​ർ ചെ​യ​ർ​മാ​നാ​കും. റി​ട്ട. ജി​ല്ല ജ​ഡ്ജ് മു​ഹ​മ്മ​ദ് വ​സീം, അ​ഡ്വ. പി.​എ​ൻ. സു​കു​മാ​ര​ൻ എ​ന്നി​വ​രാ​ണ്​ അം​ഗ​ങ്ങ​ൾ.
  
• പൊ​ലീ​സ് വ​കു​പ്പി​ലെ മൂ​ന്ന് ആ​ർ​മെ​റ​ർ കോ​ൺ​സ്റ്റ​ബി​ൾ ത​സ്തി​ക​ക​ൾ ആ​ർ​മെ​റ​ർ ഹ​വി​ൽ​ദാ​ർ ത​സ്തി​ക​ക​ളാ​ക്കി അ​പ്ഗ്രേ​ഡ് ചെ​യ്യും. ഇ​വ​രെ സ്പെ​ഷ​ൽ ഓ​പ​റേ​ഷ​ൻ​സ് ഗ്രൂ​പ്പി​ൽ നി​യ​മി​ക്കാനും അ​നു​മ​തി.
• ട്രാ​വ​ൻ​കൂ​ർ ടൈ​റ്റാ​നി​യം പ്രൊ​ഡ​ക്ട്സ് ലി​മി​റ്റ​ഡി​ൽ സ​ൾ​ഫ​ർ ഫീ​ഡി​ങ് പ്ര​വൃ​ത്തി ചെ​യ്യു​ന്ന​തി​നി​ടെ അ​പ​ക​ട​ത്തി​ൽ മ​രി​ച്ച ര​ഞ്ജി​ത്തി​ന്‍റെ ആ​ശ്രി​ത​ർ​ക്ക് സ​ഹാ​യമായി 10 ല​ക്ഷം രൂ​പ അ​നു​വ​ദി​ക്കും.