ട​വ​റു​ക​ൾ ക​മീ​ഷ​ൻ ചെ​യ്യാ​ൻ ന​ട​പ​ടി​യി​ല്ല; മൊബൈൽ റേഞ്ചും ഇന്‍റർനെറ്റും ഇല്ലാതെ ആദിവാസികളും തോട്ടം തൊഴിലാളികളും

അ​ടി​മാ​ലി: അ​വി​ക​സി​ത പ്ര​ദേ​ശ​ങ്ങ​ളി​ൽ വാ​ർ​ത്ത​വി​നി​മ​യ സം​വി​ധാ​നം എ​ത്തി​ക്കാ​ൻ പ​ദ്ധ​തിയി​ട്ട് സ്ഥാ​പി​ച്ച മൊ​ബൈ​ൽ ട​വ​റു​ക​ൾ ക​മീ​ഷ​ൻ ചെ​യ്യാ​ൻ ന​ട​പ​ടി​യി​ല്ല. ബി.​എ​സ്.​എ​ൻ.​എ​ൽ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ സ്ഥാ​പി​ച്ച 14 മൊ​ബൈ​ൽ ട​വ​റു​ക​ളാ​ണ് ഉ​ദ്ഘാ​ട​നം ചെ​യ്യാ​തെ കി​ട​ക്കു​ന്ന​ത്.

ഇ​ട​മ​ല​ക്കു​ടി, കു​റ​ത്തി​കു​ടി തു​ട​ങ്ങി​യ അ​വി​ക​സി​ത ആ​ദി​വാ​സി സ​ങ്കേ​ത​ങ്ങ​ളി​ൽ ഉ​ൾ​പ്പെ​ടെ​യാ​ണ്​ ട​വ​റു​ക​ൾ ക​മീ​ഷ​ൻ ചെ​യ്യാ​ത്തത്​. 2020ൽ ​കോ​വി​ഡ് ലോ​ക്ക്​​ഡൗ​ൺ തു​ട​ങ്ങി​യ​പ്പോ​ൾ വി​ദ്യാ​ർ​ഥി​ക​ളു​ടെ പ​ഠ​നം ഓ​ൺ​ലൈ​നി​ലേ​ക്ക് മാ​റി​യി​രു​ന്നു. ഈ ​സ​മ​യ​ത്ത് മൊ​ബൈ​ൽ ക​വ​റേ​ജും ഇ​ന്‍റ​ർ​നെ​റ്റും ഇ​ല്ലാ​താ​യി. ഇ​ത് വി​ദ്യാ​ർ​ഥി​ക​ളു​ടെ ഭാ​വി​ത​ന്നെ ഇ​രു​ള​ട​യു​ന്ന​തി​ലേ​ക്ക് കാ​ര്യ​ങ്ങ​ൾ എ​ത്തി​ച്ചു. ഇ​തോ​ടെ ഇ​ടു​ക്കി എം.​പി മു​ൻ​കൈ​യെ​ടു​ത്ത് അ​വി​ക​സി​ത പ്ര​ദേ​ശ​ങ്ങ​ളി​ലും ആ​ദി​വാ​സി സ​ങ്കേ​ത​ങ്ങ​ളി​ലും പു​തി​യ ട​വ​റു​ക​ൾ സ്ഥാ​പി​ക്കാ​ൻ ന​ട​പ​ടി​യാ​യി.

അ​ടി​മാ​ലി ഡി​വി​ഷ​നി​ൽ മാ​ത്രം 22 മൊ​ബൈ​ൽ ട​വ​റു​ക​ൾ അ​നു​വ​ദി​ക്കു​ക​യും എ​ല്ലാ ട​വ​റു​ക​ളു​ടെ​യും നി​ർ​മാ​ണം പൂ​ർ​ത്തി​യാ​ക്കു​ക​യും ചെ​യ്തു. എ​ന്നാ​ൽ, ഇ​വ​യി​ൽ 14 ട​വ​റു​ക​ൾ ഉ​ദ്ഘാ​ട​നം ന​ട​ത്തി പ്ര​വ​ർ​ത്ത​നം തു​ട​ങ്ങാ​ൻ ബി.​എ​സ്.​എ​ൻ.​എ​ൽ ന​ട​പ​ടി സ്വീ​ക​രി​ച്ചി​ട്ടി​ല്ല. ര​ണ്ട്​ ട​വ​റു​ക​ൾ ഇ​ട​മ​ല​ക്കു​ടി​യി​ലും ഒ​രു ട​വ​ർ കു​റ​ത്തി​കു​ടി​യി​ലും ചി​ന്ന​പ്പാ​റ, ക​ട്ട​മു​ടി ഉ​ൾ​പ്പെ​ടെ ഹൈ​റേ​ഞ്ച് മേ​ഖ​ല​യി​ലും ബാ​ക്കി തോ​ട്ടം മേ​ഖ​ല​യി​ൽ സ്ഥാ​പി​ച്ച മൊ​ബൈ​ൽ ട​വ​റു​ക​ൾ ക​മീ​ഷ​ൻ ചെ​യ്തി​ട്ടി​ല്ല.

തോ​ട്ടം മേ​ഖ​ല​യി​ൽ വ​ന്യ​മൃ​ഗ​ങ്ങ​ൾ ഇ​റ​ങ്ങു​ന്ന​തു സം​ബ​ന്ധി​ച്ച് വി​വ​ര​ങ്ങ​ൾ ന​ൽ​കാ​നും മൊ​ബൈ​ൽ റേ​ഞ്ച്, ഇ​ന്റ​ർ​നെ​റ്റ് സൗ​ക​ര്യ​ങ്ങ​ളു​ടെ ഇ​ല്ലാ​യ്മ പ​രി​ഹ​രി​ക്കാനും ഒ​രു​വ​ർ​ഷം മു​മ്പാ​ണ് പ്ര​ദേ​ശ​ങ്ങ​ളി​ൽ 22 ബി.​എ​സ്.​എ​ൻ.​എ​ൽ ട​വ​റു​ക​ൾ സ്ഥാ​പി​ച്ച​ത്. വൈ​ദ്യു​തി പോ​യാ​ലും ട​വ​റു​ക​ൾ പ്ര​വ​ർ​ത്തി​പ്പി​ക്കാ​ൻ സോ​ള​ർ പാ​ന​ലു​ക​ൾ ഉ​ൾ​പ്പെ​ടെ സൗ​ക​ര്യ​ങ്ങ​ളോ​ടു​കൂ​ടി​യാ​ണ്‌ ഇ​വ സ്ഥാ​പി​ച്ച​ത്. 4ജി ​സൗ​ക​ര്യ​ങ്ങ​ളോ​ടു​കൂ​ടി​യു​ള്ള ട​വ​റു​ക​ളാ​ണി​വ.

ഒ​രു​വ​ർ​ഷം മു​മ്പ്​ ട​വ​റു​ക​ളു​ടെ നി​ർ​മാ​ണം പൂ​ർ​ത്തി​യാ​ക്കി​യെ​ങ്കി​ലും ഇ​വ ക​മീ​ഷ​ൻ ചെ​യ്യാ​ൻ അ​ധി​കൃ​ത​ർ ത​യാ​റാ​യി​ല്ല. ഇ​തു​മൂ​ലം വി​ദൂ​ര സ്ഥ​ല​ങ്ങ​ളി​ൽ മൊ​ബൈ​ൽ റേ​ഞ്ചും ഇ​ന്റ​ർ​നെ​റ്റും ല​ഭി​ക്കാ​ത്ത അ​വ​സ്ഥ​യാ​ണു​ള്ള​ത്. പ്ര​ധാ​ന​മ​ന്ത്രി​യു​ടെ യൂ​സോ​ഫ്- 500 പ​ദ്ധ​തി​യു​ടെ ഭാ​ഗ​മാ​യാ​ണ് ട​വ​റു​ക​ൾ നി​ർ​മി​ച്ച​ത്. ഒ​ക്ടോ​ബ​ർ ആ​ദ്യ​വാ​രം ട​വ​റു​ക​ൾ ക​മീ​ഷ​ൻ ചെ​യ്യു​മെ​ന്നാ​ണ്​ ഒ​ടു​വി​ൽ അ​ധി​കൃ​ത​ർ അ​റി​യി​ച്ച​ത്. വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യം സം​ബ​ന്ധി​ച്ച് ജ​ന​ങ്ങ​ൾ​ക്ക് മു​ന്ന​റി​യി​പ്പ് ന​ൽ​കാ​നു​ള്ള സം​വി​ധാ​നം വ​നം വ​കു​പ്പ് ഏ​ർ​പ്പെ​ടു​ത്തി​യി​ട്ടു​ണ്ടെ​ങ്കി​ലും മൊ​ബൈ​ൽ റേ​ഞ്ച് ഇ​ല്ലാ​ത്ത​തി​നാ​ൽ ഇ​തി​ന്‍റെ പ്ര​യോ​ജ​നം ല​ഭി​ക്കു​ന്നി​ല്ല.