പാതിവഴിയിൽ ട്രെയിൻ ‘തിരിഞ്ഞോടി’, അമ്പരന്ന്​ യാത്രക്കാർ

തി​രു​വ​ന​ന്ത​പു​രം: മു​ന്ന​റി​യി​പ്പി​ല്ലാ​തെ പാ​തി​വ​ഴി​യി​ൽ നി​ന്ന്​ ട്രെ​യി​ൻ ‘തി​രി​ഞ്ഞോ​ടി’, എ​​ന്താ​ണെ​ന്ന​റി​യാ​തെ വ​ട്ടം​ക​റ​ങ്ങി യാ​ത്ര​ക്കാ​ർ. ഞാ​യ​റാ​ഴ്ച പു​ന​ലൂ​ർ-​മ​ധു​ര എ​ക്സ്​​പ്ര​സി​ലെ യാ​ത്ര​ക്കാ​ർ​ക്കാ​ണ്​ ദു​ര​നു​ഭ​വം. ക​ന​ത്ത മ​ഴ​യു​ണ്ടാ​യി​ട്ടും ഇ​ത്​ സം​ബ​ന്ധി​ച്ച്​ മു​ൻ​കൂ​ർ ക്ര​മീ​ക​ര​ണ​മേ​ർ​പ്പെ​ടു​ത്താ​തെ അ​വ​സാ​ന നി​മി​ഷം നി​യ​ന്ത്ര​ണ​മേ​ർ​പ്പെ​ടു​ത്തി​യ​താ​ണ്​ പ്ര​ശ്ന​ങ്ങ​ൾ​ക്കി​ട​യാ​ക്കി​യ​ത്. ​

തി​രു​നെ​ൽ​വേ​ലി​യി​ലെ​ത്താ​ൻ നാ​ല്​ കി​ലോ​മീ​റ്റ​ർ ശേ​ഷി​ക്കെ, രാ​ത്രി 12 ഓ​ടെ വി​ജ​ന സ്ഥ​ല​ത്ത്​ ട്രെ​യി​ൻ നി​ർ​ത്തി​യി​ട്ട​താ​യി​രു​ന്നു തു​ട​ക്കം. ക്രോ​സി​ങ്ങോ മ​റ്റോ കാ​ര​ണം നി​ർ​ത്തി​യ​താ​കാ​മെ​ന്നാ​ണ്​ യാ​ത്ര​ക്കാ​ർ ആ​ദ്യം വി​ചാ​രി​ച്ച​ത്. എ​ന്നാ​ൽ, പി​ടി​ച്ചി​ട​ൽ അ​ന​ന്ത​മാ​യി നീ​ണ്ട​തോ​ടെ യാ​ത്ര​ക്കാ​ർ ആ​ശ​ങ്ക​യി​ലാ​യി. പു​റ​ത്ത്​ ക​ന​ത്ത മ​ഴ​യാ​യി​രു​ന്ന​തി​നാ​ൽ അ​ന്വേ​ഷി​ക്കാ​നും മാ​ർ​ഗ​മു​ണ്ടാ​യി​ല്ല.

നാ​ല​ര മ​ണി​ക്കൂ​ർ നീ​ണ്ട പി​ടി​ച്ചി​ട​ലി​നു​ശേ​ഷം പു​ല​ർ​ച്ച 4.45 ഓ​ടെ എ​ൻ​ജി​ൻ പി​റ​കി​ൽ ഘ​ടി​പ്പി​ച്ച്​ ​ട്രെ​യി​ൻ തി​രി​ച്ച്​ നാ​ഗ​ർ​കോ​വി​ൽ ഭാ​ഗ​ത്തേ​ക്ക് ഓ​ടു​ക​യാ​യി​രു​ന്നു. അ​പ്പോ​ഴും എ​ന്താ​ണ്​ സം​ഭ​വി​ക്കു​ന്ന​തെ​ന്ന്​ യാ​ത്ര​ക്കാ​ർ​ക്ക്​ നി​ശ്ച​യ​മു​ണ്ടാ​യി​ല്ല. റി​സ​ർ​വ്​ ചെ​യ്ത്​ യാ​ത്ര ചെ​യ്യു​ന്ന​വ​ർ​ക്കും ഗ​താ​ഗ​ത നി​യ​​ന്ത്ര​ണ​ത്തെ​ക്കു​റി​ച്ചും ട്രെ​യി​ൻ തി​രി​ച്ചു​വി​ട​ലി​നെ കു​റി​ച്ചും എ​സ്.​എം.​എ​സാ​യി പോ​ലും വി​വ​രം ന​ൽ​കി​യി​രു​ന്നി​ല്ല.

ട്രെ​യി​ൻ തി​രി​ച്ച്​ നാ​ഗ​ർ​കോ​വി​ൽ സ്​​റ്റേ​ഷ​നി​ലെ​ത്തി​യ​പ്പോ​ഴാ​ണ്​ യാ​ത്ര​ക്കാ​ർ​ക്ക്​ കാ​ര്യം മ​ന​സ്സി​ലാ​യ​ത്. സ്​​റ്റേ​ഷ​ൻ മാ​സ്റ്റ​റോ​ട്​ പ​രാ​തി​പ്പെ​ട്ട​പ്പോ​ൾ കൗ​ണ്ട​റി​ൽ ടി​ക്ക​റ്റ്​ കാ​ണി​ച്ചാ​ൽ​ തു​ക റീ ​ഫ​ണ്ട്​ ചെ​യ്യു​മെ​ന്ന​റി​യി​ച്ചു. കൗ​ണ്ട​റി​ൽ എ​ത്തി​യ​പ്പോ​ഴാ​ക​ട്ടെ, ടി​ക്ക​റ്റ്​ നി​ര​ക്കി​​ന്‍റെ 28 ശ​ത​മാ​നം ​മാ​​ത്ര​മാ​ണ്​ ന​ൽ​കി​യ​ത്.