നടിയെ ആക്രമിച്ച കേസിൽ വിചാരണ നിർത്തിവെച്ചു
text_fieldsകൊച്ചി: ഹൈകോടതി ഉത്തരവിനെ തുടർന്ന് നടിയെ ആക്രമിച്ച കേസിലെ വിചാരണ നടപടികൾ നിർത്തിവെച്ചു. വെള്ളിയാഴ്ച വരെ വിചാരണ നിര്ത്തിവെക്കാനാണ് കോടതി ഉത്തരവിട്ടത്. നടിയുടെയും സര്ക്കാരിന്റെയും വാദം കേട്ട ശേഷമായിരുന്നു തീരുമാനം. ഇക്കാര്യത്തില് വിശദമായ വാദം കേള്ക്കണമെന്ന് ഹൈകോടതി വ്യക്തമാക്കി.
ജഡ്ജിക്കെതിരെ ഗുരുതര ആരോപണവുമായി പ്രോസിക്യൂഷൻ നേരത്തേ തന്നെ രംഗത്തെത്തിയിരുന്നു. ആക്രമണത്തിനിരയായ നടിയാണ് കോടതി മാറ്റണമെന്ന് ആവശ്യപ്പെട്ട് ഹൈകോടതിയെ സമീപിച്ചത്. ഇതിനെ അനുകൂലിച്ചുകൊണ്ടാണ് സര്ക്കാരിന്റെ സത്യവാങ്മൂലം. കോടതി മാറ്റണമെന്ന് പ്രോസിക്യൂഷനും ആവശ്യപ്പെട്ടിരുന്നു.
വിചാരണക്കോടതി പക്ഷപാതപരമായി പെരുമാറുന്നുവെന്ന് നടി ഹരജിയില് പറഞ്ഞിരുന്നു. തന്നെ ദിലീപിന്റെ അഭിഭാഷകന് അധിക്ഷേപിച്ച് ചോദ്യങ്ങള് ചോദിച്ചപ്പോള് കോടതി ഇടപെട്ടില്ല, പല പ്രധാന വസ്തുതകളും കോടതി രേഖപ്പെടുത്തിയിരുന്നില്ല, നിരവധി അഭിഭാഷകരുടെ മുന്നിലാണ് തന്നെ വിസ്തരിച്ചത്, അഭിഭാഷകരെ കോടതി നിയന്ത്രിച്ചില്ല, ഫേസ്ബുക്കില് പോസ്റ്റിട്ടതിന് കോടതി അധിക്ഷേപിച്ചെന്ന് കേസിലെ 7ാം സാക്ഷിയായ നടി തന്നോട് പറഞ്ഞു തുടങ്ങിയ കാര്യങ്ങളാണ് നടി ഹൈകോടതിയെ അറിയിച്ചത്. ഇതൊന്നും വിചാരണകോടതി രേഖപ്പെടുത്തിയില്ല.
നേരായ രീതിയിലുള്ള വിചാരണ നിലവിലെ കോടതിയില് സാധ്യമാകില്ല. കേസുമായി ബന്ധപ്പെട്ട പല രേഖകളും പ്രോസിക്യൂഷന് നല്കുന്നില്ലെന്നും പ്രതിഭാഗത്തിനാണ് നല്കുന്നതെന്നും നടി ഹരജിയില് വ്യക്തമാക്കിയിരുന്നു. മഞ്ജു വാര്യരുടെ മൊഴി രേഖപ്പെടുത്തുന്നതിലും വീഴ്ച സംഭവിച്ചെന്ന് സര്ക്കാര് ഹൈകോടതിയെ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.