പച്ചക്കറി വിലയെ ചൊല്ലി തർക്കം; റാന്നിയിൽ വ്യാപാരിയെ റോഡിലിട്ട് വെട്ടിക്കൊന്നു, ഭാര്യക്കും വെട്ടേറ്റു

റാന്നി (പത്തനംതിട്ട): റാന്നിയിൽ പച്ചക്കറി വ്യാപാരിയെ വെട്ടിക്കൊന്നു. റാന്നി സ്വദേശി അനിലാണ് കൊല്ലപ്പെട്ടത്. അക്രമത്തിനിടെ അനിലിന്റെ ഭാര്യ മഹാലക്ഷ്മിക്കും വെട്ടേറ്റു. ഗുരുതരപരിക്കുകളോടെ ഇവരെ കോട്ടയം മെഡിക്കല്‍ കേളേജിൽ പ്രവേശിപ്പിച്ചു.

പച്ചക്കറി വാങ്ങുന്നതിന് ഇടയിൽ വിലയെ ചൊല്ലിയുള്ള തർക്കമാണ് കൊലപാതകത്തിന് കാരണമെന്ന്​ പൊലീസ്​ പറഞ്ഞു. തിങ്കളാഴ്ച രാത്രി പത്തരയോടെ റാന്നി പേട്ട-ചെട്ടിമുക്ക് റോഡില്‍ എസ്.ബി.െഎക്കടുത്തായിരുന്നു ആക്രമണം.

സംഭവത്തിൽ രണ്ടുപേരെ കസ്റ്റഡിയിലെടുത്തു. ഇവരിൽ ഒരാൾ ഒരാൾ ഒട്ടേറെ കേസുകളിലെ പ്രതിയാണ്​.