ഇടുക്കി ഡാമിലെ വെള്ളം ഒഴുകുന്നത്​ ഇതുവഴി...

ചെറുതോണി: ഇടുക്കി ജലസംഭരണിയുടെ ഭാഗമായ ചെറുതോണി അണക്കെട്ടിന്‍റെ ഷട്ടറുകൾ ഉയർത്തിയതിനെ തുടർന്ന് ചെറുതോണി പുഴയിലൂടെ വെള്ളം അറബിക്കടലിലേക്ക് ഒഴുകി തുടങ്ങി. മൂന്ന്​ ഷട്ടറുകൾ ഉയർത്തിയത് വഴി സെക്കൻഡിൽ ഒരു ലക്ഷം ലിറ്റര്‍ (100 ക്യുമക്സ്) വെള്ളമാണ് പുറത്തേക്ക് ഒഴുകുന്നത്.

ഇ​ടു​ക്കി, ചെ​റു​തോ​ണി, കു​ള​മാ​വ്​ അ​ണ​ക്കെ​ട്ടു​ക​ൾ ചേ​ർ​ന്ന ഇ​ടു​ക്കി പ​ദ്ധ​തി​യി​ൽ ഷ​ട്ട​ർ തു​റ​ന്ന്​ ജ​ലം പു​റ​ത്തേ​ക്കൊ​ഴു​ക്കു​ന്ന​ത്​ ചെ​റു​തോ​ണി അ​ണ​ക്കെ​ട്ടി​ലൂ​ടെ​യാ​ണ്. ചെറുതോണി മുതല്‍ അറബിക്കടൽ വരെയുള്ള 90 കിലോമീറ്റർ ആറ് മണിക്കൂര്‍ കൊണ്ട് ജലമെത്തും. എട്ടാം മിനിറ്റിൽ ചെറുതോണി ടൗണിലും ഒരു മണിക്കൂറിനുള്ളില്‍ പെരിയാറിൽ കടന്ന് വെള്ളം ലോവര്‍ പെരിയാര്‍ അണക്കെട്ടിലുമെത്തും.

വെ​ള്ളം ഒ​ഴു​കു​ന്ന ​വ​ഴികൾ...

അണക്കെട്ടിന്‍റെ ഷട്ടറുകൾ തുറന്നതോടെ ഇ​ടു​ക്കി ജി​ല്ല ആ​ശു​പ​ത്രി സ്​​ഥി​തി ചെ​യ്യു​ന്ന കു​ന്നി​​​​​ന്‍റെ കി​ഴ​ക്ക് വ​ശ​ത്തു ​കൂ​ടി ഒ​ഴു​കു​ന്ന ചെ​റു​തോ​ണി പു​ഴ​യി​ലാ​ണ്​ ആ​ദ്യം വെ​ള്ളം എ​ത്തു​ക. തൊ​ടു​പു​ഴ-​പു​ളി​യ​ന്മ​ല സം​സ്​​ഥാ​ന​പാ​ത​യി​ലെ ചെ​റു​തോ​ണി ച​പ്പാ​ത്തി​ലൂടെ​ വെ​ള്ളം പെരിയാറിലേക്ക് കുതിക്കും.

വെ​ള്ളം ത​ടി​യ​മ്പാ​ട്​-​ക​രി​മ്പ​ൻ ച​പ്പാ​ത്തി​ലൂ​​ടെ പാം​ബ്ല അ​ണ​ക്കെ​ട്ട്​ വ​ഴി നേ​ര്യ​മം​ഗ​ലം, എ​റ​ണാ​കു​ളം ജി​ല്ല അ​തി​ർ​ത്തി​യാ​യ ലോ​വ​ർ പെ​രി​യാ​ർ, ഭൂതത്താൻകെട്ട്​ അണക്കെട്ടിലൂടെ കീരമ്പാറയിൽ എത്തും. തുടർന്ന് കോടനാട്​, മലയാറ്റൂർ, കാലടി, നെടുമ്പാശ്ശേരി, ആലുവയിൽ എത്തുന്ന വെള്ളം രണ്ടായി പിരിഞ്ഞ് അറബിക്കടലിലും കടമകുടി കായലിലും ചേരും.

അണക്കെട്ട്​ തുറക്കുന്നതിന്‍റെ ഭാഗമായി ശക്​തമായ മുൻകരുതൽ നടപടികൾ ഇടുക്കി, എറണാകുളം ജില്ലാ ഭരണകൂടങ്ങൾ സ്വീകരിച്ചിട്ടുണ്ട്​. തീരദേശത്ത് അതീവ ജാഗ്രത പുലര്‍ത്താനും ആളുകൾ അനാവശ്യമായി പെരിയാറിൽ ഇറങ്ങാതിരിക്കാനും രാത്രികാല യാത്രകള്‍ നിയന്ത്രിക്കാനും നിര്‍ദേശം നല്‍കി.

അണക്കെട്ടിന്‍റെ സമീപ വില്ലേജുകളായ ഇടുക്കി, തങ്കമണി, ഉപ്പുതോട്​, കഞ്ഞിക്കുഴി എന്നിവിടങ്ങളിലെ കുടുംബങ്ങളെയാകും ജലപ്രവാഹം കാര്യമായി ബാധിക്കുക. എ​റ​ണാ​കു​ളം ജി​ല്ല​യി​ലെ ആ​ലു​വ, ചെ​ങ്ങ​മ​നാ​ട്​ പ​ഞ്ചാ​യ​ത്തി​ലെ തു​രു​ത്ത്, മു​ള​വു​കാ​ട്​ പ​ഞ്ചാ​യ​ത്ത്, വ​ല്ലാ​ർ​പാ​ടം എ​ന്നീ പ്ര​ദേ​ശ​ങ്ങ​ളി​ൽ ജ​ല​നി​ര​പ്പ്​ ക്ര​മാ​തീ​മാ​യി ഉ​യ​രാനും സാധ്യതയുണ്ട്.