കാട്ടുപന്നി കുറുകെ ചാടി; ഓട്ടോറിക്ഷ മറിഞ്ഞ് അഞ്ചു വയസുകാരൻ മരിച്ചു

മേപ്പാടി: വടുവഞ്ചാൽ നെടുങ്കരണയിൽ കാട്ടുപന്നി കുറുകെ ചാടിയതിനെ തുടർന്ന് ഓട്ടോറിക്ഷ മറിഞ്ഞ് അഞ്ചു വയസുകാരൻ മരിച്ചു. ഓടത്തോട് സ്വദേശി സുദീർ - സുബൈറ ദമ്പതികളുടെ മകൻ മുഹമ്മദ് യാമിൻ (5) ആണ് മരിച്ചത്. രാത്രി ഒമ്പത് മണിയോടെയായിരുന്നു അപകടം.

കൂടെ ഉണ്ടായിരുന്ന മാതാവ് സുബൈറക്കും സഹോദരൻ മുഹമ്മദ് അമീനും പരിക്കേറ്റു. ബന്ധുവീട്ടിൽ പോയി മടങ്ങുന്നതിനിടെയാണ് അപകടമുണ്ടായത്. ഇവരെ മേപ്പാടി സ്വകാര്യ ആശുപത്രിയിൽ പ്രവേശിപ്പിച്ചു.