'പപ്പാ നിങ്ങൾ പറഞ്ഞതായിരുന്നു ശരി'; ഭർത്താവിനും സി.ഐക്കുമെതിരെ കുറിപ്പെഴുതി യുവതി ജീവനൊടുക്കി; ആത്​മഹത്യ കുറിപ്പ്​ പുറത്ത്​

ആ​ലു​വ: ഭ​ർ​തൃ​വീ​ട്ടു​കാ​ർ പീ​ഡി​പ്പി​ച്ചെ​ന്നും ആ​ലു​വ സി.​ഐ മോ​ശ​മാ​യി പെ​രു​മാ​റി​യെ​ന്നും ആ​രോ​പി​ച്ച് നി​യ​മ വി​ദ്യാ​ർ​ഥി​നി തൂ​ങ്ങി​മ​രി​ച്ചു. ആ​ലു​വ എ​ട​യ​പ്പു​റം ടൗ​ൺ​ഷി​പ് റോ​ഡി​ൽ ക​ക്കാ​ട്ടി​ൽ 'പ്യാ​രി​വി​ല്ല'​യി​ൽ ദി​ൽ​ഷാ​ദി​െൻറ മ​ക​ൾ മൂ​ഫി​യ പ​ർ​വീ​നാ​ണ് (21) മ​രി​ച്ച​ത്. തി​ങ്ക​ളാ​ഴ്ച ഉ​ച്ച​ക്കു​ശേ​ഷം മു​റി​യി​ൽ ക​യ​റി​യ യു​വ​തി മൂ​ന്ന​ര​യാ​യി​ട്ടും വാതിൽ തുറക്കാത്ത​തി​നെ തു​ട​ർ​ന്ന് വീ​ട്ടു​കാ​ർ ജ​ന​ൽ ചി​ല്ല് പൊ​ട്ടി​ച്ച് നോ​ക്കി​യ​പ്പോ​ഴാ​ണ് തൂ​ങ്ങി​യ നി​ല​യി​ൽ ക​ണ്ടത്. ഭ​ർ​തൃ​പീ​ഡ​ന പ​രാ​തി​യി​ൽ പൊ​ലീ​സ് സ്​​റ്റേ​ഷ​നി​ൽ അ​നു​ര​ഞ്ജ​ന ച​ർ​ച്ച ന​ട​ന്നി​രു​ന്നു. ഇ​തി​നു​ശേ​ഷം വീ​ട്ടി​ലെ​ത്തി സി.​ഐ​ക്കെ​തി​രെ ക​ത്ത് എ​ഴു​തിെ​വ​ച്ചാ​ണ്​ തൂ​ങ്ങി​മ​രി​ച്ച​ത്. ചൊ​വ്വാ​ഴ്ച ക​ള​മ​ശ്ശേ​രി മെ​ഡി​ക്ക​ൽ കോ​ള​ജി​ൽ പോ​സ്​​റ്റ്​​മോ​ർ​ട്ട​ത്തി​നു​​ശേ​ഷം മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​കൊ​ടു​ത്തു.

കോ​ത​മം​ഗ​ലം സ്വ​ദേ​ശി സു​ഹൈ​ലു​മാ​യി ഏ​പ്രി​ൽ മൂ​ന്നി​നാ​യി​രു​ന്നു നി​ക്കാ​ഹ്. നി​ക്കാ​ഹി​െൻറ ഭാ​ഗ​മാ​യു​ള്ള വി​രു​ന്ന്​ കോ​വി​ഡ് ഇ​ള​വി​നെ തു​ട​ർ​ന്ന് ഡി​സം​ബ​റി​ൽ ന​ട​ത്താ​നി​രി​ക്കു​ക​യാ​യി​രു​ന്നു. ഇ​തി​നി​ടെ സ്ത്രീ​ധ​ന​ ത​ർ​ക്ക​ത്തെ തു​ട​ർ​ന്ന് ഭ​ർ​ത്താ​വും ഭ​ർ​തൃ​മാ​താ​വും പീ​ഡി​പ്പി​ച്ചെ​ന്ന്​ ആ​രോ​പി​ച്ച് യു​വ​തി മൂ​ന്ന് മാ​സ​മാ​യി സ്വ​ന്തം വീ​ട്ടി​ലാ​യി​രു​ന്നു. ഭ​ർ​തൃ​പീ​ഡ​നം ആ​രോ​പി​ച്ച് ആ​ലു​വ പൊ​ലീ​സ് സ്​​റ്റേ​ഷ​നി​ൽ പ​രാ​തി​യും ന​ൽ​കി. സി.​ഐ സി.​എ​ൽ. സു​ധീ​റി​െൻറ സാ​ന്നി​ധ്യ​ത്തി​ൽ ഇ​രു​വ​രെ​യും തി​ങ്ക​ളാ​ഴ്ച രാ​വി​ലെ സ്​​റ്റേ​ഷ​നി​ലേ​ക്ക് വി​ളി​പ്പി​ച്ചി​രു​ന്നു. ഇ​വി​ടെ​െ​വ​ച്ച് സി.​ഐ മോ​ശ​മാ​യി പെ​രു​മാ​റി​യ​താ​യി ആ​ത്മ​ഹ​ത്യ​ക്കു​റി​പ്പി​ലുണ്ട്​. ഒ​ക്ടോ​ബ​ർ 28ന് ​കോ​ത​മം​ഗ​ല​ത്തെ മ​ഹ​ല്ലി​ൽ മു​ത്ത​ലാ​ഖ് ചൊ​ല്ലു​ന്ന​തി​ന് സു​ഹൈ​ൽ ക​ത്ത് ന​ൽ​കി​യി​രു​ന്നു. ഇ​തി​ന് യു​വ​തി​യും വീ​ട്ടു​കാ​രും വി​സ​മ്മ​തി​ച്ച​തും പീ​ഡ​ന​ കാ​ര​ണ​മാ​യെ​ന്നും പ​റ​യു​ന്നു.

തൊ​ടു​പു​ഴ അ​ൽ അ​സ്​​ഹ​ർ ലോ ​കോ​ള​ജി​ൽ മൂ​ന്നാം വ​ർ​ഷ നി​യ​മ​വി​ദ്യാ​ർ​ഥി​നി​യാ​ണ് യു​വ​തി. ഫേ​സ്ബു​ക്കി​ലൂ​ടെ പ​രി​ച​യ​പ്പെ​ട്ട ഇ​രു​വ​രും വീ​ട്ടു​കാ​രു​മാ​യി ആ​ലോ​ചി​ച്ചാ​ണ് വി​വാ​ഹി​ത​രാ​യ​ത്. ബി​രു​ദാ​ന​ന്ത​ര ബി​രു​ദ​ധാ​രി​യാ​ണ് സു​ഹൈ​ൽ. നി​ക്കാ​ഹ് സ​മ​യ​ത്ത് സു​ഹൈ​ലോ വീ​ട്ടു​കാ​രോ സ്ത്രീ​ധ​നം ആ​വ​ശ്യ​പ്പെ​ട്ടി​രു​ന്നി​ല്ല. എ​ന്നാ​ൽ, പി​ന്നീ​ട് പ​ണം ആ​വ​ശ്യ​പ്പെ​ട്ട് പീ​ഡി​പ്പി​ച്ചി​രു​ന്ന​താ​യി യു​വ​തി​യു​ടെ ബ​ന്ധു​ക്ക​ൾ ആ​രോ​പി​ച്ചു. ഫാ​രി​ഷ​യാ​ണ് മാ​താ​വ്. സ​ഹോ​ദ​ര​ൻ മി​ൻ ഖാ​ൻ.

'പപ്പാ, സോറി; നിങ്ങൾ പറഞ്ഞതാണ്​ ശരി'

ആ​ലു​വ: ചു​രു​ങ്ങി​യ നാ​ളി​ൽ താ​ൻ അ​നു​ഭ​വി​ച്ച വേ​ദ​ന​ക​ൾ കു​റി​ച്ചി​ട്ട​താ​യി​രു​ന്നു മൂ​ഫി​യ പ​ർ​വീ​െൻറ ആ​ത്മ​ഹ​ത്യ​ക്കു​റി​പ്പ്. ജീ​വി​ത​പ​ങ്കാ​ളി​യെ ക​ണ്ടെ​ത്തി​യ​തി​ൽ വീ​ഴ്ച സം​ഭ​വി​ച്ച​താ​യി യു​വ​തി പ​റ​യു​ന്നു. ഭ​ർ​ത്താ​വി​നെ ഏ​റെ സ്നേ​ഹി​ച്ച​താ​യി പ​റ​യു​ന്ന മൂ​ഫി​യ, അ​തു​ത​ന്നെ​യാ​ണ് താ​ൻ ചെ​യ്ത തെ​റ്റെ​ന്നും വി​ല​പി​ക്കു​ന്നു. ഭ​ർ​ത്താ​വി​െൻറ​യും ബ​ന്ധു​ക്ക​ളു​ടെ​യും പീ​ഡ​നം ചൂ​ണ്ടി​ക്കാ​ട്ടു​ന്ന​തി​നൊ​പ്പം നീ​തി​ക്ക്​ സ​മീ​പി​ച്ച പൊ​ലീ​സ് ഉ​ദ്യോ​ഗ​സ്ഥ​നി​ൽ​നി​ന്ന്​ അ​പ​മാ​നം ഏ​ൽ​ക്കേ​ണ്ടി​വ​ന്ന​താ​യും കു​റി​പ്പി​ൽ ആ​രോ​പി​ച്ചു.

കു​റി​പ്പ്​ ഇ​ങ്ങ​നെ: 'പ​പ്പാ, സോ​റി. നി​ങ്ങ​ൾ പ​റ​ഞ്ഞ​താ​യി​രു​ന്നു ശ​രി. അ​വ​ൻ ശ​രി​യ​ല്ല. പ​റ്റു​ന്നി​ല്ല ഇ​വി​ടെ ജീ​വി​ക്കാ​ൻ. ഞാ​ൻ ഈ ​ലോ​ക​ത്ത് ആ​െ​ര​ക്കാ​ളും സ്നേ​ഹി​ച്ച​യാ​ൾ എ​ന്നെ​പ്പ​റ്റി ഇ​ങ്ങ​നെ പ​റ​യു​ന്ന​ത് കേ​ൾ​ക്കാ​നു​ള്ള ശ​ക്തി​യി​ല്ല. അ​വ​ൻ അ​നു​ഭ​വി​ക്കും. എ​ന്താ​യാ​ലും പ​പ്പ സ​ന്തോ​ഷ​ത്തോ​ടെ ജീ​വി​ക്ക്. എ​െൻറ റൂ​ഹ് ഇ​വി​ടെ​ത​ന്നെ​യു​ണ്ടാ​കും. ഞാ​ൻ അ​വ​നെ അ​ത്ര​മേ​ൽ സ്നേ​ഹി​ച്ച​താ​ണ് ഞാ​ൻ ചെ​യ്ത തെ​റ്റ്. പ​ട​ച്ചോ​നും അ​വ​നും എ​നി​ക്കും അ​റി​യാ​വു​ന്ന കാ​ര്യ​മാ​ണ​ത്.

നീ (​ഭ​ർ​ത്താ​വ്) എ​ന്താ​ണ് എ​ന്നോ​ട് ഇ​ങ്ങ​നെ ചെ​യ്യു​ന്ന​തെ​ന്ന് മാ​ത്രം മ​ന​സ്സി​ലാ​കു​ന്നി​ല്ല. ഞാ​ൻ എ​ന്ത് തെ​റ്റാ​ണ് നി​ങ്ങ​ളോ​ട് ചെ​യ്ത​ത്. നി​ങ്ങ​ളെ ഞാ​ൻ സ്നേ​ഹി​ക്കാ​ൻ പാ​ടി​ല്ലാ​യി​രു​ന്നു. ഞാ​ൻ മ​രി​ച്ചാ​ൽ അ​വ​ൻ എ​ന്തൊ​ക്കെ പ​റ​ഞ്ഞു​ണ്ടാ​ക്കു​മെ​ന്ന് അ​റി​യി​ല്ല. അ​വ​ൻ എ​ന്നെ മാ​ന​സി​ക​രോ​ഗി​യാ​ക്കി​ക്ക​ഴി​ഞ്ഞു. ഇ​നി ഞാ​ൻ എ​ന്തു​ചെ​യ്താ​ലും മാ​ന​സി​ക പ്ര​ശ്ന​മെ​ന്നേ പ​റ​യൂ. എ​നി​ക്ക് ഇ​നി ഇ​ത് കേ​ട്ടു​നി​ൽ​ക്കാ​ൻ വ​യ്യ. ഞാ​ൻ ഒ​രു​പാ​ടാ​യി സ​ഹി​ക്കു​ന്നു. സി.​ഐ​ക്കെ​തി​രെ ന​ട​പ​ടി​യെ​ടു​ക്ക​ണം. സു​ഹൈ​ലും മാ​താ​വും പി​താ​വും ക്രി​മി​ന​ലു​ക​ളാ​ണ്. അ​വ​ർ​ക്ക് പ​ര​മാ​വ​ധി ശി​ക്ഷ കൊ​ടു​ക്ക​ണം. എ​െൻറ അ​വ​സാ​ന​ത്തെ ആ​ഗ്ര​ഹം'.

സ്​​റ്റേ​ഷ​ൻ ചു​മ​ത​ല​; സി.​െഎയെ മാ​റ്റി

കൊ​ച്ചി: ആ​ലു​വ​യി​ൽ ഭ​ർ​തൃ​പീ​ഡ​ന​ത്തെ തു​ട​ർ​ന്ന് ആ​ത്മ​ഹ​ത്യ​ചെ​യ്ത യു​വ​തി മൂ​ഫി​യ പ​ർ​വീ​ണി​െൻറ ആ​ത്മ​ഹ​ത്യ​ക്കു​റി​പ്പി​ൽ പ​രാ​മ​ർ​ശി​ക്ക​പ്പെ​ട്ട സി.​ഐ സി.​എ​ൽ. സു​ധീ​ർ ഉ​ത്ര കൊ​ല​പാ​ത​ക​ക്കേ​സി​ൽ ആ​രോ​പ​ണം നേ​രി​ട്ട ഉ​ദ്യോ​ഗ​സ്ഥ​ൻ. കൊ​ല്ല​ത്ത്​ ഉ​ത്ര​യെ ഭ​ർ​തൃ​വീ​ട്ടി​ൽ പാ​മ്പു​ക​ടി​പ്പി​ച്ച്​ കൊ​ന്ന കേ​സി​​െൻറ അ​ന്വേ​ഷ​ണ തു​ട​ക്ക​ത്തി​ൽ തെ​ളി​വു​ക​ൾ ശേ​ഖ​രി​ക്കു​ന്ന​തി​ൽ ഇ​യാ​ൾ വീ​ഴ്​​ച​വ​രു​ത്തി​യെ​ന്ന്​ കൊ​ല്ലം റൂ​റ​ൽ എ​സ്.​പി ഡി.​ജി.​പി​ക്ക്​ റി​പ്പോ​ർ​ട്ട്​ ന​ൽ​കി​യി​രു​ന്നു. തു​ട​ർ​ന്ന്​ അ​ഞ്ച​ലി​ൽ​നി​ന്ന്​ ഇ​​യാ​ളെ ആ​ലു​വ​യി​ലേ​ക്ക്​ മാ​റ്റി.

മൂ​ഫി​യ​യു​ടെ ആ​ത്​​മ​ഹ​ത്യ​യെ തു​ട​ർ​ന്ന്​ സി.​ഐ​യെ ആ​ലു​വ ഈ​സ്​​റ്റ്​ സ്​​റ്റേ​ഷ​ൻ ചു​മ​ത​ല​ക​ളി​ൽ​നി​ന്ന്​​ മാ​റ്റി. ആ​ത്​​മ​ഹ​ത്യ ക്കു​റി​പ്പി​ൽ ഇ​യാ​ളു​ടെ പേ​ര്​ പ​രാ​മ​ർ​ശി​ച്ച​തി​നെ തു​ട​ർ​ന്നാ​ണ്​ ന​ട​പ​ടി. ഡി​വൈ.​എ​സ്.​പി​ക്കാ​ണ്​ അ​ന്വേ​ഷ​ണ​ച്ചു​മ​ത​ല.

ഉ​ത്ര കൊ​ല​ക്കേ​സ്​ അ​ന്വേ​ഷ​ണ ഉ​ദ്യോ​ഗ​സ്ഥ​നാ​യി​രു​ന്ന സു​ധീ​ർ ഉ​ത്ര​യു​ടെ മാ​താ​പി​താ​ക്ക​ൾ ന​ൽ​കി​യ പ​രാ​തി​യി​ൽ ആ​ദ്യം ന​ട​പ​ടി​യെ​ടു​ത്തി​ല്ലെ​ന്ന്​ ആ​രോ​പ​ണം ഉ​യ​ർ​ന്നി​രു​ന്നു. സു​ധീ​റി​െൻറ അ​ന്വേ​ഷ​ണ വീ​ഴ്ച​യെ​ക്കു​റി​ച്ചു​ള്ള പൊ​ലീ​സി​െൻറ ആ​ഭ്യ​ന്ത​ര അ​ന്വേ​ഷ​ണം ഈ ​മാ​സം 19നാ​ണ് പൂ​ർ​ത്തി​യാ​യ​ത്. അ​തി​ന് മു​മ്പ് അ​ഞ്ച​ൽ ഇ​ട​മു​ള​ക്ക​ലി​ൽ മ​രി​ച്ച ദ​മ്പ​തി​മാ​രു​ടെ ഇ​ൻ​ക്വ​സ്​​റ്റ്​ റി​പ്പോ​ർ​ട്ട് ഒ​പ്പി​ടാ​ൻ സ്വ​ന്തം വീ​ട്ടി​ലേ​ക്ക് മൃ​ത​ദേ​ഹം എ​ത്തി​ച്ച വി​വാ​ദ​ത്തി​ലും സു​ധീ​റി​നെ​തി​രെ ആ​ഭ്യ​ന്ത​ര അ​ന്വേ​ഷ​ണം ന​ട​ന്നി​ട്ടു​ണ്ട്. 2020 ജൂ​ണി​ലാ​യി​രു​ന്നു ഈ ​കേ​സ്.

യു​വ​തി​ പ്രശ്​നക്കാരി –സി.​ഐ

ആ​ലു​വ: ഇ​രു​വി​ഭാ​ഗ​ത്തെ​യും സ്​​റ്റേ​ഷ​നി​ലേ​ക്ക് വി​ളി​ച്ചു​വ​രു​ത്തി ന​ട​ത്തി​യ അ​നു​ര​ഞ്ജ​ന ച​ർ​ച്ച​ക്കി​ടെ യു​വ​തി​യോ​ട് മോ​ശ​മാ​യി പെ​രു​മാ​റി​യി​ട്ടി​ല്ലെ​ന്ന് ആ​ലു​വ സി.​ഐ സി.​എ​ൽ. സു​ധീ​ർ. യു​വ​തി​യാ​ണ് പ്ര​ശ്ന​മു​ണ്ടാ​ക്കി​യ​ത്. യു​വ​തി​യു​ടെ കു​ടും​ബ​ത്തി​െൻറ ഭാ​ഗം കേ​ട്ട ശേ​ഷം ഭ​ർ​ത്താ​വി​െൻറ വി​ശ​ദീ​ക​ര​ണം കേ​ൾ​ക്കു​ന്ന​തി​നി​ടെ യു​വ​തി യു​വാ​വി​െൻറ ക​ര​ണ​ത്ത​ടി​ച്ചു. തു​ട​ർ​ന്ന്, ഇ​ത്ത​രം സം​ഭ​വം ആ​വ​ർ​ത്തി​ക്ക​രു​തെ​ന്നും തെ​റ്റാ​യ പ്ര​വൃ​ത്തി​യാ​ണെ​ന്നും പ​റ​ഞ്ഞു. ഇ​തി​നി​ടെ മോ​ശ​മാ​യ ഒ​രു സം​സാ​ര​വും ഉ​ണ്ടാ​യി​ല്ല. കോ​ട​തി​യി​ൽ റി​പ്പോ​ർ​ട്ട് ന​ൽ​കി​യ​താ​യും സി.​ഐ പ​റ​ഞ്ഞു.

ഡിവൈ.എസ്.പി അന്വേഷിക്കും

ആ​ലു​വ: യു​വ​തി ആ​ത്മ​ഹ​ത്യ ചെ​യ്ത സം​ഭ​വം ഡി​വൈ.​എ​സ്.​പി അ​ന്വേ​ഷി​ക്കു​മെ​ന്ന് ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക് അ​റി​യി​ച്ചു. സം​ഭ​വ​ത്തെ​ക്കു​റി​ച്ച് വി​ശ​ദ​മാ​യി അ​ന്വേ​ഷി​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. സ്​​റ്റേ​ഷ​ൻ ചു​മ​ത​ല​യു​ള്ള സി.​ഐ സി.​എ​ൽ. സു​ധീ​റി​നെ ചു​മ​ത​ല​ക​ളി​ൽ​നി​ന്ന് താ​ൽ​ക്കാ​ലി​ക​മാ​യി മാ​റ്റി​യതായി അദ്ദേഹം പറഞ്ഞു.

ദാ​രു​ണ സം​ഭ​വ​മെ​ന്ന്​ വ​നി​ത ക​മീ​ഷ​ൻ

കൊ​ച്ചി: ആ​ലു​വ​യി​ൽ ഭ​ർ​തൃ​പീ​ഡ​നം മൂ​ലം അ​ഭി​ഭാ​ഷ​ക വി​ദ്യാ​ർ​ഥി​നി ആ​ത്മ​ഹ​ത്യ ചെ​യ്ത​ത് ദാ​രു​ണ സം​ഭ​വ​മാ​ണെ​ന്ന്​ വ​നി​ത ക​മീ​ഷ​ൻ അ​ധ്യ​ക്ഷ അ​ഡ്വ. പി. ​സ​തീ​ദേ​വി. നീ​തി​ര​ഹി​ത സ​മീ​പ​നം പൊ​ലീ​സ് സ്​​റ്റേ​ഷ​നി​ൽ​നി​ന്ന്​ ഉ​ണ്ടാ​യി​ട്ടു​ണ്ടോ എ​ന്ന് അ​ന്വേ​ഷി​ക്കും. ഇ​ത് സം​ബ​ന്ധി​ച്ച് അ​ന്വേ​ഷ​ണ​ത്തി​ന്​ ഡി​വൈ.​എ​സ്പി​ക്ക് നി​ർ​ദേ​ശം ന​ൽ​കി. റി​പ്പോ​ർ​ട്ട് ല​ഭി​ച്ച​തി​നു​ശേ​ഷം തു​ട​ർ​ന​ട​പ​ടി സ്വീ​ക​രി​ക്കു​മെ​ന്നും അ​വ​ർ പ​റ​ഞ്ഞു. മൂ​ഫി​യ പ​ർ​വീ​ണി​​െൻറ വ​സ​തി സം​സ്ഥാ​ന വ​നി​ത ക​മീ​ഷ​ൻ സ​ന്ദ​ർ​ശി​ച്ചു. ചെ​യ​ർ​പേ​ഴ്സ​ൻ അ​ഡ്വ. പി. ​സ​തീ​ദേ​വി, അം​ഗം അ​ഡ്വ. ഷാ​ജി ശി​വ​ജി എ​ന്നി​വ​രാ​ണ് വീ​ട്ടി​ലെ​ത്തി​യ​ത്. മാ​താ​പി​താ​ക്ക​ളി​ൽ​നി​ന്ന്​ അ​വ​ർ വി​വ​ര​ങ്ങ​ൾ ശേ​ഖ​രി​ച്ചു.