മുളക് പൊടി വിതറി മാല പിടിച്ചുപറിക്കാൻ ശ്രമിച്ചയാളെ യുവതി കീഴ്​പ്പെടുത്തി

സ്​കൂട്ടറിൽ യാത്രചെയ്യുന്നതിനിടെ തടഞ്ഞു നിർത്തി മാല പിടിച്ചുപറിക്കാൻ ശ്രമിച്ചയാളെ യുവതി കീഴ്​പ്പെടുത്തി. ഇയാളെ അവർ ചൊക്ലി പൊലീസിൽ ഏൽപിച്ചു. കൊളവല്ലൂർ എൽ.പി സ്കൂൾ അധ്യാപിക ലീക്ഷ്മയാണ്​ കവർച്ചക്കാരനെ സാഹസികമായി കീഴ്​പ്പെടുത്തിയത്​.

കവർച്ചാ ശ്രമം നടത്തിയ കോഴിക്കോട് നരിക്കുനി സ്വദേശി അൻഷാദ് സമാനെ പൊലീസ്​ അറസ്റ്റ്​ ചെയ്​തു. അണിയാരം ശിവക്ഷേത്ര പരിസരത്താണ്​ മോഷണ ശ്രമം നടന്നത്​​. സ്​കൂട്ടർ തടഞ്ഞു നിർത്തി മുളകുപൊടി വിതറിയായിരുന്നു കവർച്ചശ്രമം.