പൂര വിളംബരത്തിന്​ തെച്ചിക്കോട്ട്കാവ്​​ രാമചന്ദ്രനെ എഴുന്നള്ളിക്കാമെന്ന്​ നിയമോപദേശം

കൊച്ചി: തൃശൂർ പൂര വിളംബരത്തിന്​ ആവശ്യമെങ്കിൽ തെച്ചിക്കോട്ട്കാവ്​ രാമചന്ദ്രനെ എഴുന്നള്ളിക്കാമെന്ന്​ നിയമ ോപദേശം. അഡ്വക്കറ്റ്​ ജനറലാണ്​ നിയമോപദേശം നൽകിയത്​.

കർശന സുരക്ഷയോടെയാണ്​ ആനയെ എഴുന്നള്ളിക്കേണ്ടത്​. ആന ക്ക്​ പ്രകോപനമുണ്ടാവില്ലെന്ന്​ ഉറപ്പാക്കണം. അനിഷ്​ടസംഭവങ്ങളുണ്ടായാൽ ആനയുടമക്കാവും ഉത്തരവാദിത്തമുണ്ടാവുകയെന്നും നിയമോപദേശത്തിൽ പറയുന്നു. നെയ്​തലക്കാവിലമ്മയുടെ തിടമ്പുമായി തെക്കേ ഗോപുര നടതുറന്നാണ്​ പൂരവിളംബരം നടത്തുക. കഴിഞ്ഞ വർഷം തെച്ചിക്കോട്ട്​കാവ്​ രാമചന്ദ്രനായിരുന്നു പൂരവിളംബരത്തിനായി നെയ്​തലക്കാവിലമ്മയുടെ തിട​േമ്പറ്റിയത്​.

അതേസമയം, തൃ​ശൂർ പൂരത്തി​​​െൻറ ഒരുക്കങ്ങൾ ചർച്ച ചെയ്യാൽ കലക്​ടറുടെ അധ്യക്ഷതയിൽ ഇന്ന്​ യോഗം ചേരുന്നുണ്ട്​. വൈകീട്ട്​ ഏഴ്​ മണിക്കാണ്​ യോഗം. തെച്ചിക്കോട്ട്​കാവ്​ രാമചന്ദ്രനെ പൂരത്തിന്​ ഏഴുന്നള്ളിക്കുന്നതുമായ ​പ്രശ്​നത്തിൽ ഇടപ്പെടാനാവില്ലെന്ന്​ ഹൈകോടതി രാവിലെ വ്യക്​തമാക്കിയിരുന്നു.