വീട്​ കുത്തിത്തുറന്ന്​ വൻ കവർച്ച; 45 പ​വൻ നഷ്​ടമായി

കായംകുളം: വള്ളികുന്നത്ത്​ വീട്​ കുത്തിത്തുറന്ന്​ വൻ കവർച്ച. ഇലിപ്പക്കുളം കിണർമുക്ക്​ ഉപ്പുകണ്ടം പൂമംഗലത്ത്​ സദാനന്ദ​​െൻറ വീട്ടിൽനിന്നാണ്​ 45 പ​വനോളം ആഭരണങ്ങൾ നഷ്​ടമായത്​. വെള്ളിയാഴ്​ച പുലർച്ചയായിരുന്നു സംഭവം. സദാനന് ദ​​െൻറ സഹോദരൻ ഇലിപ്പക്കുളം ചൂനാട്​ കാവുള്ളതിൽ ഭാസ്​കരൻ കഴിഞ്ഞദിവസം മര​ണപ്പെട്ടിരുന്നു. വ്യാഴാഴ്​ചയായിരുന് നു സംസ്​കാരച്ചടങ്ങ്​. മരണാനന്തര കർമങ്ങളിൽ പ​ങ്കെടുക്കാൻ സദാനന്ദനും കുടുംബവും ഇവിടേക്ക്​ പോയിരുന്നു. തിരക്കിട്ട്​ പോയിരുന്നതിനാൽ കിടപ്പുമുറികൾ പൂട്ടിയിരുന്നില്ല.

വീട്ടിൽ താമസക്കാരില്ലെന്ന്​ മനസ്സിലാക്കി എത്തിയ തസ്​കര സംഘം മുൻവശത്തെ വാതിൽ തകർത്താണ്​ അകത്ത്​ കയറിയത്​. സദാനന്ദ​​െൻറ മക്കളായ പ്രദീപ്​, സന്തോഷ്​ എന്നിവരുടെ കിടപ്പുമുറികളിലെ അലമാരകളിലാണ്​ സ്വർണം സൂക്ഷിച്ചിരുന്നത്​. പ്രദീപി​​െൻറ ഭാര്യ അതുല്യയുടെയും സന്തോഷി​​െൻറ ഭാര്യ രഞ്​ജിനിയുടെയും മക്കളുടെയും ആഭരണങ്ങളാണ്​ നഷ്​ടമായത്​. 67 പവനോളം നഷ്​ടമായി എന്നാണ്​ ആദ്യം സംശയിച്ചത്​. വിശദ പരിശോധനയിൽ അലമാരയുടെ മറ്റ്​ ഭാഗങ്ങളിൽനിന്നായി 22 പവൻ കണ്ടെത്തുകയായിരുന്നു. ഇവിടെ സൂക്ഷിച്ചിരുന്ന 5000 രൂപയും നഷ്​ടപ്പെട്ടിട്ടില്ല.

ബന്ധുവായ ഹരികുമാർ വെള്ളിയാഴ്​ച രാവിലെ കാർ എടുക്കാൻ എത്തിയപ്പോഴാണ്​ വീട്​ കുത്തിത്തുറന്നതായി ശ്രദ്ധയിൽപെട്ടത്. തുടർന്ന്​ ബന്ധുക്കളെയും പൊലീസിനെയും അറിയിക്കുകയായിരുന്നു. ചെങ്ങന്നൂർ ഡിവൈ.എസ്​.പി അനീഷ്​ വി. കോര, വള്ളികുന്നം എസ്​.​െഎ ഷൈജു ഇ​​ബ്രാഹീം എന്നിവരുടെ നേതൃത്വത്തിലുള്ള പൊലീസ്​ സംഘം സ്ഥലത്ത്​ പരിശോധന നടത്തി.

തെളിവെടുപ്പിന്​ എത്തിച്ച പൊലീസ്​ നായ്​ കിണറുമുക്ക്​ വഴി കോമളത്തുകുഴിവരെ പോയി മടങ്ങുകയായിരുന്നു. പുലർച്ച 12.15നും 3.30നും ഇടയിലാണ്​ മോഷണം നടന്നതെന്ന്​ കരുതുന്നു. ഇൗ സമയത്തെ സി.സി.ടി.വി ദൃശ്യങ്ങളിൽനിന്നായി രണ്ട്​ ഇരുചക്രവാഹനങ്ങളും ഒരു കാറും ഇതുവഴി കടന്നുപോകുന്നത്​ കണ്ടെത്തിയിട്ടുണ്ട്​. വിരലടയാള വിദഗ്​ധരും സ്ഥലത്ത്​ പരിശോധന നടത്തി.