ഡോക്ടറുടെ വീട് കുത്തിത്തുറന്ന് മോഷണം; ഒരാൾ കൂടി അറസ്​റ്റിൽ

ഒറ്റപ്പാലം: ഡോക്ടറുടെ വാടകവീട് കുത്തിത്തുറന്ന് മോഷണം നടത്തിയ കേസിൽ ഒരാൾ കൂടി അറസ്​റ്റിൽ. ഒറ്റപ്പാലം ആർ.എസ് റോഡിലെ വലിയവീട്ടുപറമ്പിൽ ഫിറോസാണ്​ (പിപ്പിലി ഫിറോസ് -^34) അറസ്​റ്റിലായത്.

2011ൽ രജിസ്​റ്റർ ചെയ്ത മറ്റൊരു കേസിൽ കോടതിയിൽ ഹാജരാകാതെ ഇയാൾ മുങ്ങിനടക്കുകയായിരുന്നെന്ന് പൊലീസ് പറഞ്ഞു. ആഗസ്​റ്റ് എട്ടിന് രാത്രി സുന്ദരയ്യർ റോഡിലെ ഡോ. വിനോദി​െൻറ പൂട്ടിയിട്ട വീട്ടിലായിരുന്നു മോഷണം.

വീട് കുത്തിത്തുറന്ന് ഒന്നര പവ​െൻറ മാലയും ഡോളർ കറൻസികളും വിലപിടിപ്പുള്ള വാച്ചും ഉൾപ്പെടെ മോഷ്​ടിച്ച കേസിൽ അറസ്​റ്റിലാകുന്ന നാലാമനാണ് ഇയാൾ.

അന്തർജില്ല മോഷ്​ടാവ് മലപ്പുറം അരീക്കോട് സ്വദേശി അനിൽകുമാർ എന്ന കാർലോസ് (53) ഒറ്റപ്പാലം കാഞ്ഞിരക്കടവ് സ്വദേശി ഖാജാ ഹുസൈൻ (47), വെളിയങ്കോട് സൂനാമി കോളനിയിൽ താമസിക്കുന്ന പൊന്നാനി പഴയപുരക്കൽ സിദ്ദീക്കുട്ടി (58) എന്നിവരാണ് നേര​േത്ത അറസ്​റ്റിലായത്.

എ.എസ്.പി വിഷ്ണു പ്രദീപി​െൻറ നേതൃത്വത്തിൽ സി.ഐ എം. സുജിത്ത്, എസ്.ഐ പി.എൽ. ജോർജ് എന്നിവരടങ്ങിയ സംഘമാണ് ഇയാളെ അറസ്​റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്ത് ആലത്തൂർ സബ് ജയിലിലേക്കയച്ചു.