ട്രെയിനുകളിൽ മോഷണം; മലയാളി അറസ്​റ്റിൽ, പ്രതി മലേഷ്യയിലെ ഹോട്ടലുടമ

ചെന്നൈ: ട്രെയിനുകളിൽ മോഷണം നടത്തുന്ന തൃശൂർ സ്വദേശി ഷാഹുൽ ഹമീദ്​(39) അറസ്​റ്റിൽ. ഇയാൾ മലേഷ്യയിൽ കുടുംബത്തോടെ ാപ്പം താമസിക്കുകയായിരുന്നു​. മലേഷ്യയിൽനിന്ന്​ ചെന്നൈയിൽ വിമാനത്തിലെത്തും. തുടർന്ന്​ ചെന്നൈയിൽനിന്നുള്ള ദീർ ഘദൂര ട്രെയിനുകളിലെ എ.സി, ഫസ്​റ്റ്​ക്ലാസ്​, എ.സി സെക്കൻഡ്​​ ക്ലാസ്​ കോച്ചുകളിൽ യാത്രചെയ്​ത്​ മോഷണം നടത്തുകയാണ്​ പതിവ്​.

സ്​ത്രീ യാത്രക്കാർ ഉറങ്ങു​േമ്പാൾ അവരുടെ ഹാൻഡ്​ബാഗുകളാണ്​ പ്രധാനമായും മോഷ്​ടിച്ചിരുന്നത്​. സ്വർണം തൃശൂർ, മുംബൈ എന്നിവിടങ്ങളിൽ കൊണ്ടുപോയി വിൽക്കും. ഒന്നര കോടി രൂപ മുതൽമുടക്കി മലേഷ്യയിലെ നക്ഷത്ര ഹോട്ടലി​​​െൻറ ഡയറക്​ടറായ​ പ്രതിക്ക്​ ആറു ഭാഷകൾ അറിയാം.

ഇയാൾക്ക്​ രണ്ടു​ ഭാര്യമാരുണ്ട്​. യുവതിയെ പീഡിപ്പിച്ച കേസിൽ ഇയാളുടെ പേരിൽ നാഗ്​പൂർ പൊലീസിൽ കേസുണ്ട്​. വിദേശത്ത്​ ജോലി തരപ്പെടുത്താമെന്നു​ പറഞ്ഞ്​ നിരവധി ഉദ്യോഗാർഥികളിൽനിന്ന്​ ലക്ഷങ്ങൾ തട്ടിയെടുത്തതായും അന്വേഷണത്തിൽ വ്യക്തമായിട്ടുണ്ട്​.

തമിഴ്​നാട്ടിൽ 2016 മുതലാണ്​ ട്രെയിനുകളിൽ മോഷണം പതിവാക്കിയതെന്ന്​ പ്രതി പൊലീസിനോട്​ പറഞ്ഞു. ഷാഹുൽഹമീദി​​​െൻറ പക്കൽനിന്ന്​ 110 പവൻ സ്വർണം പൊലീസ്​ പിടിച്ചെടുത്തു. വിദേശരാജ്യങ്ങളിലും കേരളം ഉൾപ്പെടെ വിവിധ സംസ്​ഥാനങ്ങളിലും ഇയാൾ മോഷണം നടത്തിയിട്ടുണ്ടെന്ന്​ സംശയിക്കുന്നതായി റെയിൽവേ പൊലീസ്​ ഡി.​െഎ.ജി ബാലകൃഷ്​ണൻ അറിയിച്ചു. പ്രതിയെ ചെന്നൈ കോടതിയിൽ ഹാജരാക്കി റിമാൻഡ്​ ചെയ്​തു.