പൊലീസിൽ കുഴപ്പക്കാരുണ്ടെന്ന് മുഖ്യമന്ത്രി

ആലപ്പുഴ: പൊലീസില്‍ കുഴപ്പക്കാരുണ്ടെന്ന് മുഖ്യമന്ത്രി പിണറായി വിജയന്‍. ഇവരെ നിരീക്ഷിച്ച് നടപടിയെടുക്കുമെന്നും അദ്ദേഹം പറഞ്ഞു. സി.പി.എം ആലപ്പുഴ ജില്ല സമ്മേളനത്തില്‍ പൊലീസിനെതിരെ ഉയര്‍ന്ന വിമര്‍ശനങ്ങളോട് പ്രതികരിക്കുകയായിരുന്നു അദ്ദേഹം.

പൊലീസില്‍ ചില ഉദ്യോഗസ്ഥര്‍ കുഴപ്പക്കാരാണ്. അത്തരം പ്രശ്‌നക്കാരെ നിരീക്ഷിച്ച് നടപടി കൈക്കൊള്ളും -മുഖ്യമന്ത്രി പറഞ്ഞു.

ഘടകകക്ഷികളെ ഒപ്പം നിര്‍ത്തണമെന്ന നിലപാടും പിണറായി വിജയന്‍ സ്വീകരിച്ചു. കുട്ടനാട് എം.എൽ.എയെ നിയന്ത്രിക്കേണ്ട കാര്യമില്ല. സി.പി.ഐയോട് ശത്രുത വേണ്ട. സി.പി.ഐയും എൻ.സി.പിയും ഇടതു മുന്നണിയിലെ ഘടകകക്ഷികളാണ്. സി.പി.എം ആലപ്പുഴ ഘടകത്തിലെ വിഭാഗീയതയ്‌ക്കെതിരെയും മുഖ്യമന്ത്രി കര്‍ശന നിലപാട് സ്വീകരിച്ചു.