‘നീന്തൽകുളത്തിനും ആഘോഷത്തിനും പണമുണ്ട്, റേഷനില്ല’; സർക്കാറിനെ വിമർശിച്ച് ഗവർണർ

തിരുവനന്തപുരം: സാമ്പത്തിക പ്രതിസന്ധിയിൽ സംസ്ഥാന സർക്കാറിനെ വീണ്ടും രൂക്ഷമായി വിമർശിച്ച് ഗവർണർ. നീന്തൽ കുളത്തിനും ആഘോഷത്തിനും സർക്കാറിന് പണമുണ്ടെന്നും എന്നാൽ, റേഷന് പണമില്ലെന്നും ഗവർണർ ആരിഫ് മുഹമ്മദ് ഖാൻ കുറ്റപ്പെടുത്തി.

'പെൻഷന് പണം അനുവദിക്കുന്നില്ല. ശമ്പളത്തിന് പണം അനുവദിക്കുന്നില്ല. എന്നാൽ, നമ്മൾ വലിയ ആഘോഷങ്ങൾ സംഘടിപ്പിക്കുന്നു, നീന്തൽ കുളം നിർമാണത്തിന് ദശലക്ഷം ചെലവഴിക്കുന്നു' -ഗവർണർ മാധ്യമപ്രവർത്തകരോട് പറഞ്ഞു.

അതേസമയം, സംസ്ഥാന സ​ർ​ക്കാ​റി​ന്‍റെ സാ​മ്പ​ത്തി​ക ബാ​ധ്യ​ത​ക​ൾ കു​മി​ഞ്ഞു​കൂ​ടു​ക​യാ​ണ്. അ​തി​നൊ​പ്പം വാ​ർ​ഷി​ക പ​ദ്ധ​തി പ​ണ​മി​ല്ലാ​തെ ഇ​ഴ​യു​ന്നു. വ​കു​പ്പു​ക​ൾ​ക്ക്​ കൊ​ടു​ക്കാ​ൻ പ​ണ​മി​ല്ല. ട്ര​ഷ​റി​യി​ൽ ക​ടു​ത്ത നി​യ​ന്ത്ര​ണം തു​ട​രു​ന്നു. ക​രാ​റു​കാ​ർ​ക്ക്​ 16,000 കോ​ടി കു​ടി​ശ്ശി​ക​യാ​ണ്.

സാ​മൂ​ഹി​ക സു​ര​ക്ഷ പെ​ൻ​ഷ​ൻ നാ​ല്​ മാ​സം കു​ടി​ശ്ശി​ക​യു​ള്ള​തി​ൽ ഒ​രു മാ​സ​ത്തേ​ത്​ കൊ​ടു​ക്കാ​ൻ തീ​രു​മാ​നി​ച്ചിട്ടുണ്ട്. സ​ർ​ക്കാ​ർ ജീ​വ​ന​ക്കാ​ർ​ക്ക്​ പെ​ൻ​ഷ​ൻ, ശ​മ്പ​ള​പ​രി​ഷ്ക​ര​ണ കു​ടി​ശ്ശി​ക ന​ൽ​കി​യി​ട്ടി​ല്ല. പു​തി​യ സ​ർ​ക്കാ​ർ വ​ന്ന ശേ​ഷ​മു​ള്ള ക്ഷാ​മ​ബ​ത്ത​യും കു​ടി​ശ്ശി​ക​യാ​ണ്.

കെ.​എ​സ്.​ആ​ർ.​ടി.​സി​യി​ലും മൂ​ന്ന്​ മാ​സ​മാ​യി പെ​ൻ​ഷ​ൻ കു​ടി​ശ്ശി​ക​യാ​ണ്. സ​പ്ലൈ​കോ​ക്ക്​​ 1524 കോ​ടി രൂ​പ അ​ടി​യ​ന്ത​ര​മാ​യി ന​ൽ​ക​ണം. 120 യൂ​നി​റ്റ്​ വ​രെ ഉ​പ​യോ​ഗി​ക്കു​ന്ന​വ​ർ​ക്ക്​ സ​ബ്​​സി​ഡി ന​ൽ​കി​യി​ല്ലെ​ങ്കി​ൽ വൈ​ദ്യു​തി നി​ര​ക്ക്​ വ​ർ​ധ​ന ഇ​ത്ത​ര​ക്കാ​ർ​ക്ക്​ വ​ലി​യ ആ​ഘാ​ത​മു​ണ്ടാ​ക്കും.