അവർ സംസാരിച്ചത്​ മറ്റേതോ ഭാഷ; നിങ്ങളെന്തിനാണ്​ മലയാളത്തെ അതിലേക്ക്​ വലിച്ചിഴക്കുന്നത്​ ? തരൂരിന്​ മറുപടിയുമായി എൻ.എസ്​.മാധവൻ

കോഴിക്കോട്​: ശശി തരൂർ പങ്കുവെച്ച താലിബാൻ സൈനികരുടെ വിഡിയോക്കെതിരെ വിമർശനവുമായി എൻ.എസ്​.മാധവൻ. ട്വിറ്റിലൂടെ തന്നെയാണ്​ എൻ.എസ്​.മാധവനും വിമർശനം ഉന്നയിച്ചിരിക്കുന്നത്​.

വിഡിയോ നിരവധി തവണ കണ്ടു. അയാൾ പറയുന്നത്​ സംസാരിക്ക​ട്ടെയെന്നല്ല. ഒന്നുകിൽ അത്​ അറബിയിൽ സംസം വെള്ളം എന്ന്​ പറയുന്നതാവാം. അല്ലെങ്കിൽ തമിഴിൽ ഭാര്യ എന്നർഥം വരുന്ന സംസാരം എന്ന വാക്കാവും അയാൾ പറഞ്ഞിട്ടുണ്ടാവുക. ഭാര്യ എന്ന വാക്ക്​ എം.പിയെ പ്രകോപിപ്പിക്കുന്നുവെന്ന്​ കരുതി അതിലേക്ക്​ എന്തിനാണ്​ മലയാളികളെ വലിച്ചിടുന്നതെന്ന്​ എൻ.എസ്​.മാധവൻ ട്വീറ്റിലൂടെ ചോദിച്ചു.

രണ്ട്​ മലയാളി താലിബാൻ സൈനികരെങ്കിലും ഉണ്ടെന്ന കുറിപ്പോടെയാണ്​ തരൂർ ട്വീറ്റ്​ പങ്കുവെച്ചത്​. ഇതിൽ ഒരാൾ സംസാരിക്ക​ട്ടെയെന്ന്​ പറയു​േമ്പാൾ മറ്റയാൾ അത്​ കേൾക്കുന്നുണ്ടെന്നും തരൂർ പറയുന്നു. ആഗസ്റ്റ്​ 15ന്​ റാമിസ്​ എന്ന ട്വിറ്റർ അക്കൗണ്ടിൽ നിന്ന്​ വന്ന ട്വീറ്റാണ്​ തരൂർ പങ്കുവെച്ചിരിക്കുന്നത്​.