തിരുവനന്തപുരം വിമാനത്താവളം അദാനിക്ക്​; സംസ്​ഥാന സർക്കാർ ഹൈകോടതിയിൽ

തിരുവനന്തപുരം: വിമാനത്താവള നടത്തിപ്പ്​ അദാനി ​ഗ്രൂപ്പിന്​ കൈമാറിയതിനെതിരെ സംസ്​ഥാന സർക്കാർ ഹൈകോടതിയെ സമീപിച്ചു. അദാനി ​​ഗ്രൂപ്പിന്​ കൈമാറാനുള്ള കേന്ദ്രത്തി​െൻറ നടപടികൾ സ്​റ്റേ ചെയ്യണമെന്നാണ്​ സർക്കാറിെൻറ ആവശ്യം. കേസ്​ തീർപ്പാക്കുന്നതിന്​ മുമ്പ്​ വിമാനത്താവളം കൈമാറിയത്​ ഹരജിയിൽ ചോദ്യം ചെയ്​തു. ഹരജി തിങ്കളാഴ്​ച പരിഗണിക്കും.

വിമാനത്താവളം പൊതുമേഖലയിൽ നിലനിർത്തണമെന്നാണ്​ കേരളത്തി​െൻറ ​പൊതു അഭിപ്രായമെന്ന്​ വ്യാഴാഴ്​ച ചേർന്ന സർവകക്ഷിയോഗം വിലയിരുത്തിയിരുന്നു. യോഗത്തി​െൻറ പശ്ചാത്തലത്തിൽ മുഖ്യമന്ത്രി വീണ്ടും പ്രധാനമന്ത്രിക്ക്​ കത്തയക്കുകയും ചെയ്​തിരുന്നു. വിമാനത്താവള നടത്തിപ്പ്​ സംസ്​ഥാന സർക്കാറിനെ ഏൽപ്പിക്കണമെന്ന ആവശ്യം കേന്ദ്രം നിരാകരിച്ചതിൽ സർവകക്ഷിയോഗത്തിൽ വിവിധ രാഷ്​ട്രീയ പാർട്ടികൾ അതൃപ്​തി രേഖ​െപ്പടുത്തിയതായും കത്തിൽ പറയുന്നു.