റെ​യി​ൽ​വേയുടെ മുദ്രയുള്ള വാഹനം, പരിചയപ്പെടുത്തുക ഉന്നത ഉദ്യോഗസ്ഥനെന്ന നിലയിൽ; ജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പ്, തിരുവനന്തപുരം സ്വദേശി പിടിയിൽ

ചെ​ങ്ങ​ന്നൂ​ർ: റെ​യി​ൽ​വേ​യി​ലെ ഉ​ന്ന​ത ഉ​ദ്യോ​ഗ​സ്ഥ​നാ​ണെ​ന്ന വ്യാ​ജേ​ന റെ​യി​ൽ​വേ​യു​ടെ മു​ദ്ര പ​തി​പ്പി​ച്ച ബോ​ർ​ഡു​ള്ള വാ​ഹ​ന​ത്തി​ലെ​ത്തി ടി.​ടി.​ആ​ർ ജോ​ലി വാ​ഗ്ദാ​നം​ചെ​യ്ത്​ ല​ക്ഷ​ങ്ങ​ൾ ത​ട്ടി​യെ​ന്ന പ​രാ​തി​യി​ൽ തി​രു​വ​ന​ന്ത​പു​രം ക​ണി​യാ​പു​രം മാ​ലി​യ​വീ​ട്ടി​ൽ എ.​പി. ഇ​ബ്രാ​ഹിം​കു​ട്ടി​യെ (54) മാ​ന്നാ​ർ പൊ​ലീ​സ് അ​റ​സ്റ്റ്​ ചെ​യ്തു. 2021ലാ​ണ് കേ​സി​നാ​സ്പ​ദ​മാ​യ സം​ഭ​വം. മ​ക​ന് ജോ​ലി ന​ൽ​കാ​മെ​ന്ന്​ വാ​ഗ്ദാ​നം ചെ​യ്ത്​ മാ​ന്നാ​ർ സ്വ​ദേ​ശി​യാ​യ മോ​ഹ​ന​കു​മാ​റി​ന്‍റെ പ​ക്ക​ൽ​നി​ന്ന്​ 18 ല​ക്ഷം രൂ​പ ത​ട്ടി​യെ​ന്നാ​ണ്​ പ​രാ​തി.

പ്ര​തി​യു​മാ​യി പ​രി​ച​യ​പ്പെ​ട്ട മോ​ഹ​ന​കു​മാ​ർ തി​രു​വ​ല്ല​യി​ലെ ഹോ​ട്ട​ലി​ൽ​വെ​ച്ച് അ​ഞ്ചു​ല​ക്ഷം രൂ​പ ആ​ദ്യം ന​ൽ​കി. പി​ന്നീ​ട് 90 ദി​വ​സ​ത്തി​നു​ള്ളി​ൽ ജോ​ലി​യി​ൽ പ്ര​വേ​ശി​ക്കാ​മെ​ന്ന് തെ​റ്റി​ദ്ധ​രി​പ്പി​ച്ച് വീ​ട്ടി​ലെ​ത്തി​യാ​ണ് ബാ​ക്കി തു​ക​യും ത​ട്ടി​യെ​ടു​ത്ത​ത്.

തു​ട​ർ​ന്ന് ഫോ​ണി​ൽ ബ​ന്ധ​പ്പെ​ടു​മ്പോ​ൾ പ​ല അ​വ​ധി​ക​ൾ പ​റ​ഞ്ഞ​തോ​ടെ മോ​ഹ​ന​കു​മാ​ർ പൊ​ലീ​സി​ൽ പ​രാ​തി ന​ൽ​കു​ക​യു​മാ​യി​രു​ന്നു. കേ​സെ​ടു​ത്ത​ത​റി​ഞ്ഞ ഇ​യാ​ൾ ജി​ല്ല കോ​ട​തി​യി​ലും ഹൈ​കോ​ട​തി​യി​ലും മു​ൻ​കൂ​ർ​ജാ​മ്യ​ത്തി​ന് ശ്ര​മി​ച്ചെ​ങ്കി​ലും ന​ട​ന്നി​ല്ല. തു​ട​ർ​ന്ന് അ​റ​സ്റ്റി​ന് സ്റ്റേ ​വാ​ങ്ങി ക​ഴി​യു​ക​യാ​യി​രു​ന്ന പ്ര​തി​യെ സ്റ്റേ​യു​ടെ കാ​ലാ​വ​ധി നീ​ങ്ങി​യ​തോ​ടെ തി​രു​വ​ന​ന്ത​പു​രം ആ​ക്കു​ള​ത്ത് വാ​ട​ക​ക്ക്​ താ​മ​സി​ച്ചി​രു​ന്ന ഫ്ലാ​റ്റി​ൽ​നി​ന്ന്​ പൊ​ലീ​സ് പി​ടി​കൂ​ടു​ക​യാ​യി​രു​ന്നു.

പൊ​ലീ​സ് ഇ​ൻ​സ്പെ​ക്ട​ർ ര​ജീ​ഷ് കു​മാ​റി​ന്റെ മേ​ൽ​നോ​ട്ട​ത്തി​ൽ എ​സ്.​ഐ സി.​എ​സ്. അ​ഭി​രാം, എ.​എ​സ്.​ഐ റി​യാ​സ്, പ്ര​ബേ​ഷ​ൻ എ​സ്.​ഐ ജോ​ബി​ൻ, സീ​നി​യ​ർ സി.​പി.​ഒ അ​ജി​ത്ത്, സി.​പി.​ഒ ഹ​രി​പ്ര​സാ​ദ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

റെ​യി​ൽ​വേ​യു​ടെ നി​യ​മ​ന ഉ​ത്ത​ര​വ് ഉ​ൾ​പ്പെ​ടെ​യു​ള്ള വ്യാ​ജ​രേ​ഖ​ക​ളും പ്ര​മു​ഖ​രാ​യ രാ​ഷ്ട്രീ​യ നേ​താ​ക്ക​ളു​മാ​യു​ള്ള ഫോ​ട്ടോ​ക​ൾ കാ​ണി​ച്ച് അ​വ​രു​മാ​യി ബ​ന്ധ​മു​ണ്ടെ​ന്ന് തെ​റ്റി​ദ്ധ​രി​പ്പി​ച്ചു​മാ​ണ് പ്ര​തി ആ​ളു​ക​ളെ വ​ല​യി​ലാ​ക്കി​യി​രു​ന്ന​തെ​ന്നും ഇ​യാ​ൾ​ക്കെ​തി​രെ സം​സ്ഥാ​ന​ത്തെ വി​വി​ധ സ്റ്റേ​ഷ​നു​ക​ളി​ൽ സ​മാ​ന കേ​സു​ക​ൾ ഉ​ള്ള​താ​യും പൊ​ലീ​സ് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.