പ്ര​കൃ​തി കീ​റി​യെ​റി​ഞ്ഞു; 12 ​പേ​രു​ടെ ആ ​സ​ന്തോ​ഷ ചി​ത്രം

മു​ണ്ട​ക്കൈ (വ​യ​നാ​ട്): മു​ണ്ട​ക്കൈ ദു​ര​ന്തം നാ​ട​റി​ഞ്ഞ​തു മു​ത​ൽ സാ​മൂ​ഹി​ക മാ​ധ്യ​മ​ങ്ങ​ളി​ൽ ആ ​ഫോ​​ട്ടോ നി​റ​ഞ്ഞു​നി​ന്നു. കു​ടും​ബ​ത്തി​ലെ 12 പേ​ർ ചേ​ർ​ന്നു​നി​ന്ന് പ​ക​ർ​ത്തി​യ സ​ന്തോ​ഷ ചി​ത്രം. ഗൃ​ഹ​നാ​ഥ​നും ഭാ​ര്യ​യും പി​ഞ്ചു മ​ക്ക​ളു​മെ​ല്ലാം തോ​ളു​രു​മ്മി ചി​രി​ച്ചു​നി​ൽ​ക്കു​ന്ന ചി​ത്ര​ത്തി​ലു​ള്ള​വ​ർ ദു​ര​ന്ത​ത്തി​ൽ പെ​ട്ട​ത് അ​റി​ഞ്ഞ​വ​രെ​ല്ലാം ആ ​ചി​ത്ര​ത്തി​ലെ പു​ഞ്ചി​രി മാ​യാ​തെ കാ​ണാ​നു​ള്ള പ്രാ​ർ​ഥ​ന​യി​ലാ​യി​രു​ന്നു. എ​ന്നാ​ൽ മു​ണ്ട​ക്കൈ ഗ്രാ​മ​ത്തെ നാ​മാ​വ​ശേ​ഷ​മാ​ക്കി​യ ദു​ര​ന്തം ഈ ​കു​ടും​ബ​ത്തി​ലെ 12 പേ​രെ​യും കൊ​ണ്ടു​പോ​യി.

ഇ​വി​ട​ത്തെ പ​ള്ളി​ക്ക് എ​തി​ർ​വ​ശ​ത്തു​ള്ള കു​ഞ്ഞി​മൊ​യ്തീ​ൻ, ഭാ​ര്യ ആ​യി​ഷ, മൂ​ത്ത മ​ക​ൻ മ​ൻ​സൂ​ർ, ഭാ​ര്യ മു​ഹ്സി​ന, മ​ക​ൻ നൗ​ഫ​ലി​ന്റെ ഭാ​ര്യ സ​ജ്ന, ഇ​വ​രു​ടെ മ​ക്ക​ൾ, പേ​ര​ക്കു​ട്ടി ന​ഫ്‍ല ന​സ്റി​ൻ തു​ട​ങ്ങി 12 പേ​രാ​ണ് ഈ ​കു​ടും​ബ​ത്തി​ൽ​നി​ന്ന് ഇ​രു​ട്ടി​വെ​ളു​ക്കും​മു​​മ്പേ ഇ​ല്ലാ​താ​യ​ത്. മു​ണ്ട​ക്കൈ പ​ള്ളി​ക്ക് എ​തി​ർ​വ​ശ​ത്തെ വീ​ട്ടി​ലാ​യി​രു​ന്നു ഇ​വ​ർ ക​ഴി​ഞ്ഞ​ത്. മു​ണ്ട​ക്കൈ പ​ടി​യി​ലെ പാ​ടി​യി​ലാ​യി​രു​ന്നു മ​ക​ൻ മ​ൻ​സൂ​ർ. എ​ന്നാ​ൽ, സു​ര​ക്ഷ​യോ​ർ​ത്ത് മ​ൻ​സൂ​ർ ഭാ​ര്യ​യും മ​ക്ക​ളു​മൊ​ത്ത് ത​റ​വാ​ട്ടി​ലേ​ക്ക് മാ​റു​ക​യാ​യി​രു​ന്നു. എ​ന്നാ​ൽ, മ​ല​വെ​ള്ള​പ്പാ​ച്ചി​ലി​ൽ ഇ​വ​ർ ഒ​ന്ന​ട​ങ്കം ഇ​ല്ലാ​താ​കു​ക​യാ​യി​രു​ന്നു.