56 വർഷത്തെ കാത്തിരിപ്പിന്​ വിരാമം; തോ​മ​സ്​ ചെ​റി​യാ​ന്‍റെ മൃതദേഹം കാത്ത്​ ബന്ധുക്കൾ

പ​ത്ത​നം​തി​ട്ട: രാ​ജ്യ​സേ​വ​ന​ത്തി​നി​ടെ ജീവൻ ​​െവടിഞ്ഞ കു​ടും​ബാം​ഗ​ത്തെ അ​വ​സാ​ന​മാ​യി കാ​ണാ​നു​ള്ള കാ​ത്തി​രി​പ്പി​ലാ​ണ്​ തോ​മ​സ്​ ചെ​റി​യാ​ന്‍റെ സ​ഹോ​ദ​ര​ങ്ങ​ള്‍ അ​ട​ക്കം ബ​ന്ധു​ക്ക​ൾ. 56 വ​ര്‍ഷം മു​മ്പു​ണ്ടാ​യ അ​പ​ക​ട​ത്തി​ന്​ ശേ​ഷം മൃ​ത​​ദേ​ഹം ക​ണ്ടെ​ത്തി​യ​താ​യ വി​വ​രം എ​ല്ലാ​വ​രും വ​ലി​യ ആ​ശ്വാ​സ​ത്തോ​ടെ​യാ​ണ്​ കേ​ട്ട​ത്. സൈ​നി​ക വി​മാ​നം ത​ക​ര്‍ന്ന് മ​റ്റ്​ 101 പേ​ർ​ക്കൊ​പ്പം കാ​ണാ​താ​യ പ​ത്ത​നം​തി​ട്ട ഇ​ല​ന്തൂ​ര്‍ ഒ​ടാ​ലി​ല്‍ ഒ.​എം. തോ​മ​സി​ന്‍റെ മ​ക​ന്‍ തോ​മ​സ് ചെ​റി​യാ​ന്‍റെ മൃ​ത​ദേ​ഹം ക​ണ്ടെ​ത്തി​യ വി​വ​രം തി​ങ്ക​ളാ​ഴ്ച​യാ​ണ്​ സൈ​ന്യം ആ​റ​ന്മു​ള പൊ​ലീ​സ്​ വ​ഴി ഇ​ല​ന്തൂ​രി​ലെ ബ​ന്ധു​ക്ക​ളെ അ​റി​യി​ച്ച​ത്. ലെ​ഫ്റ്റ​ന​ന്‍റ്​ അ​ജ​യ് ചൗ​ഹാ​ൻ ആ​റ​ന്മു​ള പൊ​ലീ​സ് സ്റ്റേ​ഷ​നി​ല്‍ അ​റി​യി​ച്ച വി​വ​രം സ്​​​റ്റേ​ഷ​ൻ ഓ​ഫി​സ​ർ ബ​ന്ധു​ക്ക​ള്‍ക്ക് കൈ​മാ​റു​ക​യാ​യി​രു​ന്നു.

തോ​മ​സ് ചെ​റി​യാ​ന്‍ മരിക്കുമ്പോൾ പ​ത്ത​നം​തി​ട്ട ജി​ല്ല ഉ​ണ്ടാ​യി​രു​ന്നി​ല്ല. ആ​ര്‍മി രേ​ഖ​ക​ളി​ല്‍ ഇ​പ്പോ​ഴും തോ​മ​സി​ന്‍റെ വി​ലാ​സം കൊ​ല്ലം ജി​ല്ല വെ​ച്ചാ​ണ്. 18ാം വ​യ​സ്സി​ൽ സൈ​ന്യ​ത്തി​ൽ ചേ​ർ​ന്ന തോ​മ​സ്​ ചെ​റി​യാ​ൻ ഇ.​എം.​എ കോ​ര്‍പ്സി​ലെ സി.​എ​ഫ്.​എ​ന്‍ ആ​യി​രി​ക്കു​മ്പോ​ഴാ​ണ് മരിക്കുന്ന​ത്.

പ​ത്ത​നം​തി​ട്ട കാ​തോ​ലി​ക്ക​റ്റ് സ്‌​കൂ​ളി​ല്‍നി​ന്ന് എ​സ്.​എ​സ്.​എ​ൽ.​സി​യും കോ​ള​ജി​ല്‍നി​ന്ന് പ്രീ-​യൂ​നി​വേ​ഴ്സി​റ്റി​യും പൂ​ര്‍ത്തി​യാ​ക്കി​യ തോ​മ​സ് ചെ​റി​യാ​ന്‍ (പൊ​ന്ന​ച്ച​ന്‍) സൈ​നി​ക സേ​വ​ന​ത്തി​ന്‍റെ ഭാ​ഗ​മാ​യി പോ​കു​മ്പോ​ൾ വി​മാ​നം റ​ഡാ​റു​ക​ളി​ല്‍നി​ന്ന് അ​പ്ര​ത്യ​ക്ഷ​മാ​കു​ക​യാ​യി​രു​ന്നു. ജ്യേ​ഷ്ഠ​ൻ തോ​മ​സ് മാ​ത്യു​വി​ന്‍റെ പാ​ത പി​ന്തു​ട​ര്‍ന്നാ​ണ് തോ​മ​സ് ചെ​റി​യാ​നും സൈ​നി​ക സേ​വ​ന​ത്തി​നി​റ​ങ്ങി​യ​ത്. സ​ഹോ​ദ​ര​ന്‍ അ​പ​ക​ട​ത്തി​ല്‍പെ​ട്ട​തി​നെ​ത്തു​ട​ര്‍ന്ന് തോ​മ​സ് മാ​ത്യു വി​ര​മി​ച്ചു. പി​താ​വ് ഒ.​എം. തോ​മ​സ് 1990ല്‍ ​മ​രി​ച്ചു. മ​രി​ക്കു​ന്ന​തു​വ​രെ മ​ക​നെ സം​ബ​ന്ധി​ച്ച വി​വ​ര​ങ്ങ​ള്‍ക്ക് അ​ദ്ദേ​ഹം സൈ​ന്യ​വു​മാ​യി ക​ത്തി​ട​പാ​ടു​ക​ള്‍ ന​ട​ത്തി​യി​രു​ന്നു. തോ​മ​സ് ചെ​റി​യാ​ന്‍റെ പെ​ന്‍ഷ​ന്‍ കു​ടും​ബ​ത്തി​ന്​ ന​ല്‍കി​യി​രു​ന്നു. 1998ല്‍ ​മാ​താ​വ് ഏ​ലി​യാ​മ്മ മ​രി​ക്കു​ന്ന​തു​വ​രെ അ​ത് തു​ട​ര്‍ന്നു. തോ​മ​സ് തോ​മ​സ്, തോ​മ​സ് വ​ര്‍ഗീ​സ്, മേ​രി വ​ര്‍ഗീ​സ്, പ​രേ​ത​നാ​യ തോ​മ​സ് മാ​ത്യു എ​ന്നി​വ​ര്‍ സ​ഹോ​ദ​ര​ങ്ങ​ളാ​ണ്. തോ​മ​സ്​ ചെ​റി​യാ​ൻ ജ​നി​ച്ചു​വ​ള​ർ​ന്ന കു​ടും​ബ​വീ​ട്​ കാ​ല​പ്പ​ഴ​​ക്ക​ത്തെ തു​ട​ർ​ന്ന്​ പൊ​ളി​ച്ചു. സ​ഹോ​ദ​ര​ങ്ങ​ളെ​ല്ലാം അ​ടു​ത്ത​ടു​ത്ത വീ​ടു​ക​ളി​ൽ ത​ന്നെ​യാ​ണ്​ താ​മ​സം.

ഭൗ​തി​ക​ശ​രീ​രം പ​രേ​ത​നാ​യ സ​ഹോ​ദ​ര​ൻ തോ​മ​സ്​ മാ​ത്യു​വി​ന്‍റെ വീ​ട്ടി​ലാ​യി​രി​ക്കും എ​ത്തി​ക്കു​ക. ഇ​ദ്ദേ​ഹ​ത്തി​ന്‍റെ ​മ​ക​ൻ ഷൈ​ൻ ആ​ണ്​ ഇ​വി​ടെ താ​മ​സം. ച​ണ്ഡീ​ഗ​ഡി​ൽ എ​ത്തി​ച്ച്​ എം​ബാം ചെ​യ്ത​ശേ​ഷം ശ​നി​യാ​ഴ്ച​യോ​ടെ മൃ​ത​ദേ​ഹം നാ​ട്ടി​ൽ എ​ത്തി​ക്കു​മെ​ന്നാ​ണ്​ ക​രു​തു​ന്ന​ത്. സെ​ന്‍റ്​ പീ​റ്റേ​ഴ്സ് ഓ​ര്‍ത്ത​ഡോ​ക്സ് പ​ള്ളി​യി​ലാ​കും സം​സ്‌​കാ​ര​മെ​ന്ന്​ ബ​ന്ധു​ക്ക​ൾ പ​റ​ഞ്ഞു.

രാജപ്പനെക്കുറിച്ചും പ്രതീക്ഷ

ച​ങ്ങ​നാ​ശ്ശേ​രി: ഹി​മാ​ച​ൽ​പ്ര​ദേ​ശി​ലെ റോ​ത്ത​ങ് പാ​സി​ൽ സൈ​നി​ക വി​മാ​നാ​പ​ക​ട​ത്തി​ൽ കാ​ണാ​താ​യ നാ​ലു​പേ​രു​ടെ മൃ​ത​ദേ​ഹം 56 വ​ർ​ഷ​ങ്ങ​ൾ​ക്കു​​ശേ​ഷം ക​ണ്ടെ​ത്തി​യെ​ന്ന വാ​ർ​ത്ത​യെ​ത്തു​മ്പോ​ൾ ഇ​ത്തി​ത്താ​നം ക​പ്പ​പ്പ​റ​മ്പി​ൽ വീ​ട്ടി​ലും പ്ര​തീ​ക്ഷ​യു​ടെ മ​ഞ്ഞി​ര​മ്പം. റോ​ത്ത​ങ്ങ് പാ​സി​ൽ 1968ലു​ണ്ടാ​യ സൈ​നി​ക വി​മാ​നാ​പ​ക​ട​ത്തി​ൽ ഇ​ത്തി​ത്താ​നം ക​പ്പ​പ്പ​റ​മ്പി​ൽ കെ.​കെ. രാ​ജ​പ്പ​നെ​യും കാ​ണാ​താ​യി​രു​ന്നു. നാ​ലു​പേ​രു​ടെ മൃ​ത​ദേ​ഹം ല​ഭി​ച്ച​തോ​ടെ സ​ഹോ​ദ​ര​നെ​ക്കു​റി​ച്ചും എ​ന്തെ​ങ്കി​ലും വി​വ​രം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ്​ അ​നി​യ​ൻ മ​ണി​യ​പ്പ​നും സ​ഹോ​ദ​രി​മാ​രും കു​ടും​ബ​വും. ഇ​ത്തി​ത്താ​ന​ത്തെ കു​ടും​ബ​വീ​ട്ടി​ൽ രാ​ജ​പ്പ​ന്‍റെ ഏ​റ്റ​വും ഇ​ള​യ സ​ഹോ​ദ​ര​ൻ മ​ണി​യ​പ്പ​നും ഭാ​ര്യ ര​ത്ന​മ്മ​യും മ​ക്ക​ളു​മാ​ണു​ള്ള​ത്.

ക​പ്പ​പ്പ​റ​മ്പി​ൽ ല​ക്ഷ്മി-​കു​ട്ട​ൻ ദ​മ്പ​തി​ക​ളു​ടെ മ​ക​നാ​യി​രു​ന്നു രാ​ജ​പ്പ​ൻ. ഏ​റ്റ​വും മൂ​ത്ത ജ്യേ​ഷ്ഠ​ൻ നാ​രാ​യ​ണ​നും സ​ഹോ​ദ​രി​മാ​രാ​യ ഭാ​ര​തി​യും സ​ര​ള​യും മ​ര​ണ​പ്പെ​ട്ടു. സു​മ​തി, പ്ര​ഭാ​മ​ണി എ​ന്നീ സ​ഹോ​ദ​രി​മാ​രും മ​ണി​യ​പ്പ​നു​മാ​ണ്​ ഇ​പ്പോ​ൾ ജീ​വി​ച്ചി​രി​ക്കു​ന്ന​ത്.

മകനെ കാത്ത് വയലത്തലയിലെ കുടംബം

റാ​ന്നി: എ​ന്നെ​ങ്കി​ലും മ​ക​നെ​ക്കു​റി​ച്ച് വി​വ​രം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് റാ​ന്നി വ​യ​ല​ത്ത​ല​യി​ലെ ​സൈ​നി​ക​നാ​യ ഇ.​എം തോ​മ​സി​ന്‍റെ കു​ടും​ബം. 1968 ഫെ​ബ്രു​വ​രി ഏ​ഴി​ന്​ ല​ഡാ​ക്കി​ലു​ണ്ടാ​യ വി​മാ​നാ​പ​ക​ട​ത്തി​ലാ​ണ്​ വ​യ​ല​ത്ത​ല ഈ​ട്ടി​ക്കാ​ലാ​യി​ൽ പ​രേ​ത​രാ​യ ഇ.​ടി. മാ​ത്യു​വി​ന്‍റെ​യും സാ​റാ​മ്മ​യു​ടെ​യും മ​ക​നാ​യ തോ​മ​സ് മ​ര​ണ​പ്പെ​ട്ട​ത്. തോ​മ​സി​നൊ​പ്പം 101 പേ​രും മ​ര​ണ​പ്പെ​ട്ടു. ക​ഴി​ഞ്ഞ ദി​വ​സം മൃ​ത​ദേ​ഹം ക​ണ്ടെ​ത്തി​യ ഇ​ല​ന്തൂ​ർ സ്വ​ദേ​ശി തോ​മ​സ്​ ചെ​റി​യാ​ന്‍റെ മൃ​ത​ദേ​ഹം 56 വ​ർ​ഷ​ത്തി​നു​ശേ​ഷം ക​ണ്ടെ​ത്തി​യ​​തോ​ടെ തോ​മ​സി​ന്‍റെ കു​ടും​ബ​വും പ്ര​തീ​ക്ഷ​യി​ലാ​ണ്. തോ​മ​സി​ന്‍റെ അ​ക​ന്ന ബ​ന്ധു​കൂ​ടി​യാ​ണ്​ ​തോ​മ​സ്​ ചെ​റി​യാ​ൻ.

ക​ട​മ്മ​നി​ട്ട ഗ​വ. സ്കൂ​ളി​ലാ​ണ് തോ​മ​സ് പ​ഠി​ച്ചി​രു​ന്ന​ത്. 21 വ​യ​സ്സാ​യി​രു​ന്നു. പ​ട്ടാ​ള​ത്തി​ൽ ക്ല​ർ​ക്കാ​യി​ട്ടാ​യി​രു​ന്നു ജോ​ലി. യു.​എ​സി​ലു​ള്ള മോ​ളി വ​ർ​ഗീ​സ്, ബാ​ബു മാ​ത്യു എ​ന്നി​വ​ർ സ​ഹോ​ദ​ര​ങ്ങ​ളാ​ണ്. തോ​മ​സി​നു വേ​ണ്ടി​യും തി​ര​ച്ചി​ൽ തു​ട​രു​ന്നു​ണ്ട്. വി​വ​ര​ങ്ങ​ൾ ല​ഭി​ച്ചി​ട്ടി​ല്ലെ​ന്ന് ബ​ന്ധു​ക്ക​ൾ അ​റി​യി​ച്ചു.