തോമസ് ​െഎസക്​ ആയുർവേദ ചികിത്സക്ക്​  ചെലവാക്കിയത് 1.20 ലക്ഷം 

കൊ​ച്ചി: തോ​മ​സ് ഐ​സ​ക് ആ​യു​ർ​വേ​ദ ചി​കി​ത്സ​ക്കാ​യി ഖ​ജ​നാ​വി​ൽ​നി​ന്ന് ചെ​ല​വാ​ക്കി​യ​ത് 1.20 ല​ക്ഷം. മ​ന്ത്രി കെ.​കെ. ശൈ​ല​ജ​ക്കും സ്പീ​ക്ക​ർ പി. ​ശ്രീ​രാ​മ​കൃ​ഷ്ണ​നും പി​ന്നാ​ലെ​യാ​ണ് വി​വാ​ദ​ത്തി​ലേ​ക്ക് ധ​ന​മ​ന്ത്രി​യും എ​ത്തു​ന്ന​ത്. കോ​ട്ട​ക്ക​ൽ ആ​ര്യ​വൈ​ദ്യ ശാ​ല​യി​ൽ സു​ഖ​ചി​കി​ത്സ ന​ട​ത്തി​യ​തി​െൻറ ക​ണ​ക്കാ​ണ് പു​റ​ത്തു​വ​ന്ന​ത്. 

സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​യ സാ​ഹ​ച​ര്യ​ത്തി​ൽ സാ​മ്പ​ത്തി​ക അ​ച്ച​ട​ക്കം പാ​ലി​ക്ക​ണ​മെ​ന്ന് പ​റ​യു​ന്ന ധ​ന​മ​ന്ത്രി​യു​ടെ ചി​കി​ത്സ ചെ​ല​വി​ൽ​ വ​ലി​യ വി​മ​ർ​ശ​ന​മാ​ണ് ഉ​യ​രു​ന്ന​ത്. കോ​ട്ട​ക്ക​ൽ ആ​ര്യ​വൈ​ദ്യ ശാ​ല​യി​ൽ ക​ഴി​ഞ്ഞ ഡി​സം​ബ​ർ 13 മു​ത​ൽ 27 വ​രെ​യാ​യി​രു​ന്നു ചി​കി​ത്സ. 15 ദി​വ​സം നീ​ണ്ട ചി​കി​ത്സ​ക്ക് ആ​കെ ചെ​ല​വാ​യ​ത് 1,20,048 രൂ​പ​യാ​ണ്. മ​രു​ന്ന്​ വാ​ങ്ങി​യ​തി​ന്​​ 21,990 രൂ​പ​യും  മു​റി​വാ​ട​ക​ക്ക്​ 79,200 രൂ​പ​യും. 14 തോ​ർ​ത്ത്​ വാ​ങ്ങി​യ​തും ത​ല​യി​ണ​ക്കാ​യി 250 രൂ​പ മു​ട​ക്കി​യ​തും സ​ർ​ക്കാ​ർ ഖ​ജ​നാ​വി​ൽ​നി​ന്നു​ത​ന്നെ.

നി​യ​മ​സ​ഭ സാ​മാ​ജി​ക​രു​ടെ ചി​കി​ത്സ ചെ​ല​വി​ന്​ പ​രി​ധി നി​ശ്ച​യി​ക്ക​ണ​മെ​ന്നും സ​ർ​ക്കാ​റി​െൻറ ബാ​ധ്യ​ത കു​റ​ക്ക​ണ​മെ​ന്നും ജ​സ്​​റ്റി​സ് ജ​യിം​സ് ക​മ്മി​റ്റി മാ​സ​ങ്ങ​ൾ​ക്കു​മു​മ്പ് ശി​പാ​ർ​ശ ചെ​യ്തി​രു​ന്നു. ഇ​ൻ​ഷു​റ​ൻ​സ് ഏ​ർ​പ്പെ​ടു​ത്ത​ണ​മെ​ന്നും ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, ഇ​വ​യൊ​ന്നും ന​ട​പ്പാ​യി​ല്ല.