പെട്രോൾ, ഡീസൽ നികുതി വർധനവ് അംഗീകരിക്കാനാവി​ല്ല -തോമസ്​ ഐസക്​

തിരുവനന്തപുരം: പെട്രോൾ, ഡീസൽ നികുതി വർധിപ്പിച്ച കേന്ദ്രസർക്കാർ നടപടി അംഗീകരിക്കാനാവില്ലെന്ന്​ ധനമന്ത്ര ി തോമസ്​ ഐസക്​. കേന്ദ്ര സർക്കാറി​േൻറത്​ ഭ്രാന്തൻ നടപടിയാണ്​. രാജ്യം സാമ്പത്തിക മാന്ദ്യം അനുഭവിക്കു​േമ്പാൾ അ ന്താരാഷ്​ട്ര വിപണിയിലെ വില കുറവി​​​െൻറ നേട്ടം ജനങ്ങൾക്ക്​ കൈമാറുകയാണ്​ കേന്ദ്ര സർക്കാർ ചെയ്യേണ്ടതെന്നും ഐസക്​ പറഞ്ഞു.

കോർപ്പറേറ്റുകൾക്ക്​ വൻ നികുതി ഇളവ്​ കേന്ദ്രസർക്കാർ നൽകിയിരുന്നു. എന്നാൽ, ഇവരാരും രാജ്യത്ത്​ നിക്ഷേപം നടത്തിയില്ല. കോവിഡ്​ 19​​െൻറ പശ്​ചാത്തലത്തിൽ ഇന്ത്യയിൽ വലിയ വിലക്കയറ്റമുണ്ടായേക്കാം. ഈയൊരു സാഹചര്യത്തിൽ പെട്രോൾ, ഡീസൽ വില കുറക്കുകയാണ്​ വേണ്ടതെന്നും ഐസക്​ ചൂണ്ടിക്കാട്ടി.

കോവിഡ്​ 19 വൈറസ്​ ബാധമൂലം 2008ന്​ സമാനമായ സാമ്പത്തിക പ്രതിസന്ധിയുണ്ടാകും. ഒ.ഇ.സി രാജ്യങ്ങളുടെ അന്താരാഷ്​ട്ര സംഘടന പുറത്തിറക്കിയ റിപ്പോർട്ടിൽ ആഗോളവളർച്ച 2.4 ശതമാനമായി താഴുമെന്ന്​ വ്യക്​തമാക്കിയിരുന്നു. കോവിഡ്​ 19 മഹാമാരിയായി മാറുകയാണെങ്കിൽ വളർച്ച 1.6 ശതമാനമായി കുറയുമെന്നും ഏജൻസി വ്യക്​തമാക്കിയിരുന്നു. ആഗോള വളർച്ചാ നിരക്ക്​ 2.5 ശതമാനത്തിലേക്ക്​ താഴു​േമ്പാഴാണ്​ ഐ.എം.എഫ്​ മാന്ദ്യമുണ്ടെന്ന്​ പ്രഖ്യാപിക്കുന്നതെന്നും ഐസക്​ പറഞ്ഞു. കയറ്റുമതിക്ക്​ വലിയ പ്രാധാന്യമുള്ള കേരള സമ്പദ്​വ്യവസ്ഥയിൽ ഇത്​ വലിയ ചലനങ്ങളുണ്ടാക്കുമെന്നും അദ്ദേഹം കൂട്ടിച്ചേർത്തു.