തെ​ര​ഞ്ഞെ​ടു​പ്പ് പ്ര​ചാ​ര​ണ ചെ​ല​വി​നെ​ത്തി​ച്ച മൂന്നര കോടി തട്ടൽ: ക്വട്ടേഷൻ നൽകിയത്​ ഗുണ്ടാനേതാവിന്

തൃ​ശൂ​ർ: തെ​ര​ഞ്ഞെ​ടു​പ്പ് പ്ര​ചാ​ര​ണ ചെ​ല​വി​നെ​ത്തി​ച്ച മൂ​ന്ന​ര കോ​ടി രൂ​പ ത​ട്ടി​യ സം​ഭ​വ​ത്തി​ൽ ക്വ​ട്ടേ​ഷ​ൻ ന​ൽ​കി​യ​ത് ക​ണ്ണൂ​രി​ലെ ഗു​ണ്ടാ​നേ​താ​വി​ന്. തൃ​ശൂ​ർ ജി​ല്ല​യി​ലെ ര​ണ്ടു നേ​താ​ക്ക​ൾ കൂ​ടി​യാ​ലോ​ചി​ച്ച് ക​ല്യാ​ശ്ശേ​രി​യി​ലെ ഗു​ണ്ടാ​നേ​താ​വ് വ​ഴി​യാ​ണ്​ അ​പ​ക​ടം സൃ​ഷ്​​ടി​ച്ച്​ ത​ട്ടി​പ്പ് പ​ദ്ധ​തി ത​യാ​റാ​ക്കി​യ​ത്. ഇ​തി​നി​ടെ കേ​സ് അ​ട്ടി​മ​റി​ക്കാ​ൻ പൊ​ലീ​സി​ലെ ഉ​ന്ന​ത പ​ദ​വി​യി​ൽ വി​ര​മി​ച്ച് പാ​ർ​ട്ടി അം​ഗ​ത്വ​മെ​ടു​ത്ത ഉ​ദ്യോ​ഗ​സ്ഥ​ൻ ഇ​ട​പെ​ട്ട​തി​െൻറ വി​വ​ര​ങ്ങ​ളും പു​റ​ത്തു​വ​രു​ന്നു​ണ്ട്.

ഇ​ക്ക​ഴി​ഞ്ഞ മൂ​ന്നി​നാ​ണ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്​ കേ​ര​ള​ത്തി​ലേ​ക്ക് കൊ​ടു​ത്ത​യ​ച്ച​തി​ൽ മൂ​ന്ന​ര കോ​ടി രൂ​പ കൊ​ട​ക​ര​യി​ൽ​വെ​ച്ച് വാ​ഹ​നാ​പ​ക​ട​മു​ണ്ടാ​ക്കി ത​ട്ടി​യെ​ടു​ത്ത​ത്. കോ​ന്നി​യി​ലേ​ക്കു​ള്ള പ​ണ​മാ​ണ്​ ത​ട്ടി​യെ​ടു​ത്ത​തെ​ന്നാ​ണ് പ​റ​യു​ന്ന​ത്.

കോ​ഴി​ക്കോ​ട്ടു​നി​ന്ന്​ തൃ​ശൂ​രി​ൽ പാ​ർ​ട്ടി ഓ​ഫി​സി​ലെ​ത്തി​യ സം​ഘ​ത്തെ സ്വ​കാ​ര്യ ലോ​ഡ്ജി​ൽ മു​റി​യെ​ടു​ത്ത് താ​മ​സി​പ്പി​ക്കു​ക​യാ​യി​രു​ന്നു. ഇ​തി​നി​ട​യി​ലാ​ണ് തൃ​ശൂ​രി​ലെ ര​ണ്ടു നേ​താ​ക്ക​ൾ പ​ദ്ധ​തി ആ​സൂ​ത്ര​ണം ചെ​യ്ത​ത്. ക​ണ്ണൂ​രി​ലെ ഗു​ണ്ടാ നേ​താ​വി​ന് ക്വ​ട്ടേ​ഷ​ൻ ന​ൽ​കു​ക​യാ​യി​രു​ന്നു. അ​വി​ടെ​നി​ന്ന്​ എ​ത്താ​നു​ള്ള സ​മ​യ​ത്തി​ന​നു​സ​രി​ച്ചാ​ണ് പു​ല​ർ​കാ​ലം തെ​ര​ഞ്ഞെ​ടു​ത്ത​തെ​ന്നാ​ണ് സൂ​ച​ന. പു​ല​ർ​കാ​ല​ത്ത് ഇ​വ​രെ എ​ഴു​ന്നേ​ൽ​പ്പി​ച്ച് വി​ടു​ക​യും ക്വ​ട്ടേ​ഷ​ൻ സം​ഘം പി​ന്തു​ട​ർ​ന്ന് കൊ​ട​ക​ര പാ​ലം ക​ഴി​ഞ്ഞ് അ​പ​ക​ടം ഉ​ണ്ടാ​ക്കു​ക​യു​മാ​യി​രു​ന്നു.

അ​പ​ക​ട​ത്തി​ന് പി​ന്നാ​ലെ പ​ണ​മ​ട​ങ്ങി​യ കാ​റെ​ടു​ത്ത് സം​ഘം ക​ട​ന്നു. ഇ​ത് പി​ന്നീ​ട് സീ​റ്റു​ക​ൾ ന​ശി​പ്പി​ച്ച നി​ല​യി​ൽ ഇ​രി​ങ്ങാ​ല​ക്കു​ട​യി​ൽ ഉ​പേ​ക്ഷി​ച്ച​താ​യി ക​ണ്ടെ​ത്തി.

പ​ണം തൃ​ശൂ​രി​ലെ നേ​താ​ക്ക​ൾ​ക്ക് കൈ​മാ​റി​യെ​ന്നാ​ണ്​ പൊ​ലീ​സി​ന് ല​ഭി​ച്ച വി​വ​രം. തൃ​ശൂ​രി​ലെ വ്യ​ക്തി​ക​ൾ​ക്ക് നേ​താ​വ് കൈ​മാ​റി​യ 50 ല​ക്ഷം രൂ​പ ഇ​തി​ൽ​നി​ന്നാ​ണെ​ന്നാ​ണ് സം​ശ​യി​ക്കു​ന്ന​ത്. ഈ ​പ​ണ​ത്തി​െൻറ ഉ​റ​വി​ടം ഇ​നി​യും വ്യ​ക്ത​മ​ല്ല. ഫ്ലാ​റ്റ് വി​റ്റു​വെ​ന്നാ​ണ് ചി​ല നേ​താ​ക്ക​ളോ​ട് പ​റ​ഞ്ഞ​തെ​ങ്കി​ലും ഏ​ത് ഫ്ലാ​റ്റെ​ന്നോ എ​വി​ടെ​യെ​ന്നോ ആ​ർ​ക്കും അ​റി​യി​ല്ല.

കേ​ന്ദ്ര​മ​ന്ത്രി​യും സം​സ്ഥാ​ന നേ​താ​ക്ക​ളു​മാ​യും ഏ​റെ അ​ടു​പ്പ​മു​ള്ള നേ​താ​വും സം​ഭ​വ​ത്തി​ൽ സം​ശ​യ നി​ഴ​ലി​ലു​ണ്ട്. കൊ​ട​ക​ര പൊ​ലീ​സി​ന് ല​ഭി​ച്ച പ​രാ​തി​യെ തു​ട​ർ​ന്ന് അ​ന്വേ​ഷ​ണം തു​ട​ങ്ങി​യ​തോ​ടെ​യാ​ണ് കേ​സ്​ ഒ​തു​ക്കാ​ൻ ശ്ര​മം തു​ട​ങ്ങി​യ​ത്. പൊ​ലീ​സി​ലെ ഉ​ന്ന​ത പ​ദ​വി​യി​ലി​രി​ക്കെ​ വി​ര​മി​ച്ച​ശേ​ഷം സ്വ​കാ​ര്യ കു​റ്റാ​ന്വേ​ഷ​ണ ഏ​ജ​ൻ​സി ന​ട​ത്തു​ന്നു​ണ്ട്. പാ​ർ​ട്ടി​യി​ൽ അം​ഗ​ത്വ​മെ​ടു​ത്ത ഇ​ദ്ദേ​ഹം പൊ​ലീ​സി​ലെ അ​ടു​പ്പ​ക്കാ​രു​മാ​യാ​ണ് ബ​ന്ധ​പ്പെ​ട്ട​ത്. കേ​സ് അ​പ​ക​ട​മാ​ക്കി ഒ​ഴി​വാ​ക്കാ​നാ​ണ് ശ്ര​മം.

മൊ​ബൈ​ൽ ന​മ്പ​ർ പി​ന്തു​ട​ർ​ന്നു​ള്ള അ​ന്വേ​ഷ​ണ​ത്തി​ലാ​ണ് പൊ​ലീ​സ്. കാ​ർ ഡ്രൈ​വ​ർ​മാ​രെ പ്ര​തി​യാ​ക്കി ര​ണ്ടു കേ​സും ഒ​തു​ക്കാ​നാ​ണ് ശ്ര​മം. ഇ​തി​നാ​ണ് പൊ​ലീ​സി​ൽ​നി​ന്ന്​ വി​ര​മി​ച്ച ഉ​ദ്യോ​ഗ​സ്ഥ​​നെ ഇ​ട​പെ​ടു​വി​ച്ച​തെ​ന്നാ​ണ്​ സൂ​ച​ന. എ​ന്നാ​ൽ, പാ​ർ​ട്ടി​യെ നി​യ​ന്ത്രി​ക്കു​ന്ന സം​ഘ​ട​ന സം​ഭ​വം ഗൗ​ര​വ​മാ​യാ​ണ് കാ​ണു​ന്ന​ത്. ക​ഴി​ഞ്ഞ ദി​വ​സം തൃ​ശൂ​രി​ൽ യോ​ഗം വി​ളി​ച്ച്​ നേ​താ​ക്ക​ളി​ൽ​നി​ന്നു വി​ശ​ദാം​ശ​ങ്ങ​ൾ തേ​ടി.

വാ​ർ​ത്ത പു​റ​ത്തു​വ​ന്ന​തോ​ടെ ജി​ല്ല​യി​ലെ ര​ണ്ട് ഗ്രൂ​പ്പു​ക​ളും പ​ര​സ്പ​രം പ​ഴി​ചാ​രാ​ൻ തു​ട​ങ്ങി. ഇ​രു​ഗ്രൂ​പ്പി​ലെ​യും നേ​താ​ക്ക​ളെ സം​ശ​യ​ത്തി​ലാ​ക്കി പ്ര​ചാ​ര​ണ​വും തു​ട​ങ്ങി.

പാ​ല​ക്കാ​ട്ടും പ​ണം ത​ട്ടാ​ൻ ശ്ര​മം

പാ​ല​ക്കാ​ട്ടും ​പണംതട്ടാൻ ശ്ര​മം ന​ട​ന്ന​താ​യി പൊ​ലീ​സി​ന് വി​വ​രം ല​ഭി​ച്ചു. തൃ​ശൂ​രി​ലേ​ക്ക് കൊ​ടു​ത്തു​വി​ട്ട നാ​ല് കോ​ടി രൂ​പ ത​ട്ടാ​ൻ പാ​ല​ക്കാ​ട്ടെ പാ​ർ​ട്ടി നേ​താ​ക്ക​ൾ പ​ദ്ധ​തി ആ​സൂ​ത്ര​ണം ചെ​യ്തെ​ന്നും ഇ​തി​ന്​ നി​യോ​ഗി​ച്ച കാ​ർ ഡ്രൈ​വ​ർ​ക്ക് പി​ഴ​ച്ച​തോ​ടെ പാ​ളി​പ്പോ​യെ​ന്നു​മാ​ണ്​ വി​വ​രം. പ​തി​വ് അ​പ​ക​ട മേ​ഖ​ല​യാ​യ വ​ട​ക്ക​ഞ്ചേ​രി ഭാ​ഗ​ത്ത്​ അ​പ​ക​ടം സൃ​ഷ്​​ടി​ക്കാ​നാ​യി​രു​ന്നു ഡ്രൈ​വ​ർ​ക്ക് മൊ​ബൈ​ൽ ഫോ​ണി​ലൂ​െ​ട നേ​താ​ക്ക​ൾ ന​ൽ​കി​യ നി​ർ​ദേ​ശ​മ​ത്രെ.

എ​ന്നാ​ൽ, സ്ഥ​ലം സം​ബ​ന്ധി​ച്ച് വീ​ണ്ടും ഡ്രൈ​വ​ർ ചോ​ദി​ച്ച സ​ന്ദേ​ശം ഗ്രൂ​പ്​​ മാ​റി പൊ​ലീ​സി​ന് കി​ട്ടി​യ​താ​ണ് പൊ​ളി​യാ​നി​ട​യാ​യ​ത്. സ​ന്ദേ​ശം മാ​റി അ​യ​ച്ച​ത്​ ശ്ര​ദ്ധ​യി​ൽ​പ്പെ​ട്ട ഡ്രൈ​വ​ർ പാ​ർ​ട്ടി നേ​താ​ക്ക​ളെ അ​ക്കാ​ര്യം അ​റി​യി​ച്ചു.