ഒമ്പതുകിലോ കഞ്ചാവുമായി ക്രിമിനൽ കേസ്​ പ്രതിയടക്കം മൂന്നുപേർ പിടിയിൽ

കോ​ട്ട​യം: ന​ഗ​ര​ത്തി​ൽ ക​ഞ്ചാ​വ്​ വേ​ട്ട. എ​ട്ടു​കി​ലോ ക​ഞ്ചാ​വു​മാ​യി ക്രി​മി​ന​ൽ കേ​സ്​ പ്ര​തി​യ​ട​ക്കം മൂ​ന്ന് യു​വാ​ക്ക​ൾ പി​ടി​യി​ൽ. കോ​ട്ട​യം കാ​രാ​പ്പു​ഴ പ​തി​നാ​റി​ൽ​ചി​റ കൊ​ച്ചു​പ​റ​മ്പി​ൽ ബാ​ദു​ഷ ഷാ​ഹു​ൽ (24), പ​ത്ത​നം​തി​ട്ട ചാ​ലാ​പ്പ​ള്ളി കു​ട​ക​ല്ലു​ങ്ക​ൽ ന​ന്ദ​ന​ത്തി​ൽ അ​ഭി​ഷേ​ക് കെ. ​മ​നോ​ജ് (22), തി​രു​വാ​ർ​പ്പ് കാ​ഞ്ഞി​രം​ക​ര പാ​റേ​ൽ നാ​ൽ​പ​തി​ൽ പി.​ആ​ർ. ജെ​റി​ൻ (22) എ​ന്നി​വ​രെ​യാ​ണ്​ കോ​ട്ട​യം ഈ​സ്​​റ്റ്​ പൊ​ലീ​സും ല​ഹ​രി​വി​രു​ദ്ധ സ്‌​ക്വാ​ഡും ചേ​ർ​ന്ന്​ പി​ടി​കൂ​ടി​യ​ത്.

ജി​ല്ല​യി​ലേ​ക്ക്​ വ​ൻ​തോ​തി​ൽ ക​ഞ്ചാ​വ് എ​ത്തു​​ന്നെ​ന്ന വി​വ​ര​ത്തി​െൻറ അ​ടി​സ്ഥാ​ന​ത്തി​ൽ പൊ​ലീ​സ്​ കോ​ട്ട​യം ന​ഗ​ര​ത്തി​ൽ നി​രീ​ക്ഷ​ണം ശ​ക്ത​മാ​ക്കി​യി​രു​ന്നു. ഇ​തി​നി​ടെ, വ്യാ​ഴാ​ഴ്​​ച രാ​വി​ലെ ഇ​വ​ർ ക​ഞ്ചാ​വു​മാ​യി വ​രു​ന്ന​താ​യി ര​ഹ​സ്യ​വി​വ​രം ല​ഭി​ച്ചു. ഇ​ത​നു​സ​രി​ച്ച്​ പൊ​ലീ​സ്​ റെ​യി​ൽ​വേ സ്​​റ്റേ​ഷ​െൻറ വി​വി​ധ ഭാ​ഗ​ങ്ങ​ളി​ൽ നി​ല​യു​റ​പ്പി​ച്ചു.

ഒ​മ്പ​തോ​ടെ ഇ​വ​ർ ട്രാ​വ​ൽ​ബാ​ഗു​മാ​യി ട്രെ​യി​നി​റ​ങ്ങി​യ ഉ​ട​ൻ വ​ള​ഞ്ഞു. ഓ​ടി​മ​റ​യാ​ൻ ശ്ര​മി​ച്ചെ​ങ്കി​ലും പൊ​ലീ​സ്​ പി​ന്തു​ട​ർ​ന്ന്​ പി​ടി​കൂ​ടി. ബാ​ഗ്​ പ​രി​ശോ​ധി​ച്ച​പ്പോ​ൾ പൊ​തി​ക​ളാ​യി സൂ​ക്ഷി​ച്ച ക​ഞ്ചാ​വ്​ ക​ണ്ടെ​ത്തു​ക​യാ​യി​രു​ന്നു. ആ​ന്ധ്ര​യി​ൽ​നി​ന്നാ​ണ്​​ എ​ത്തി​ച്ച​തെ​ന്നാ​ണ്​ സൂ​ച​ന. ക​ഞ്ചാ​വ്​​ വി​റ്റു​കി​ട്ടു​ന്ന പ​ണം​കൊ​ണ്ട്​ പ്ര​തി​ക​ൾ ആ​ഡം​ബ​ര​ജീ​വി​ത​മാ​ണ്​ ന​യി​ച്ചി​രു​ന്ന​തെ​ന്നും പൊ​ലീ​സ്​ പ​റ​ഞ്ഞു.

കോ​ട്ട​യം ഡി​വൈ.​എ​സ്.​പി ജെ.​സ​ന്തോ​ഷ്‌​കു​മാ​ർ, ക്രൈം ​ഡി​റ്റാ​ച്മെൻറ്​ ഡി​വൈ.​എ​സ്.​പി ഗി​രീ​ഷ് പി. ​സാ​ര​ഥി എ​ന്നി​വ​രു​ടെ നേ​തൃ​ത്വ​ത്തി​ൽ കോ​ട്ട​യം ഈ​സ്​​റ്റ്​ സ്‌​റ്റേ​ഷ​ൻ ഹൗ​സ് ഓ​ഫി​സ​ർ ഇ​ൻ​സ്‌​പെ​ക്ട​ർ റെ​ജോ പി. ​ജോ​സ​ഫ്, എ​സ്.​ഐ ശ്രീ​രം​ഗ​ൻ, എ.​എ​സ്.​ഐ ഷോ​ബി, ജി​ല്ല പൊ​ലീ​സ് മേ​ധാ​വി​യു​ടെ ല​ഹ​രി​വി​രു​ദ്ധ സ്‌​ക്വാ​ഡ് അം​ഗ​ങ്ങ​ളാ​യ തോ​മ​സ് കെ. ​മാ​ത്യു, പ്ര​തീ​ഷ് രാ​ജ്, പി.​കെ. അ​നീ​ഷ്, അ​ജ​യ​കു​മാ​ർ, ശ്രീ​ജി​ത് ബി. ​നാ​യ​ർ, അ​രു​ൺ.​എ​സ്, ഷ​മീ​ർ, അ​നൂ​പ്്. എ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പി​ടി​കൂ​ടി​യ​ത്.

കോ​ട്ട​യം ന​ഗ​ര​മ​ധ്യ​ത്തി​ൽ കു​രു​മു​ള​ക് സ്‌​പ്രേ അ​ടി​ച്ച് കൊ​റി​യ​ർ സ്ഥാ​പ​ന​ത്തി​ൽ മോ​ഷ​ണം ന​ട​ത്തി​യ കേ​സി​ലെ പ്ര​തി​യാ​ണ് ബാ​ദു​ഷ. ഗാ​ന്ധി​ന​ഗ​ർ, കോ​ട്ട​യം ഈ​സ്​​റ്റ്, കോ​ട്ട​യം വെ​സ്​​റ്റ്​ സ്​​റ്റേ​ഷ​നു​ക​ളി​ലാ​യി 15ഓ​ളം കേ​സി​ൽ പ്ര​തി​യാ​ണ് ഇ​യാ​ൾ. എ​ക്‌​സൈ​സ് വ​കു​പ്പ് പി​ടി​കി​ട്ടാ​പ്പു​ള്ളി​യാ​യും പ്ര​ഖ്യാ​പി​ച്ചി​രു​ന്നു.