നാളെ നാട്ടിലേക്ക് വരാനിരിക്കെ തൃശൂർ സ്വദേശി സൗദിയിൽ മരിച്ചു
text_fieldsചെറുതുരുത്തി: സൗദിയിലെ തബൂഖില് ജോലി ചെയ്തിരുന്ന വെട്ടിക്കാട്ടിരി സ്വദേശി നാളെ നാട്ടിലേക്ക് മടങ്ങാനിരിക്കെ മരിച്ചു. മുളക്കല് മുഹമ്മദിൻെറ മകന് അബ്ദുറഹ്മാന് (കുഞ്ഞുമോന് 60) ആണ് മരിച്ചത്. അസുഖത്തെ തുടർന്ന് ശസ്ത്രക്രിയക്ക് വിധേയനായി തബൂഖ് ആശുപത്രിയില് കഴിഞ്ഞിരുന്ന ഇദ്ദേഹത്തിന് സനദ്ധസംഘടനകൾ ചേർന്നാണ് നാട്ടിലേക്കുള്ള യാത്രക്ക് സൗകര്യമൊരുക്കിയത്.
ഒക്ടോബര് മൂന്നിന് ജിദ്ദയില്നിന്നും കോഴിക്കോട്ടേക്കുള്ള വിമാനത്തില് ടിക്കറ്റ് ബുക്ക് ചെയ്തിരുന്നു. യാത്രക്കു മുന്നോടിയായി തബൂഖ് ആശുപത്രിയില്നിന്നും ഡിസ്ചാര്ജ് ചെയ്ത് ആംബുലന്സില് ഇന്നലെ ജിദ്ദ ആശുപത്രിയിലെത്തിച്ചു. ഇവിടെ അഡ്മിറ്റ് ചെയ്ത് വാര്ഡിലേക്കു മാറ്റിയശേഷം ഹൃദയാഘാതത്തെത്തുടര്ന്നാണ് മരണമെന്നാണ് വിവരം.
മുൻപ് ചെറുതുരുത്തിയില് ഓട്ടോറിക്ഷ ഓടിച്ചിരുന്ന കുഞ്ഞുമോന് പതിറ്റാണ്ടുകളായി സൗദിയിലാണ്. വെട്ടിക്കാട്ടിരി മദ്റസക്കു സമീപമായിരുന്നു തറവാട് വീട്. നടപടികള് പൂര്ത്തിയാക്കി മയ്യിത്ത് ജിദ്ദയില് ഖബറടക്കുമെന്ന് ബന്ധുക്കള് അറിയിച്ചു. ഭാര്യ: ഫാത്തിമ. മക്കള്: ഹംസ, റംസീന, റസീന, അസീസ്, അന്സില്. മരുമക്കള്: സുല്ഫത്ത്, ആശിഖ്, നിസാര്. പരേതയായ ആമിനയാണ് മാതാവ്. സഹോദരങ്ങള്: ഹുസന്, സത്താര്, അലി, അശ്റഫ്, ഫാത്തിമ, ആമിനക്കുട്ടി, ഖദീജ, ജസീല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.