കണ്ണിൽ കർ'പൂര' ദീപമോ... കാതിൽ പഞ്ചവാദ്യതാളമോ...

തേ​ക്കി​ൻ​കാ​ട് ആ​ന​ക്കാ​ടും ആ​ൾ​ക്കാ​ടു​മാ​യി. സ്വ​രാ​ജ് റൗ​ണ്ടി​ൽ ത​ല​യു​യ​ർ​ത്തി​യ പ​ന്ത​ലു​ക​ളും പ്ര​ദ​ക്ഷി​ണ​വ​ഴി​ക​ളി​ൽ പൂ​വി​ത​റു​ന്ന മ​ര​ങ്ങ​ളും ദീ​പ​ങ്ങ​ളാ​ൽ വ​ർ​ണ​ത്തി​ലാ​യി. കാ​ഴ്ച​ക​ളു​ടെ സ​മൃ​ദ്ധി​യി​ൽ ന​ഗ​രം പൂ​ര​നി​റ​ച്ചാ​ർ​ത്ത​ണി​ഞ്ഞു. എ​റ​ണാ​കു​ളം ശി​വ​കു​മാ​റി‍െൻറ ശി​ര​സ്സി​ലേ​റി​യെ​ത്തി​യ നെ​യ്ത​ല​ക്കാ​വ് ഭ​ഗ​വ​തി തു​റ​ന്നി​ട്ട ഗോ​പു​ര​വാ​തി​ലി​ലൂ​ടെ ഇ​നി പൂ​ര​ങ്ങ​ളു​ടെ ക​യ​റ്റി​റ​ക്കം.... മേ​ള​പ്പെ​രു​ക്ക​ങ്ങ​ളും കു​ട​മാ​റ്റ​വും വെ​ടി​ക്കെ​ട്ട് വി​സ്മ​യ​ങ്ങ​ളും സ​മ​ന്വ​യി​ക്കു​ന്ന പൂ​രം ചൊ​വ്വാ​ഴ്ച​യാണ്. പ​ഞ്ച​വാ​ദ്യ-​പാ​ണ്ടി​മേ​ള​ങ്ങ​ളു​ടെ അ​ക​മ്പ​ടി​യോ​ടെ ക​ണി​മം​ഗ​ലം ശാ​സ്താ​വ് ഏ​ഴ​ര​യോ​ടെ വ​ട​ക്കു​ന്നാ​ഥ​നി​ലെ​ത്തു​ന്ന​തോ​ടെ പൂ​രം തു​ട​ങ്ങും. രാ​വി​ലെ തി​രു​വ​മ്പാ​ടി​യി​ലേ​ക്കു​ള്ള വ​ര​വ് ക​ഴി​ഞ്ഞ് 11.30 ഓ​ടെ പ​ഞ്ച​വാ​ദ്യ​ത്തോ​ടെ തി​രി​ച്ചെ​ഴു​ന്നെ​ള്ളും.

പ​ന്ത്ര​ണ്ടോ​ടെ പാ​റ​മേ​ക്കാ​വി​ലെ എ​ഴു​ന്ന​ള്ളി​പ്പി​നു​ള്ള തു​ട​ക്ക​മാ​കും 15 ആ​ന​ക​ൾ​ക്ക് പാ​ണ്ടി​മേ​ളം അ​ക​മ്പ​ടി​യാ​യി പു​റ​ത്തേ​ക്കി​റ​ങ്ങും. ര​ണ്ട​ര​യോ​ടെ വ​ട​ക്കു​ന്നാ​ഥ​നി​ലെ ഇ​ല​ഞ്ഞി​ച്ചു​വ​ട്ടി​ൽ പെ​രു​വ​നം കു​ട്ട​ൻ മാ​രാ​രു​ടെ നേ​തൃ​ത്വ​ത്തി​ൽ പാ​റ​മേ​ക്കാ​വി‍െൻറ പ്ര​ശ​സ്ത​മാ​യ ഇ​ല​ഞ്ഞി​ത്ത​റ​മേ​ളം കൊ​ട്ടി​ക്ക​യ​റും. അ​ഞ്ചി​നാ​ണ് പാ​ണ്ടി​മേ​ളം കൊ​ട്ടി​യു​ള്ള തെ​ക്കോ​ട്ടി​റ​ക്കം.

കോ​ർ​പ​റേ​ഷ​ന് മു​ന്നി​ലെ രാ​ജാ​വി‍െൻറ പ്ര​തി​മ വ​ലം​വെ​ച്ച് തെ​ക്കേ ഗോ​പു​ര​ത്തി​ന് അ​ഭി​മു​ഖ​മാ​യി പാ​റ​മേ​ക്കാ​വ് ഭ​ഗ​വ​തി നി​ല​കൊ​ള്ളും. അ​പ്പോ​ഴേ​ക്കും തി​രു​വ​മ്പാ​ടി ഭ​ഗ​വ​തി ഗോ​പു​ര​ത്തി​ന് മു​ന്നി​ലെ​ത്തും. അ​ഞ്ച​ര​യോ​ടെ​യാ​ണ് എ​ണ്ണാ​നാ​വാ​ത്ത വി​ധം സാ​ക്ഷി​യാ​കു​ന്ന ഇ​രു​ഭ​ഗ​വ​തി​മാ​രു​ടെ​യും കൂ​ടി​ക്കാ​ഴ്ച​യും കു​ട​മാ​റ്റ​വും. ഏ​ഴി​ന് കു​ട​മാ​റ്റം ക​ഴി​ഞ്ഞ് ഭ​ഗ​വ​തി​മാ​ർ മ​ട​ങ്ങും. ഘ​ട​ക​പൂ​ര​ങ്ങ​ൾ ഉ​ച്ച​യോ​ടെ വ​ട​ക്കു​ന്നാ​ഥ​നി​ലെ​ത്തി മ​ട​ങ്ങും. പു​ല​ർ​കാ​ലം മു​ത​ൽ ഘ​ട​ക​പൂ​ര​ങ്ങ​ളു​ടെ വ​ര​വാ​ണ്. ക​ണി​മം​ഗ​ലം ശാ​സ്താ​വി​ന്റെ എ​ഴു​ന്ന​ള്ളി​പ്പാ​ണ് പൂ​ര​ന​ഗ​രി​യി​ൽ ആ​ദ്യ​മെ​ത്തു​ക.

ക​ണി​മം​ഗ​ലം എ​ഴു​ന്ന​ള്ളി​പ്പ് തെ​ക്കേ ഗോ​പു​രം വ​ഴി​യാ​ണ് വ​ട​ക്കു​ന്നാ​ഥ​നി​ലേ​ക്ക് പ്ര​വേ​ശി​ക്കു​ക. ചി​യ്യാ​രം പൂ​ക്കാ​ട്ടി​ക്ക​ര കാ​ര​മു​ക്ക്‌ ഭ​ഗ​വ​തി, ലാ​ലൂ​ർ കാ​ർ​ത്യാ​യ​നി ദേ​വി, ചൂ​ര​ക്കോ​ട്ടു​കാ​വ്‌ ദു​ർ​ഗാ​ദേ​വി, അ​യ്യ​ന്തോ​ൾ കാ​ർ​ത്യാ​യ​നി ദേ​വി, കു​റ്റൂ​ർ നെ​യ്ത​ല​ക്കാ​വ്‌ ഭ​ഗ​വ​തി എ​ന്നീ അ​ഞ്ച്‌ ദേ​ശ​ക്കാ​ർ പ​ടി​ഞ്ഞാ​റേ ഗോ​പു​രം വ​ഴി പ്ര​വേ​ശി​ച്ച് തെ​ക്കേ ഗോ​പു​രം വ​ഴി​യാ​ണ് ഇ​റ​ങ്ങു​ക. കി​ഴ​ക്കും​പാ​ട്ടു​ക​ര പ​ന​മു​ക്കും​പി​ള്ളി ശ്രീ​ധ​ർ​മ ശാ​സ്താ​വും ചെ​മ്പൂ​ക്കാ​വ്‌ കാ​ർ​ത്യാ​യ​നി ഭ​ഗ​വ​തി​യും കി​ഴ​ക്കേ ഗോ​പു​രം വ​ഴി പ്ര​വേ​ശി​ച്ച്‌ തെ​ക്കേ ഗോ​പു​രം വ​ഴി പു​റ​ത്തേ​ക്കി​റ​ങ്ങും. ചെ​റു​പൂ​ര​ങ്ങ​ൾ​ക്ക്‌ മൂ​ന്നു​മു​ത​ൽ 14 വ​രെ ആ​ന​ക​ളും മേ​ള​പ്ര​മാ​ണി​മാ​ർ അ​ണി​നി​ര​ക്കു​ന്ന വാ​ദ്യ​ഘോ​ഷ​വു​മു​ണ്ടാ​വും.

പുരുഷാരത്തെ പുൽകാൻ പൂര നഗരം

പ്ര​ദ​ക്ഷി​ണ വ​ഴി​ക​ളി​ൽ ആ​ർ​ത്ത​ല​ച്ചെ​ത്തു​ന്ന പു​രു​ഷാ​ര​ത്തി​ര​മാ​ല​യെ പു​ൽ​കാ​ൻ പ്ര​തീ​ക്ഷ നി​ർ​ഭ​ര​മാ​യ മ​ന​സ്സു​മാ​യി കാ​ത്തി​രി​ക്കു​ക​യാ​ണ്​ പ​ച്ച​വി​രി​ച്ച​ തേ​ക്കി​ൻ​കാ​ട്​ മൈ​താ​നി. സാ​ധാ​രാ​ണ പൂ​ര​ത്തി‍െൻറ മൂ​ന്ന്​ ദി​ന​ങ്ങ​ളി​ലാ​യി പ​ത്തു ല​ക്ഷം പേ​രാ​ണ് എ​ത്താ​റ്. കോ​വി​ഡ് ഇ​ട​വേ​ള​ക്കു​ശേ​ഷം പൂ​രം എ​ത്തു​ന്ന​തോ​ടെ ഇ​ക്കു​റി 40 ശ​ത​മാ​നം വ​രെ ജ​നം കൂ​ടി​യേ​ക്കാ​മെ​ന്നാ​ണ് ഇ​ന്‍റ​ലി​ജ​ൻ​സ് റി​പ്പോ​ർ​ട്ട്​. അ​തി​ന്​ തെ​ളി​വാ​ണ്​ പൂ​ര വി​ളം​ബ​ര​ത്തി​നും സാ​മ്പി​ൾ വെ​ടി​ക്കെ​ട്ടി​നും ക​ണ്ട തി​ര​ക്ക്.

പൂ​രം കൂ​ടാ​ൻ ദി​വ​സ​ങ്ങ​ൾ​ക്ക് മു​മ്പേ ന​ഗ​ര​ത്തി​ൽ കു​ടും​ബ​സ​മേ​തം ത​മ്പ​ടി​ച്ച​വ​രു​ണ്ട്. ലോ​ഡ്ജു​ക​ളും ഹോ​ട്ട​ലു​ക​ളു​മെ​ല്ലാം മാ​സ​ങ്ങ​ൾ​ക്ക് മു​മ്പേ ബു​ക്ക് ചെ​യ്ത​വ​യാ​ണ്. വി​ദേ​ശി​ക​ളും ഇ​ത​ര സം​സ്ഥാ​ന​ക്കാ​രു​മൊ​ക്കെ കൂ​ടു​ത​ൽ എ​ത്തു​ന്ന​തോ​ടെ വി​നോ​ദ​സ​ഞ്ചാ​ര മേ​ഖ​ല​ക്ക്​ പു​ത്ത​ൻ ഉ​ണ​ർ​വ് കൂ​ടി​യാ​വും പൂ​രം.

തേ​ക്കി​ൻ​കാ​ട് മൈ​താ​ന​വും സ്വ​രാ​ജ് റൗ​ണ്ടും അ​ഞ്ച് വീ​തം സെ​ക്ട​റു​ക​ളാ​യി തി​രി​ച്ച് അ​ഞ്ച് വീ​തം ഡി​വൈ.​എ​സ്.​പി​മാ​ർ​ക്ക് കീ​ഴി​ൽ നൂ​റ് വീ​തം പൊ​ലീ​സ് ഉ​ദ്യോ​ഗ​സ്ഥ​രെ നി​യോ​ഗി​ച്ച്​ സു​ര​ക്ഷ ഒ​രു​ക്കി ക​ഴി​ഞ്ഞു. ഔ​ട്ട​ർ ഏ​രി​യ​യെ​യും സെ​ക്ട​റു​ക​ളാ​ക്കി തി​രി​ച്ച് ഡി​വൈ.​എ​സ്.​പി​മാ​രു​ടെ നേ​തൃ​ത്വ​ത്തി​ൽ സു​ര​ക്ഷി​ത വ​ല​യ​ത്തി​ലാ​ക്കി ക​ഴി​ഞ്ഞു. അ​ന​ർ​ഥ​ങ്ങ​ൾ ഇ​ല്ലാ​തി​രി​ക്കു​ന്ന​തി​ന്​ മോ​ക്​​ഡ്രി​ൽ അ​ട​ക്കം ന​ട​ത്തി. വൃ​ക്ഷ​ശി​ഖ​ര​ങ്ങ​ൾ വെ​ട്ടി​യൊ​തു​ക്കി ദു​ര​ന്ത​ങ്ങ​ൾ ഇ​ല്ലാ​താ​ക്കാ​നു​മാ​യി. അ​തെ, സു​ര​ക്ഷി​ത പൂ​ര​ത്തി​ലേ​ക്ക്​ പു​രു​ഷാ​രം അ​ലി​ഞ്ഞു​ചേ​രു​ക​യാ​ണ്.