കനത്ത മഴ: തൃശൂർ പൂരം വെടിക്കെട്ട് മാറ്റിവെച്ചു
text_fieldsതൃശൂർ: രാത്രിയിൽ മഴ ശക്തമായതോടെ തൃശൂർ പൂരം വെടിക്കെട്ട് മാറ്റിവെച്ചു. ഘടകപൂരങ്ങളുടെ ആവർത്തന എഴുന്നള്ളിപ്പ് താളംതെറ്റി. ഘടകപൂരങ്ങളിൽ പലർക്കും മേളം പൂർത്തിയാക്കാനായില്ല. നേരത്തേ എഴുന്നള്ളിപ്പ് പൂർത്തിയാക്കിയ കണിമംഗലത്തിന് മാത്രമാണ് മേളം പൂർത്തിയാക്കാനായത്.
എങ്കിലും ഇടവിട്ട് പെയ്ത മഴ അലോസരമുണ്ടാക്കിയിരുന്നു. പകൽപൂരങ്ങൾ മഴയില്ലാതെ അവസാനിച്ചെങ്കിലും കുടമാറ്റത്തിന്റെ അവസാനം മഴയിലായിരുന്നു. രാത്രി പൂരം ഘടകക്ഷേത്രങ്ങൾ ആരംഭിച്ചെങ്കിലും പാതിവഴിയിൽ മഴയെത്തിയത് ദുരിതത്തിലാക്കി. ലാലൂർ കാർത്യായനി ഭഗവതിയുടെയും അയ്യന്തോൾ ഭഗവതിയുടെയും മേളവും പാതിവഴിയിൽ അവസാനിപ്പിച്ചു. തുടർന്ന് വലംതലകൊട്ടി വടക്കുന്നാഥനെ പ്രദക്ഷിണം വെച്ച് മടങ്ങി. മറ്റ് ഘടകപൂരങ്ങളുടെ വരവും മഴമൂലം കുഴഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.