ഇന്ന് പൂരപ്പെരുക്കം

തൃ​ശൂ​ർ: മ​തി​വ​രാ കാ​ഴ്ച​ക​ളു​ടെ വി​സ്മ​യ​ങ്ങ​ളി​ലേ​ക്ക് വ​ട​ക്കു​ന്നാ​ഥ​ന്റെ തെ​ക്കേ ഗോ​പു​ര വാ​തി​ൽ തു​റ​ന്നു. ഇ​ന്ന് മേ​ള​പ്പെ​രു​ക്ക​വും കു​ട​മാ​റ്റ​ത്തി​ന്റെ അ​ഴ​കും വെ​ടി​ക്കെ​ട്ടി​ന്റെ വി​സ്മ​യ​വും ഇ​ഴ​ചേ​രു​ന്ന തൃ​ശൂ​ർ പൂ​രം.

നൂ​റ്റാ​ണ്ട് പി​ന്നി​ട്ട ചി​ട്ട​വ​ട്ട​ങ്ങ​ൾ തെ​റ്റാ​തെ ശ​നി​യാ​ഴ്ച രാ​വി​ലെ എ​റ​ണാ​കു​ളം ശി​വ​കു​മാ​റി​ന്റെ ശി​ര​സ്സി​ലേ​റി കു​റ്റൂ​ർ നെ​യ്ത​ല​ക്കാ​വി​ല​മ്മ ഗോ​പു​ര​ന​ട തു​റ​ന്ന് പൂ​ര വി​ളം​ബ​ര​മ​റി​യി​ച്ചു. പൊ​രി​വെ​യി​ലി​നെ കൂ​സാ​തെ​യെ​ത്തി​യ ആ​യി​ര​ങ്ങ​ൾ ആ​ർ​പ്പു​വി​ളി​ക​ളോ​ടെ വി​ളം​ബ​രം നെ​ഞ്ചേ​റ്റി. വൈ​കീ​ട്ട് പെ​യ്ത മ​ഴ ആ​ശ​ങ്ക ഉ​യ​ർ​ത്തി​യെ​ങ്കി​ലും പൂ​രാ​വേ​ശ​ത്തി​ന് ഒ​ട്ടും കു​റ​വി​ല്ല.

രാ​വി​ലെ എ​ട്ടോ​ടെ​യാ​ണ്, കു​റ്റൂ​ർ നെ​യ്ത​ല​ക്കാ​വി​ൽ​നി​ന്ന് ഭ​ഗ​വ​തി​യു​ടെ തി​ട​മ്പേ​റ്റി എ​റ​ണാ​കു​ളം ശി​വ​കു​മാ​ർ വ​ട​ക്കു​ന്നാ​ഥ ക്ഷേ​ത്ര​ത്തി​ലേ​ക്ക് പു​റ​പ്പെ​ട്ട​ത്. എ​ഴു​ന്ന​ള്ളി​പ്പ് ഷൊ​ർ​ണൂ​ർ റോ​ഡ് വ​ഴി ശ്രീ​മൂ​ല​സ്ഥാ​ന​ത്തെ​ത്തി​യ​തോ​ടെ കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ നേ​തൃ​ത്വ​ത്തി​ൽ പാ​ണ്ടി​മേ​ളം തു​ട​ങ്ങി. എ​ഴു​ന്ന​ള്ളി​പ്പ് പ​ടി​ഞ്ഞാ​റേ ന​ട വ​ഴി വ​ട​ക്കു​ന്നാ​ഥ ക്ഷേ​ത്ര​ത്തി​ന​ക​ത്ത് ക​ട​ന്ന് തെ​ക്കേ ഗോ​പു​ര​ന​ട​യി​ലെ​ത്തി 11.30ഓ​ടെ ഗോ​പു​ര​വാ​തി​ൽ തു​റ​ന്നി​ട്ടു. നി​ല​പാ​ടു​ത​റ​യി​ൽ പ്ര​വേ​ശി​ച്ച് മൂ​ന്നു​ത​വ​ണ ശം​ഖ്നാ​ദം മു​ഴ​ക്കി​യ​തോ​ടെ പൂ​ര​വി​ളം​ബ​രം പൂ​ർ​ണ​മാ​യി. ഇ​രു​വി​ഭാ​ഗ​ങ്ങ​ളു​ടെ​യും ആ​ന​ച്ച​മ​യം കാ​ണാ​ൻ രാ​ത്രി​യി​ലും തി​ര​ക്കാ​യി​രു​ന്നു. വൈ​കീ​ട്ട് ആ​ന​ക​ളു​ടെ പ​രി​ശോ​ധ​ന​യും പൂ​ർ​ത്തി​യാ​ക്കി.

ഞാ​യ​റാ​ഴ്ച പ​ഞ്ച​വാ​ദ്യ, പാ​ണ്ടി​മേ​ള​ങ്ങ​ളു​ടെ അ​ക​മ്പ​ടി​യോ​ടെ ക​ണി​മം​ഗ​ലം ശാ​സ്താ​വ് രാ​വി​ലെ ഏ​ഴ​ര​യോ​ടെ വ​ട​ക്കു​ന്നാ​ഥ​നി​ലെ​ത്തു​ന്ന​തോ​ടെ പൂ​രം തു​ട​ങ്ങും. പ​തി​നൊ​ന്ന​ര​യ്ക്കാ​ണ് കോ​ങ്ങാ​ട് മ​ധു​വി​ന്റെ പ്ര​മാ​ണ​ത്തി​ൽ തി​രു​വ​മ്പാ​ടി​യു​ടെ മ​ഠ​ത്തി​ൽ വ​ര​വ് പ​ഞ്ച​വാ​ദ്യം. ശ്രീ​മൂ​ല​സ്ഥാ​ന​ത്തെ പാ​ണ്ടി​മേ​ള​ത്തി​നു ശേ​ഷം തി​രു​വ​മ്പാ​ടി ഭ​ഗ​വ​തി വ​ട​ക്കു​ന്നാ​ഥ​നി​ലെ​ത്തും. 12.15ന് ​പാ​റ​മേ​ക്കാ​വി​ൽ എ​ഴു​ന്ന​ള്ളി​പ്പ് തു​ട​ങ്ങും.

15 ആ​ന​ക​ൾ​ക്ക് പാ​ണ്ടി​മേ​ളം അ​ക​മ്പ​ടി​യാ​കും. ര​ണ്ടോ​ടെ​യാ​ണ് വ​ട​ക്കു​ന്നാ​ഥ​നി​ലെ ഇ​ല​ഞ്ഞി​ച്ചു​വ​ട്ടി​ൽ കി​ഴ​ക്കൂ​ട്ട് അ​നി​യ​ൻ മാ​രാ​രു​ടെ നേ​തൃ​ത്വ​ത്തി​ൽ 250ഓ​ളം ക​ലാ​കാ​ര​ന്മാ​രു​ടെ ഇ​ല​ഞ്ഞി​ത്ത​റ​മേ​ളം. അ​ഞ്ചി​നാ​ണ് പാ​ണ്ടി​മേ​ളം കൊ​ട്ടി​യു​ള്ള തെ​ക്കോ​ട്ടി​റ​ക്കം. കോ​ർ​പ​റേ​ഷ​ന് മു​ന്നി​ലെ രാ​ജാ​വി​ന്റെ പ്ര​തി​മ വ​ലം​വെ​ച്ച് തെ​ക്കേ ഗോ​പു​ര​ത്തി​ന് അ​ഭി​മു​ഖ​മാ​യി പാ​റ​മേ​ക്കാ​വ് ഭ​ഗ​വ​തി നി​ല​കൊ​ള്ളും. അ​പ്പോ​ഴേ​ക്കും തി​രു​വ​മ്പാ​ടി ഭ​ഗ​വ​തി ഗോ​പു​ര​ത്തി​ന് മു​ന്നി​ലെ​ത്തും.

ആ​റോ​ടെ​യാ​ണ് ഭ​ഗ​വ​തി​മാ​രു​ടെ കൂ​ടി​ക്കാ​ഴ്ച​യും കു​ട​മാ​റ്റ​വും. ഏ​ഴി​ന് കു​ട​മാ​റ്റം ക​ഴി​ഞ്ഞ് ഭ​ഗ​വ​തി​മാ​ർ മ​ട​ങ്ങും. ഘ​ട​ക​പൂ​ര​ങ്ങ​ൾ ഉ​ച്ച​യോ​ടെ വ​ട​ക്കു​ന്നാ​ഥ​നി​ലെ​ത്തി മ​ട​ങ്ങും. തി​ങ്ക​ളാ​ഴ്ച പു​ല​ർ​ച്ച മൂ​ന്നു​മു​ത​ൽ അ​ഞ്ചു​വ​രെ​യാ​ണ് വെ​ടി​ക്കെ​ട്ട്. ഉ​ച്ച​ക്ക് ഒ​ന്നോ​ടെ പ​ക​ൽ​പ്പൂ​രം ശ്രീ​മൂ​ല​സ്ഥാ​ന​ത്ത് വി​ട​ചൊ​ല്ലും.