പൂരം കലക്കൽ; അതൃപ്തി സഭയിലുംപരസ്യമാക്കി സി.പി.ഐ

തി​രു​വ​ന​ന്ത​പു​രം: തൃ​ശൂ​ർ പൂ​രം ക​ല​ക്ക​ൽ വി​ഷ​യ​ത്തി​ലെ അ​തൃ​പ്തി നി​യ​മ​സ​ഭ​യി​ൽ പ​ര​സ്യ​മാ​ക്കി സി.​പി.​ഐ. അ​ടി​യ​ന്ത​ര​പ്ര​മേ​യ ച​ർ​ച്ച​യി​ൽ സി.​പി.​എം അം​ഗ​ങ്ങ​ൾ പൂ​രം ക​ല​ക്ക​ൽ പൊ​തി​ഞ്ഞ്​ അ​വ​ത​രി​പ്പി​ക്കാ​ൻ ശ്ര​മി​ക്കു​മ്പോ​ഴാ​ണ്​ മ​ന്ത്രി കെ. ​രാ​ജ​നും പി. ​ബാ​ല​ച​ന്ദ്ര​നും തു​റ​ന്ന​ടി​ച്ച​ത്.

തൃ​​​ശൂ​രി​ൽ ആ​ചാ​ര ലം​ഘ​ന​മു​ണ്ടാ​യെ​ന്ന്​ ചൂ​ണ്ടി​ക്കാ​ട്ടി​യ രാ​ജ​ൻ, പൂ​രം ക​ല​ക്കാ​ൻ ബോ​ധ​പൂ​ർ​വ​മാ​യ ഗൂ​ഢാ​ലോ​ച​ന​യു​ണ്ടാ​യെ​ന്നും അ​തി​ന്​ നേ​തൃ​ത്വം ന​ൽ​കി​യ ആ​ർ.​എ​സ്.​എ​സ്​ നേ​താ​ക്ക​​​​ളെ കു​റി​ച്ച്​ പ​റ​യാ​ൻ ന​മ്മ​ളെ​ന്തി​നാ​ണ്​ മ​റ​ച്ചും ഒ​ഴി​ച്ചും പി​ടി​ക്കു​ന്ന​​തെ​ന്നും ചോ​ദി​ച്ചു. സം​സാ​രി​ക്കാ​ൻ മു​ൻ​കൂ​ട്ടി ആ​ലോ​ചി​ച്ച്​ ഉ​റ​പ്പി​ച്ചാ​ണ്​ രാ​ജ​ൻ എ​ത്തി​യ​ത്. ഇ​തി​നാ​യി കു​റി​പ്പും ക​രു​തി​യി​രു​ന്നു.

‘അ​ർ​ധ​രാ​ത്രി​യി​ൽ ന​ടു​വി​ലാ​ലി​ന്‍റെ മു​ന്നി​ലെ ബാ​രി​​ക്കേ​ഡ്​ മ​റി​ക​ട​ന്ന്​ ആ​ളു​ക​ളോ​ട്​ വി​ഷ​യ​മു​ണ്ടാ​ക്കാ​ൻ ആ​ഹ്വാ​ന​മു​ണ്ടാ​യി. ഒ​രു ത​ട​സ്സ​വു​മി​ല്ലാ​തെ വെ​ടി​ക്കെ​ട്ട്​ ന​ട​ത്താ​മെ​ന്ന്​ തീ​രു​മാ​നി​ച്ചെ​ങ്കി​ലും ദേ​വ​സ്വം അ​ധി​കാ​രി​ക​ളെ​യ​ട​ക്കം ഒ​ന്ന​ര മ​ണി​ക്കൂ​ർ ചു​റ്റി​ച്ച​തി​നു​ പി​ന്നി​​ൽ ഇ​ട​പെ​ട​ലു​ണ്ടാ​യി. പ്ര​ക​ട​ന​മാ​യി ചി​ല​ർ ശ്രീ​മൂ​ല​സ്ഥാ​ന​ത്തേ​ക്ക്​ വ​ന്ന​തി​ന്‍റെ പി​ന്നി​ൽ ആ​രൊ​ക്കെ​യാ​ണ്​ ഇ​ട​പെ​ട്ട​ത്​?.

ഇ​തി​ന്‍റെ പി​ന്നി​ലെ​ല്ലാം ഗൂ​ഢാ​ലോ​ച​ന​യു​ണ്ട്. അ​തി​ൽ ആ​രൊ​ക്കെ​യെ​ന്ന​ത്​ പൊ​തു​ജ​ന​ത്തി​ന്​ മു​ന്നി​ൽ കൊ​ണ്ടു​വ​ര​ണ​മെ​ന്ന്​ രാ​ജ​ൻ പ​റ​ഞ്ഞു. മ​ന്ത്രി വി.​എ​ൻ. വാ​സ​വ​ൻ മ​റു​പ​ടി പ​റ​യാ​ൻ എ​ഴു​ന്നേ​റ്റ വേ​ള​യി​ലാ​ണ്​ സ​മ​യം ചോ​ദി​ച്ചു​വാ​ങ്ങി രാ​ജ​ൻ ഇ​ക്കാ​ര്യം വ്യ​ക്ത​മാ​ക്കി​യ​ത്. സ​മ​യം നീ​ളു​ന്ന​ത്​ സ്​​പീ​ക്ക​ർ ചൂ​ണ്ടി​ക്കാ​ട്ടി​യ​പ്പോ​ൾ ‘‘ഇ​തെ​ല്ലാം പ​റ​ഞ്ഞി​ട്ടേ പോ​കൂ’’​വെ​ന്നാ​യി​രു​ന്നു രാ​ജ​ന്‍റെ പ്ര​തി​ക​ര​ണം.

ആ​ർ.​എ​സ്.​എ​സ്​ ഇ​ട​പെ​ട​ൽ അ​ട​ക്കം വ​ള​രെ ക​രു​ത​ലോ​ടെ​യാ​ണ്​ സി.​പി.​എം അം​ഗ​ങ്ങ​ൾ ച​ർ​ച്ച​യി​ൽ ഉ​ന്ന​യി​ച്ച​ത്. എ.​ഡി.​ജി.​പി​യു​ടെ പേ​രു​പോ​ലും പ​രാ​മ​ർ​ശ​ത്തി​ൽ ക​ട​ന്നു​വ​രാ​തി​രി​ക്കാ​ൻ ശ്ര​ദ്ധി​ച്ചു. യു.​ഡി.​എ​ഫ്​ കാ​ല​ത്ത്​ ശി​വ​ഗി​രി​യി​ലും ചെ​ട്ടി​ക്കു​ള​ങ്ങ​ര ക്ഷേ​ത്ര​ത്തി​ലും മ​ല​യാ​ല​പ്പു​ഴ​യി​ലു​മ​ട​ക്ക​മു​ണ്ടാ​യ പൊ​ലീ​സ്​ ന​ട​പ​ടി​ക​ൾ നി​ര​ത്തി​യാ​യി​രു​നു തൃ​ശൂ​ർ​പൂ​രം അ​ല​ങ്കോ​ല​പ്പെ​ടു​ത്ത​ലി​നെ മ​റി​ക​ട​ക്കാ​ൻ ​സി.​പി.​എം ​ശ്ര​മി​ച്ച​ത്. എ​ന്നാ​ൽ, ഇ​ത്ത​രം പ്ര​തി​രോ​ധ​ങ്ങ​ൾ​ക്കൊ​ന്നും നി​ൽ​ക്കാ​തെ സി.​പി.​ഐ അം​ഗം പി. ​ബാ​ല​ച​ന്ദ്ര​ൻ ആ​ർ.​എ​സ്.​എ​സ്​ ഇ​ട​പെ​ട​ലി​ലേ​ക്കും വ​ത്സ​ൻ തി​ല്ല​​ങ്കേ​രി​യു​ടെ സാ​ന്നി​ധ്യ​ത്തി​ലേ​ക്കു​മ​ട​ക്കം നേ​രി​ട്ട്​ ക​ട​ന്നു.

ഡെ​സ്​​കി​ല​ടി​ച്ചാ​ണ്​ പ്ര​തി​പ​ക്ഷം ഈ ​പ​രാ​മ​ർ​​ശ​ങ്ങ​​ളെ സ്വാ​ഗ​തം ചെ​യ്ത​ത്. പി​ന്നാ​ലെ മ​​​ന്ത്രി കെ. ​രാ​ജ​ൻ കൂ​ടി എ​ഴു​ന്നേ​റ്റ​തോ​ടെ സി.​പി.​ഐ നി​ല​പാ​ടും വി​യോ​ജി​പ്പും സ​ഭ​യി​ൽ പ​ക​ൽ​പോ​ലെ വ്യ​ക്ത​മാ​യി. ഇ​ക്കാ​ര്യം പ്ര​തി​പ​ക്ഷം സി.​പി.​എ​മ്മി​നെ​തി​രെ ആ​യു​ധ​മാ​ക്കു​ക​യും ചെ​യ്തു.