തൃ​ശൂർ പൂരം ചടങ്ങുകൾ മാ​ത്രമായി നടത്തും

തിരുവനന്തപുരം: സംസ്​ഥാനത്ത്​ കോവിഡ്​ വ്യാപനത്തിന്‍റെ പശ്ചാത്തലത്തിൽ തൃശൂർ പൂരം ആഘോഷങ്ങളില്ലാതെ നടത്താൻ തീരുമാനം. ചടങ്ങുകൾ മാത്രമായിരിക്കും നടക്കുക. ​െപാതുജനങ്ങൾക്ക്​ പ്രവേശനം അനുവദിക്കില്ല. ചീഫ്​ സെക്രട്ടറി വിളിച്ചുചേർത്ത യോഗത്തിലാണ്​ തീരുമാനം.

ചമയ പ്രദർശനം ഉണ്ടാകില്ല. 24ലെ പകൽപ്പൂരവും ഉണ്ടാകില്ല. എന്നാൽ മഠത്തിൽ വരവും ഇലഞ്ഞിത്തറ മേളങ്ങളും ഘടക പൂരങ്ങളുമുണ്ടാകും. കുടമാറ്റത്തിന്‍റെ സമയം വെട്ടിക്കും. പൂരപ്പറമ്പിൽ കയറുന്നവർക്ക്​ കോവിഡ്​ നെഗറ്റീവ്​ സർട്ടിഫിക്കറ്റ്​ നിർബന്ധമായിരിക്കും. അല്ലെങ്കിൽ രണ്ടു ഡോസ്​ വാക്​സിനെടുത്തതിന്‍റെ സർട്ടിഫിക്കറ്റ്​ വേണം. കൂടാതെ പ്രധാന വെടിക്കെട്ട്​ നിയന്ത്രണങ്ങളോടെയായിരിക്കും നടത്തുക.

ഒരാഴ്ചക്കിടെ കോവിഡ്​ ബാധിതരുടെ എണ്ണത്തിൽ വൻവർധന രേഖപ്പെടുത്തിയതോടെയാണ്​ തീരുമാനം. തൃശൂർ ജില്ലയിൽ കോവിഡ്​ പോസിറ്റിവിറ്റി നിരക്ക്​ ഉയർന്നതും തീരുമാനത്തിന്​ കാരണമായി.

പൂരം ​ആഘോഷമാക്കി നടത്തണമെന്ന നിലപാടിൽ തിരുവമ്പാടി, പാ​റമേക്കാവ്​ ദേവസ്വങ്ങൾ അയവ്​ വരുത്തിയിരുന്നു. കർശന നിയന്ത്രണം വേ​ണമെന്ന്​ ആരോഗ്യവിദഗ്​ധരും ​െപാലീസും ആവശ്യപ്പെട്ടിരുന്നു.