നഗരം കീഴടക്കാനൊരുങ്ങി പുലികൾ; ആ​വേ​ശ​ത്തി​ല്‍ ആ​റാ​ടി​ക്കാ​ന്‍ ഏ​ഴ് സംഘങ്ങൾ

തൃ​ശൂ​ര്‍: പൂ​ര​ന​ഗ​രി​യെ ആ​വേ​ശ​ത്തി​ല്‍ ആ​റാ​ടി​ക്കാ​ന്‍ 'പു​ലി'​ക​ള്‍ ഒരുങ്ങി. കുടവയറിൽ പുലിയെ ആവാഹിച്ച് ഏ​ഴ് സം​ഘ​ങ്ങ​ളാ​ണ് പു​ലിക്ക​ളി​യി​ല്‍ അ​ണി​നി​ര​ക്കു​ക. വൈ​കീട്ട് അ​ഞ്ചി​ന് സ്വ​രാ​ജ് റൗ​ണ്ടി​ൽ പു​ലി​ക​ളിറങ്ങും.​

പാ​ട്ടു​രാ​യ്ക്ക​ല്‍ ദേ​ശം സം​ഘ​മാ​ണ് നാ​യ്ക്ക​നാ​ല്‍ ജ​ങ്ഷ​നി​ല്‍ നടക്കുന്ന ഫ്ലാ​ഗ് ഓ​ഫി​ല്‍ പ​ങ്കെ​ടു​ക്കു​ക. ബി​നി ജ​ങ്ഷ​ന്‍ വ​ഴി യു​വ​ജ​ന​സം​ഘം വി​യ്യൂ​ര്‍, വി​യ്യൂ​ര്‍ ദേ​ശം പു​ലി​ക​ളി സം​ഘം എ​ന്നി ര​ണ്ട് സം​ഘ​ങ്ങ​ളും ന​ടു​വി​ലാ​ല്‍ ജ​ങ്ഷ​നി​ലൂ​ടെ സീ​താ​റാം മി​ല്‍ ദേ​ശം പു​ലി​ക​ളി സം​ഘാ​ട​ക സ​മി​തി, ശ​ങ്ക​രം​കു​ള​ങ്ങ​ര ദേ​ശം പു​ലി​ക​ളി ആ​ഘോ​ഷ​ക​മ്മി​റ്റി, ച​ക്കാ​മു​ക്ക് ദേ​ശം പു​ലി​ക​ളി, കാ​നാ​ട്ടു​ക​ര ദേ​ശം പു​ലി​ക​ളി എ​ന്നീ നാ​ല് സം​ഘ​ങ്ങ​ളും സ്വ​രാ​ജ് റൗ​ണ്ടി​ല്‍ പ്ര​വേ​ശി​ക്കും.

എ​ട്ട് അ​ടി ഉ​യ​ര​മു​ള്ള ട്രോ​ഫി​യാ​ണ് ഈ ​വ​ര്‍ഷ​ത്തെ​യും ആ​ക​ര്‍ഷ​ണം. ഒ​ന്നാം സ്ഥാ​ന​ത്ത് എ​ത്തു​ന്ന പു​ലി​ക​ളി സം​ഘ​ത്തി​നാ​ണ് ഇ​ത് ല​ഭി​ക്കു​ക. ഒ​രു പു​ലി​ക​ളി സം​ഘ​ത്തി​ല്‍ 35മു​ത​ല്‍ 51 വ​രെ പു​ലി​ക​ളും ഒ​രു നി​ശ്ച​ല ദൃ​ശ്യ​വും ഒ​രു പു​ലി​വ​ണ്ടി​യും ഉ​ണ്ടാ​യി​രി​ക്കും. പു​ലി​ക​ളി സം​ഘ​ങ്ങ​ളു​ടെ നി​ശ്ച​ല​ദൃ​ശ്യ വാ​ഹ​ന​ങ്ങ​ള്‍ ക​ട​ന്നു​വ​രു​ന്ന പ്ര​ധാ​ന വ​ഴി​ക​ളി​ലെ​യും സ്വ​രാ​ജ് റൗ​ണ്ടി​ലെ​യും മ​ര​ച്ചി​ല്ല​ക​ളും ത​ട​സ​ങ്ങ​ളും പൂ​ര്‍ണ​മാ​യി നീ​ക്കു​ക​യും റൗ​ണ്ടി​ല്‍ വെ​ളി​ച്ചം കു​റ​വു​ള്ള സ്ഥ​ല​ങ്ങ​ളി​ല്‍ ലൈ​റ്റു​ക​ള്‍ സ്ഥാ​പി​ക്കു​ക​യും ചെ​യ്തി​ട്ടു​ണ്ടെ​ന്നും മേ​യ​ര്‍ മേ​യ​ര്‍ എം.​കെ. വ​ര്‍ഗീ​സ് പ​റ​ഞ്ഞു.