വാട്ടർ ചാർജ് ഓൺലൈൻ വഴി: ഉത്തരവ് വാട്ടർ അതോറിറ്റി മരവിപ്പിച്ചു

തിരുവനന്തപുരം:വാട്ടർ ചാർജ് ഓൺലൈൻ വഴി സ്വീകരിക്കുന്നതിനായി ജനുവരി 25ന് പുറപ്പെടുവിച്ച ഉത്തരവ് വാട്ടർ അതോറിറ്റി മരവിപ്പിച്ചു. അതോറിറ്റിയിൽ ഓൺലൈൻ സർവീസുകൾ വ്യാപിപ്പിക്കുന്നതിന്റെ ഭാഗമായി വാട്ടർ ചാർജ്ജ് ഓൺലൈനായി അടവാക്കുന്നതിനാണ് ഉത്തരവ് പുറപ്പെടുവിച്ചത്.

ഇത് പൊതുജനങ്ങൾക്ക് ബുദ്ധിമുട്ടുണ്ടാകുന്നതായി ശ്രദ്ധയിൽപ്പെട്ടതിനാലാണ് ഉത്തരവ് മരവിപ്പിച്ചത്. ഈ വിഷയത്തിൽ ഇനിയൊരു ഉത്തരവാകുന്നതുവരെയാണ് മരവിപ്പിച്ചത്. വാട്ടർ അതോറിറ്റി ജനങ്ങൾക്ക് നൽകുന്ന സൗകര്യങ്ങളിലും സേവനങ്ങളിലും ഈ ഉത്തരവിന് മുമ്പുള്ള തൽസ്ഥിതി തുടരും.