തുഷാർ: ഇടപെട്ടത്​ വ്യക്തിപരമായല്ലെന്ന്​ മുഖ്യമന്ത്രി

തിരുവനന്തപുരം: തുഷാർ വെള്ളാപ്പള്ളി യു.എ.ഇ യിൽ ജയിലിലായപ്പോൾ ഇടപെട്ടത്​ ​വ്യക്തി താൽപര്യപ്രകാരമ​ായിരുന്നില ്ലെന്ന്​ മുഖ്യമന്ത്രി പിണറായി വിജയൻ. തുഷാർ എന്തായിരു​െന്നന്ന്​ എല്ലാവർക്കും അറിയാം. തുഷാറിനെപ്പോലെ ഒരാൾ ഇങ് ങനെ ജയിലിൽ കിടക്കു​േമ്പാൾ അദ്ദേഹത്തി​​െൻറ ആരോഗ്യകാര്യങ്ങളിൽ നിയമപരമായി ചെയ്യാൻ പറ്റുന്ന കാര്യങ്ങൾ ശ്രദ്ധിക്കണ​െമന്ന്​ കേന്ദ്രത്തോട്​ സംസ്​ഥാന സർക്കാർ എന്ന നിലക്കാണ്​​ പറഞ്ഞത്​. അ​േന്നരം തന്നെ അത്​ പുറത്തുപറയുകയും ചെയ്​തെന്നും അ​ദ്ദേഹം മാധ്യമപ്രവർത്തകരുടെ ചോദ്യത്തോട്​ പ്രതികരിച്ചു.

ഗോകുലം ഗോപാല​​െൻറ മകൻ സമാനകേസിൽ ജയിലിലായത്​​ ചോദിച്ച​േപ്പാൾ ‘വര​െട്ട’ എന്നായിരുന്നു പ്രതികരണം. സാധാരണഗതിയിൽ ജയിലിൽ കഴിയുന്നവരുടെ കാര്യത്തിൽ ഇടപെട്ടിട്ടുണ്ട്​. ഷാർജ ഭാരണാധികാരി വന്നപ്പോൾ നിയമപരമായി പറ്റുന്നവരെ വിട്ടയക്കണമെന്ന്​ ആവശ്യപ്പെട്ടിരുന്നു. വിട്ടയക്കുകയും ചെയ്​തു. ജയിലിൽ കിടക്കുന്നവരും കേസ്​ നേരിടുന്നവരുമായ മലയാളികൾക്ക്​ നിയമസഹായം നൽകാൻ സെൽ തുടങ്ങുന്നുണ്ട്​. ചിലർ നിസ്സാര കാരണങ്ങൾക്കും ജയിലിൽ പോകും. അത്തരം ആളുകളെ സഹായിക്കുന്ന നിലപാടാണ്​ സർക്കാർ സ്വീകരിക്കുന്നതെന്നും മുഖ്യമന്ത്രി പറഞ്ഞു.