വയനാട്ടിൽ തുഷാർ വെള്ളാപ്പള്ളി എൻ.ഡി.എ സ്ഥാനാർഥി

ന്യൂഡൽഹി: കോൺഗ്രസ് അധ്യക്ഷൻ രാഹുൽ ഗാന്ധി മൽസരിക്കുന്ന വയനാട് ലോക്സഭാ സീറ്റിൽ ബി.ഡി.ജെ.എസ് നേതാവ് തുഷാർ വെള്ളാ പ്പള്ളി എൻ.ഡി.എ സ്ഥാനാർഥിയാകും. ബി.ജെ.പി ദേശീയ അധ്യക്ഷൻ അമിത് ഷാ ട്വീറ്റിലൂടെയാണ് ഇക്കാര്യമറിയിച്ചത്. ഊർജസ്വലന ായ നേതാവാണ് തുഷാറെന്ന് അമിത് ഷാ അഭിനന്ദിച്ചു.

വയനാട്ടിൽ ശക്തമായ പോരാട്ടം കാഴ്ചവെക്കുമെന്ന് തുഷാർ വെള്ളാപ ്പള്ളി പ്രതികരിച്ചു. മത്സര്യം താനും രാഹുലും തമ്മിലെന്നും അദ്ദേഹം പറഞ്ഞു.

I proudly announce S hri Thushar Vellappally, President of Bharat Dharma Jana Sena as NDA candidate from Wayanad.

A vibrant and dynamic youth leader, he represents our commitment towards development and social justice. With him, NDA will emerge as Kerala's political alternative.

— Chowkidar Amit Sh ah (@AmitShah) April 1, 2019

നീ​ണ്ട കാ​ത്തി​രി​പ്പി​നൊ​ടു​വി​ന് ശേഷമാണ് തുഷാർ വെള്ളാപ്പള്ളി തൃശൂരിൽ തെരഞ്ഞെടുപ്പ് പ്രചാരണം ആരംഭിച്ചത്. ഇതിന് പിന്നാലെയാണ് രാഹുൽ ഗാന്ധി വയനാട്ടിൽ മൽസരിക്കുന്നുവെന്ന പ്രഖ്യാപനം കോൺഗ്രസ് കേന്ദ്ര നേതൃത്വം പുറത്തുവിട്ടത്. വയനാട്ടിലേക്ക് മാറണമെന്ന ബി.ജെ.പിയുടെ അഭ്യർഥന പ്രകാരം, തു​ട​ങ്ങിയ പ്രചാരണം​ ര​ണ്ടാം​ ദിവസം നി​ർത്തി തൃ​ശൂ​രി​ൽ നിന്ന് തു​ഷാ​ർ മ​ട​ങ്ങുകയായിരുന്നു.

തു​ഷാ​ർ മാറിയ സാഹചര്യത്തിൽ തൃ​ശൂ​രി​ൽ ബി.െജ.പി സ്വ​ന്തം സ്ഥാ​നാ​ർ​ഥിയെ വൈകാതെ പ്രഖ്യാപിക്കും. എം.​ടി. ര​മേ​ശ്, സു​രേ​ഷ് ഗോ​പി, ബി. ​ഗോ​പാ​ല​കൃ​ഷ്ണ​ൻ, ജി​ല്ല പ്ര​സി​ഡ​ന്‍റ്​ എ. ​നാ​ഗേ​ഷ് എ​ന്നി​വ​രെ​യാ​ണ് സ്ഥാ​നാ​ർ​ഥി സ്ഥാ​ന​ത്തേ​ക്ക് പ​രി​ഗ​ണി​ക്കു​ന്ന​ത്. ഇ​തി​ൽ ത​ന്നെ എം.​ടി. ര​മേ​ശി​നും നാ​ഗേ​ഷി​നു​മാ​ണ് പ്ര​ധാ​ന പ​രി​ഗ​ണ​ന.

കെ. ​സു​രേ​ന്ദ്ര​ന് ക​രു​തി​വെ​ച്ച തൃ​ശൂ​ർ സീ​റ്റ്​ ബി.​ജെ.​പി ജി​ല്ല നേ​തൃ​ത്വ​ത്തിന്‍റെ എ​തി​ർ​പ്പ്​ അ​വ​ഗ​ണി​ച്ചാ​ണ്​ ദേ​ശീ​യ നേ​തൃ​ത്വം തു​ഷാ​ർ വെ​ള്ളാ​പ്പ​ള്ളി​ക്ക് മ​ത്സ​രി​ക്കാ​ൻ ന​ൽ​കി​യ​ത്. വി​ജ​യ​സാ​ധ്യ​ത​യു​ള്ള എ ​പ്ല​സ് മ​ണ്ഡ​ല​ങ്ങ​ളി​ൽ ഉ​ൾ​പ്പെ​ടു​ന്ന തൃ​ശൂ​രി​ൽ താ​മ​ര ചി​ഹ്ന​മി​ല്ലാ​ത്ത സ്ഥാ​നാ​ർ​ഥി വ​രു​ന്ന​ത് ദോ​ഷ​ക​ര​മാ​കു​മെ​ന്നാ​ണ്​ ജി​ല്ല നേ​തൃ​ത്വം അ​റി​യി​ച്ചി​രു​ന്ന​ത്.

ക​ഴി​ഞ്ഞ പാ​ർ​ല​മ​​​​​െൻറ്​ തെ​ര​ഞ്ഞെ​ടു​പ്പി​ൽ ഒ​രു ല​ക്ഷ​ത്തി​ലേ​റെ വോ​ട്ടും പി​ന്നീ​ട്​ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തി​ൽ​പ്പെ​ട്ട അ​സം​ബ്ലി മ​ണ്ഡ​ല​ങ്ങ​ളി​ൽ ര​ണ്ടേ​കാ​ൽ ല​ക്ഷം വോ​ട്ടും നേ​ടി​യ സാ​ഹ​ച​ര്യ​ത്തി​ലാ​ണ്​ സ്വ​ന്തം സ്ഥാ​നാ​ർ​ഥി​യാ​ണെ​ങ്കി​ൽ വി​ജ​യി​ക്കു​മെ​ന്ന്​ ജി​ല്ല നേ​തൃ​ത്വം അ​വ​കാ​ശ​വാ​ദം ഉ​യ​ർ​ത്തി​യ​ത്.