തുഷാറിനേറ്റത്​ കനത്ത തിരിച്ചടി; കെട്ടിവെച്ച കാശുപോയി

കൽപറ്റ: വയനാട്​ പാർലമ​െൻറ്​ മണ്ഡലത്തിലെ പ്രധാന പോരാട്ടം താനും രാഹുൽ ഗാന്ധിയും തമ്മിലാണെന്ന അവകാശവാദവുമായി തെരഞ്ഞെടുപ്പി​​െൻറ ഗോദയിലിറങ്ങിയ തുഷാർ ​െവള്ളാപ്പള്ളിക്ക്​ മണ്ഡലം നൽകിയത്​ കനത്ത തിരിച്ചടി. കേവലം 78816 വോട് ടുകൾ മാത്രമാണ്​ എൻ.ഡി.എ സ്​ഥാനാർഥിയായി കളത്തിലിറങ്ങിയ ബി.ഡി.ജെ.എസ്​ സംസ്​ഥാന പ്രസിഡൻറിന്​ ലഭിച്ചത്​. കഴിഞ്ഞ തവ ണ അത്രയൊന്നും അറിയപ്പെടാത്ത ബി.ജെ.പി സ്​ഥാനാർഥി പി.ആർ​. രശ്​മിൽനാഥിന്​ 80752 വോട്ടുകിട്ടിയ സ്​ഥാനത്താണ്​ വമ്പൻ പ്രചാരണ കോലാഹലവുമായി കളംനിറഞ്ഞ തുഷാർ വെള്ളാപ്പള്ളിക്ക്​ അത്രയും വോട്ടു നേടാൻ കഴിയാതിരുന്നത്​. രാഹുല്‍ ഗാന്ധിയുടെ ഭൂരിപക്ഷം 431195 വോട്ടിലെത്തിയപ്പോഴാണ്​ പോൾ ചെയ്​തതി​​െൻറ ആറി​െലാന്ന്​ വോട്ട്​ ലഭിക്കാത്തതിനാൽ തുഷാറിന്​ കെട്ടിവെച്ച കാശ്​ തിരികെ കിട്ടാതെ പോയത്​.

നേരത്തേ, രണ്ടു സ്​ഥാനാർഥിക​െള രംഗത്തിറക്കിയശേഷം അവരെ മാറ്റിയാണ്​ തുഷാർ ചുരം കയറിയെത്തിയത്​. ഒട്ടും സാധ്യതയില്ലാതിരുന്ന വയനാട്​ മണ്ഡലം ബി.ഡി.ജെ.എസിന്​ ബി.ജെ.പി വിട്ടുനൽകിയതായിരുന്നു. ഈ സീറ്റിൽ മ​െറ്റാരു പാർട്ടിക്കാരനായ ബിസിനസുകാരനെ മത്സരിപ്പിക്കാൻ ബി.ഡി.ജെ.എസ്​ നിശ്ചയിച്ചു. തുടർന്ന്​ പേയ്​മ​െൻറ്​ സീറ്റ്​ വിവാദം മുളപൊട്ടിയതോടെ ഇയാളെ മാറ്റി പാർട്ടി സംസ്​ഥാന ഭാരവാഹിയായ പൈലി വാത്യാട്ടിനെ സ്​ഥാനാർഥിയായി പ്രഖ്യാപിച്ചു. പിന്നീടാണ്​ വയനാട്ടിൽ രാഹുൽ മത്സരിക്കുമെന്നുറപ്പായത്​.

തൃശൂരിൽ ത​​െൻറ സ്​ഥാനാർഥിത്വം ഉറപ്പിച്ചിരുന്ന തുഷാർ ഇതോടെ വയനാട്ടിലേക്ക്​ കൂടുമാറുകയായിരുന്നു. രാഹുലിനെതിരെ താമര ചിഹ്നത്തിൽ ശക്​തനായ സ്​ഥാനാർഥിയെ രംഗത്തിറക്കാൻ ബി.ജെ.പി താൽപര്യം പ്രകടിപ്പിച്ചെങ്കിലും സീറ്റ്​ വിട്ടുകൊടുക്കാൻ തുഷാർ തയാറായില്ല. സുരേഷ്​ ഗോപിയെ വയനാട്ടിൽ മത്സരിപ്പിക്കാനായിരുന്നു ബി.ജെ.പി ആ​േലാചിച്ചിരുന്നത്​. തുഷാർ വഴങ്ങാതിരുന്നതോടെ സുരേഷ്​ ഗോപിയെ തൃശൂരിൽ രംഗത്തിറക്കുകയായിരുന്നു.

തുഷാറി​​െൻറ പ്രചാരണത്തിൽ ബി.ജെ.പി അണികൾ സജീവമല്ലെന്ന്​​ പ്രചാരണത്തിനിടയിൽത​െന്ന ബി.ഡി.ജെ.എസ്​ ചൂണ്ടിക്കാട്ടിയിരുന്നു. വോ​ട്ടെടുപ്പിനുശേഷം പാർട്ടി ജില്ല പ്രസിഡൻറ്​ ഇക്കാര്യത്തിൽ പരസ്യമായി എതിർപ്പു പ്രകടിപ്പിക്കുകയും ചെയ്​തു. താമര ചിഹ്നത്തിൽ കരുത്തനായ സ്​ഥാനാർഥിയെ നിർത്തിയാൽ താരതമ്യേന മികച്ച പ്രകടനം കാഴ്​ചവെക്കാമായിരുന്നുവെന്ന്​ അഭിപ്രായമുണ്ടായിരുന്ന ബി.ജെ.പി അണികൾ പ്രചാരണത്തിൽ കാര്യമായി രംഗത്തുണ്ടായിരുന്നില്ല. ഫലപ്രഖ്യാപനത്തോടെ ഇക്കാര്യ​ത്തെച്ചാല്ലി ബി.ജെ.പിയും ബി.ഡി.ജെ.എസും തമ്മിലുള്ള അസ്വാരസ്യം വരുംദിവസങ്ങളിൽ മൂർച്ഛിക്കാനാണ്​ സാധ്യത.