ഒ​ന്ന​ര മാ​സ​ത്തെ ഭീ​തി​യ​ക​ന്നു, ഒ​ടു​വി​ൽ പനവല്ലിയിൽ ഭീതിവിതച്ച കടുവ കൂട്ടിലായി

മാ​ന​ന്ത​വാ​ടി: ഒ​ന്ന​ര​മാ​സ​ത്തി​ല​ധി​ക​മാ​യി ഒ​രു പ്ര​ദേ​ശ​ത്തെ ആ​ളു​ക​ളു​ടെ ഉ​റ​ക്കം കെ​ടു​ത്തി​യ ക​ടു​വ ഒ​ടു​വി​ൽ കൂ​ട്ടി​ലാ​യി. ചൊ​വ്വാ​ഴ്ച രാ​ത്രി 8.15 ഓ​ടെ പ​ന വ​ല്ലി ക്രി​സ്ത്യ​ൻ പ​ള്ളി​ക്ക് സ​മീ​പം ര​വി​യു​ടെ സ്ഥ​ല​ത്ത് വെ​ച്ച കൂ​ട്ടി​ലാ​ണ് ക​ടു​വ കു​ടു​ങ്ങി​യ​ത്.

മു​ത്ത​ങ്ങ​യി​ല്‍ നി​ന്നു​ള്ള വെ​റ്റി​ന​റി ഓ​ഫി​സ​ര്‍ ഡോ. ​അ​ജീ​ഷ് മോ​ഹ​ന്‍ദാ​സി​ന്റെ നേ​തൃ​ത്വ​ത്തി​ല്‍ 20 അം​ഗ മ​യ​ക്കു​വെ​ടി സം​ഘ​വും, ബേ​ഗൂ​ര്‍ റേ​ഞ്ച​ര്‍ കെ. ​രാ​കേ​ഷി​ന്റെ നേ​തൃ​ത്വ​ത്തി​ലു​ള്ള 42 അം​ഗ വ​ന​പാ​ല​ക​രും ര​ണ്ടു ഗ്രൂ​പ്പാ​യിതി​രി​ഞ്ഞ് ര​ണ്ടാം ദി​ന​വും തി​ര​ച്ചി​ൽ ന​ട​ത്തു​ന്ന​തി​നി​ട​യി​ലാ​ണ് ക​ടു​വ വ​ല​യി​ലാ​യ​ത്.

എ​മ്മ​ടി, സ​ര്‍വ്വാ​ണി, റ​സ​ല്‍കു​ന്ന്, പു​ഴ​ക്ക​ര പ്ര​ദേ​ശ​ങ്ങ​ളി​ലും വ​യ​നാ​ട് വ​ന്യജീ​വി സ​ങ്കേ​ത​ത്തി​ൽ​പ്പെ​ട്ട​വ​നാ​ര്‍തി​ര്‍ത്തി പ്ര​ദേ​ശ​ങ്ങ​ളി​ലു​മാ​ണ് തി​ര​ച്ചി​ൽ ന​ട​ത്തി​യി​രു​ന്ന​ത്. സ്വ​കാ​ര്യ കാ​പ്പി​ത്തോ​ട്ട​ങ്ങ​ളി​ലും വ്യാ​പ​ക​മാ​യി തി​ര​ച്ചി​ല്‍ ന​ട​ത്തി. എ​ന്നാ​ല്‍ പു​തി​യ കാ​ല്‍പ്പാ​ടു​ക​ളൊ​ന്നും ക​ണ്ടെ​ത്താ​ന്‍ ക​ഴി​യാ​ത്ത​തും, അ​ടു​ത്ത ദി​വ​സ​ങ്ങ​ളി​ൽ കാ​മ​റ​യി​ല്‍ ക​ടു​വ​യു​ടെ ചി​ത്ര​ങ്ങ​ള്‍ പ​തി​യാ​തെ കു​ഴ​ങ്ങി നി​ൽ​ക്കു​ന്ന​തി​നി​ട​യി​ലാ​ണ് ക​ടു​വ ത​നി​യെ കൂ​ട്ടി​ൽ ക​യ​റി​യ​ത്.

തി​ര​ച്ചി​ലി​ന് വി​ജി​ല​ന്‍സ് സി.​സി.​എ​ഫ്.​എ​സ് ന​രേ​ന്ദ്ര​ബാ​ബു, ഡി.​എ​ഫ്.​ഒ​മാ​രാ​യ മാ​ര്‍ട്ടി​ല്‍ ലോ​വ​ല്‍, എ ​ഷ​ജ്‌​ന എ​ന്നി​വ​ര്‍ നേ​തൃ​ത്വം ന​ല്‍കി. ക​ഴി​ഞ്ഞ ഒ​ന്ന​ര മാ​സ​ത്തി​ലേ​റെ​യാ​യി പ​ന​വ​ല്ലി പ്ര​ദേ​ശം ക​ടു​വ ആ​ക്ര​മ​ണ ഭീ​തി​യി​ലാ​യി​രു​ന്നു. നി​ര​വ​ധി വ​ള​ര്‍ത്തു മൃ​ഗ​ങ്ങ​ളെ ആ​ക്ര​മി​ച്ച് കൊ​ല്ലു​ക​യും ചെ​യ്തി​രു​ന്നു. ഒ​ടു​വി​ല്‍ പു​ഴ​ക്ക​രി​യി​ലെ ക​യ​മ​യു​ടെ​വീ​ട്ടി​ലേ​ക്ക് ക​ടു​വ ഓ​ടി​ക്ക​യ​റി​യ​തോ​ടെ​യാ​ണ് പ്ര​ദേ​ശ​വാ​സി​ക​ള്‍ ക​ടു​ത്ത പ്ര​തി​ഷേ​ധ​മു​യ​ര്‍ത്തി​യത്. ഇ​തോ​ടെ​ മ​യ​ക്കു​വെ​ടി വെ​ക്കാ​ൻ തീ​രു​മാ​നി​ക്കുകയും ചെയ്തു.

കൂ​ട്ടി​ലാ​യ​തോ​ടെ ക​ടു​വ​യെ കാ​ണാ​ൻ പ്ര​ദേ​ശ​വാ​സി​ക​ൾ കൂ​ട്ട​ത്തോ​ടെ​ പ്ര​ദേ​ശ​ത്ത് എ​ത്തി​ച്ചേ​ർ​ന്നു. അ​തേ​സ​മ​യം മു​മ്പ് ശ​ല്യ​ക്കാ​ര​നാ​യി പി​ടി​കൂ​ടി കാ​ട്ടി​ൽ വി​ട്ട ക​ടു​വ​യെത്തെന്നെ​യാ​ണ് വീ​ണ്ടും പി​ടി​കൂ​ടി​യ​തെ​ന്ന് സ്ഥി​രീ​ക​രി​ച്ച സാ​ഹ​ച​ര്യ​ത്തി​ൽ ക​ടു​വ​യെ മു​ത്ത​ങ്ങി​യി​ൽ എ​ത്തി​ച്ച് കൂ​ട്ടി​ല​ട​ക്ക​ണ​മെ​ന്നാണ് നാ​ട്ടു​കാ​ർ ആവശ്യപ്പെടുന്നത്. അ​ർ​ധ​രാ​ത്രി​യോ​ടെ ക​ടു​വ​യെ വ​നം വ​കു​പ്പ് സ്ഥ​ല​ത്തുനി​ന്ന് നീ​ക്കി.