35 വ​ർ​ഷ​ത്തെ സേ​വ​നം; ടിക്കാറാം മീണ വിരമിച്ചു

തി​രു​വ​ന​ന്ത​പു​രം: അ​ഡീ​ഷ​ന​ൽ ചീ​ഫ് സെ​ക്ര​ട്ട​റി​യും ആ​സൂ​ത്ര​ണ ബോ​ർ​ഡ് മെം​ബ​ർ സെ​ക്ര​ട്ട​റി​യും മു​ൻ ചീ​ഫ് ഇ​ല​ക്ട്ര​ൽ ഓ​ഫി​സ​റു​മാ​യി​രു​ന്ന ടി​ക്കാ​റാം മീ​ണ സ​ർ​വി​സി​ൽ​നി​ന്ന് വി​ര​മി​ച്ചു. 35 വ​ർ​ഷ​ത്തെ സേ​വ​നം പൂ​ർ​ത്തി​യാ​ക്കി​യാ​ണ് സം​സ്ഥാ​ന​ത്ത് ഏ​റെ ശ്ര​ദ്ധേ​യ​നാ​യ ഉ​ദ്യോ​ഗ​സ്ഥ​ൻ വി​ര​മി​ക്കു​ന്ന​ത്. തി​ക​ഞ്ഞ സം​തൃ​പ്തി​യോ​ടെ​യാ​ണ് വി​ര​മി​ക്കു​ന്ന​തെ​ന്ന്​ ടി​ക്കാ​റാം മീ​ണ പ​റ​ഞ്ഞു. കേ​ര​ള​ത്തി​ൽ​നി​ന്ന്​ വ​ള​രെ​യേ​റെ സ്നേ​ഹ​വും ബ​ഹു​മാ​ന​വും ത​നി​ക്ക് കി​ട്ടി​യെ​ന്നും അ​ദ്ദേ​ഹം പ​റ​ഞ്ഞു.

രാ​ജ​സ്ഥാ​നി​ലെ ക​ർ​ഷ​ക കു​ടും​ബ​ത്തി​ൽ ജ​നി​ച്ച ടി​ക്കാ​റാം മീ​ണ 1988 ബാ​ച്ച് ഐ.​എ.​എ​സ് ഉ​ദ്യോ​ഗ​സ്ഥ​നാ​യി​രു​ന്നു. വി​വി​ധ ജി​ല്ല​ക​ളി​ൽ ക​ല​ക്ട​ർ, വി​വി​ധ വ​കു​പ്പു​ക​ളി​ൽ സെ​ക്ര​ട്ട​റി എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്.

കേ​ന്ദ്ര പ്ലാ​നി​ങ് ക​മീ​ഷ​നി​ലും പ്ര​വ​ർ​ത്തി​ച്ചു. സം​സ്ഥാ​ന കാ​ർ​ഷി​ക​കോ​ൽ​പാ​ദ​ന ക​മീ​ഷ​ണ​ർ ചു​മ​ത​ല വ​ഹി​ച്ച അ​ദ്ദേ​ഹം കാ​ര്‍ഷി​ക വ​കു​പ്പ് പ്രി​ന്‍സി​പ്പ​ല്‍ സെ​ക്ര​ട്ട​റി​യു​മാ​യി​രു​ന്നു. കൃ​ഷി വ​കു​പ്പി​ൽ​നി​ന്നാ​ണ്​ അ​ദ്ദേ​ഹം മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ര്‍ എ​ന്ന ചു​മ​ത​ല​യി​ലേ​ക്ക് വ​രു​ന്ന​ത്.