വിജിലൻസ് അന്വേഷണത്തിന് സമയപരിധി

തി​രു​വ​ന​ന്ത​പു​രം: സം​സ്ഥാ​ന​ത്ത് അ​ഴി​മ​തി​ക്കേ​സു​ക​ളി​ൽ അ​ന്വേ​ഷ​ണം ഇ​ഴ​യു​ന്ന സാ​ഹ​ച​ര്യ​ത്തി​ൽ വി​ജി​ല​ൻ​സി​ന് സ​ർ​ക്കാ​ർ സ​മ​യ​പ​രി​ധി നി​ശ്ച​യി​ച്ചു. ഒ​ന്നു​മു​ത​ൽ 12 മാ​സം വ​രെ​യാ​ണ് അ​ന്വേ​ഷ​ണ​ത്തി​നു​ള്ള സ​മ​യ​പ​രി​ധി. വി​ജി​ല​ൻ​സ് ഡ​യ​റ​ക്ട​ർ മ​നോ​ജ് എ​ബ്ര​ഹാം ആ​ഭ്യ​ന്ത​ര​വ​കു​പ്പി​ന് ന​ൽ​കി​യ ശി​പാ​ർ​ശ​യു​ടെ അ​ടി​സ്ഥാ​ന​ത്തി​ൽ സ​ർ​ക്കാ​ർ ഉ​ത്ത​ര​വ് പു​റ​ത്തി​റ​ങ്ങി. വി​ജി​ല​ൻ​സ് ന​ട​ത്തു​ന്ന മി​ന്ന​ൽ പ​രി​ശോ​ധ​ന​ക​ളി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​ൻ ഒ​രു മാ​സ​ത്തി​ന​കം സ​ർ​ക്കാ​റി​ന് റി​പ്പോ​ർ​ട്ട് ന​ൽ​ക​ണം.

ഒ​രു വ്യ​ക്തി​യെ​ക്കു​റി​ച്ചോ സ്ഥാ​പ​ന​ത്തെ​ക്കു​റി​ച്ചോ അ​ഴി​മ​തി​യെ​ക്കു​റി​ച്ചോ ര​ഹ​സ്യ അ​ന്വേ​ഷ​ണം ആ​രം​ഭി​ച്ചാ​ൽ ഒ​രു മാ​സ​ത്തി​ന​കം റി​പ്പോ‍ർ​ട്ട് ന​ൽ​ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു. അ​ഴി​മ​തി ആ​രോ​പ​ണ​ങ്ങ​ളി​ൽ ന​ട​ത്തു​ന്ന പ്രാ​ഥ​മി​ക അ​ന്വേ​ഷ​ണം മൂ​ന്നു മാ​സ​ത്തി​ന​കം പൂ​ർ​ത്തി​യാ​ക്ക​ണം. കൈ​ക്കൂ​ലി വാ​ങ്ങു​മ്പോ​ള്‍ കൈ​യോ​ടെ പി​ടി​കൂ​ടു​ന്ന ട്രാ​പ് കേ​സു​ക​ളി​ൽ ആ​റു മാ​സ​ത്തി​ന​കം കു​റ്റ​പ​ത്രം ന​ൽ​ക​ണം. അ​ന​ധി​കൃ​ത സ്വ​ത്ത് സ​മ്പാ​ദ​ന കേ​സു​ക​ളി​ൽ ഒ​രു​വ​ർ​ഷ​മാ​ണ് അ​ന്വേ​ഷ​ണ സം​ഘ​ത്തി​നു​ള്ള സ​മ​യ​പ​രി​ധി.

ഏ​തെ​ങ്കി​ലും സാ​ഹ​ച​ര്യ​ത്തി​ൽ ഇ​പ്പോ​ള്‍ നി​ശ്ച​യി​ച്ചി​ട്ടു​ള്ള സ​മ​യം നീ​ട്ടി​വാ​ങ്ങ​ണ​മെ​ങ്കി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​ൻ ഡ​യ​റ​ക്ട​റു​ടെ പ്ര​ത്യേ​ക അ​നു​മ​തി ആ​വ​ശ്യ​മാ​ണ്. മ​റ്റ് കേ​സു​ക​ളി​ലും 12 മാ​സ​മാ​ണ് സ​മ​യ​പ​രി​ധി. അ​ഴി​മ​തി ആ​രോ​പ​ണ​ങ്ങ​ളി​ൽ പ്രാ​ഥ​മി​ക അ​ന്വേ​ഷ​ണം ന​ട​ത്തു​ക​യാ​ണെ​ങ്കി​ൽ മൂ​ന്ന് മാ​സ​ത്തി​ന​കം പൂ​ർ​ത്തി​യാ​ക്ക​ണം. അ​തേ​സ​മ​യം കോ​ട​തി നി​ർ​ദേ​ശ​മു​ണ്ടാ​യാ​ൽ സ​മ​യ​പ​രി​ധി​യി​ൽ മാ​റ്റ​മു​ണ്ടാ​കു​മെ​ന്നും ഉ​ത്ത​ര​വി​ൽ പ​റ​യു​ന്നു.

ഇ​തോ​ടെ സ​ർ​ക്കാ​ർ പ്ര​തി​സ്ഥാ​ന​ത്ത് നി​ൽ​ക്കു​ന്ന ലൈ​ഫ് മി​ഷ​ൻ കോ​ഴ​ക്കേ​സി​ലും എ.​ഐ കാ​മ​റ ഇ​ട​പാ​ടി​ലും മു​ട്ടി​ൽ മ​രം മു​റി​യി​ലും പു​ന​ർ​ജ​നി പ​ദ്ധ​തി​യു​മാ​യി ബ​ന്ധ​പ്പെ​ട്ട് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നെ​തി​രെ​യും അ​ന​ധി​കൃ​ത സ്വ​ത്ത് സ​മ്പാ​ദ​ന​വു​മാ​യി ബ​ന്ധ​പ്പെ​ട്ട് കെ.​പി.​സി.​സി അ​ധ്യ​ക്ഷ​ൻ കെ. ​സു​ധാ​ക​ര​നെ​തി​രാ​യ പ്രാ​ഥ​മി​കാ​ന്വേ​ഷ​ണ​ത്തി​ലും മാ​സ​ങ്ങ​ൾ​ക്കു​ള്ളി​ൽ റി​പ്പോ​ർ​ട്ട് സ​മ​ർ​പ്പി​ക്കേ​ണ്ടി​വ​രു​മെ​ന്നാ​ണ് വി​വ​രം.

വി​ജി​ല​ൻ​സ് റി​പ്പോ​ർ​ട്ട് ന​ൽ​കാ​ൻ വൈ​കു​ന്ന​തി​നെ​തു​ട​ർ​ന്ന് കൈ​ക്കൂ​ലി കേ​സു​ക​ളി​ല്‍ അ​ട​ക്കം കു​ടു​ങ്ങു​ന്ന ഉ​ദ്യോ​ഗ​സ്ഥ​ര്‍ ര​ക്ഷ​പ്പെ​ടു​ന്ന​ത് പ​തി​വാ​ണ്. അ​ന്വേ​ഷ​ണ​ത്തി​ന് സ​മ​യ​പ​രി​ധി നി​ശ്ച​യി​ച്ച​തോ​ടെ കു​റ്റ​പ​ത്രം വൈ​കു​ന്ന​തു​മൂ​ലം പ്ര​തി​ക​ള്‍ക്ക് ജാ​മ്യം ല​ഭി​ക്കു​ന്ന​ത​ട​ക്ക​മു​ള്ള വീ​ഴ്ച​ക​ൾ ഒ​ഴി​വാ​ക്കാ​ൻ ക​ഴി​യു​മെ​ന്നും ആ​ഭ്യ​ന്ത​ര​വ​കു​പ്പ് ക​ണ​ക്കു​കൂ​ട്ടു​ന്നു.