ടൈ​റ്റാ​നി​യം ജോ​ലി ത​ട്ടി​പ്പ്; പ്രധാന പ്ര​തി​ക​ളെ പി​ടി​കൂ​ടാനാകാതെ പൊലീസ്

തി​രു​വ​ന​ന്ത​പു​രം: ടൈ​റ്റാ​നി​യം ജോ​ലി ത​ട്ടി​പ്പ് കേ​സി​ൽ പ്ര​ധാ​ന പ്ര​തി​ക​ളെ പി​ടി​കൂ​ടാ​നാ​കാ​തെ പൊ​ലീ​സ് അ​ന്വേ​ഷ​ണം ഇ​ഴ​യു​ന്നു. പ്ര​​ത്യേ​ക സം​ഘ​ത്തി​ന്​ രൂ​പം ന​ൽ​കി​യെ​ങ്കി​ലും പ്ര​ധാ​ന പ്ര​തി​ക​ൾ ഒ​ളി​വി​ലാ​ണ്. പ്ര​ധാ​ന ഇ​ട​നി​ല​ക്കാ​രി ദി​വ്യ നാ​യ​രെ അ​റ​സ്റ്റ് ചെ​യ്ത​തും ടൈ​റ്റാ​നി​യ​ത്തി​ൽ പ​രി​ശോ​ധ​ന ന​ട​ത്തി​യ​തും മാ​ത്ര​മാ​ണ്​ പു​രോ​ഗ​തി. ടൈ​റ്റാ​നി​യം ഡി.​ജി.​എ​മ്മാ​യി​രു​ന്ന ശ​ശി​ധ​ര​ന്‍ ത​മ്പി​യ​ട​ക്ക​മു​ള്ള ആ​റു പ്ര​തി​ക​ളി​ല്‍ ഒ​രാ​ളെ പോ​ലും പി​ടി​കൂ​ടാ​നാ​യി​ട്ടി​ല്ല.

ഒ​ക്ടോ​ബ​റി​ല്‍ ക​ന്‍റോ​ണ്‍മെ​ന്‍റ് പൊ​ലീ​സും ന​വം​ബ​റി​ല്‍ പൂ​ജ​പ്പു​ര പൊ​ലീ​സും വെ​ഞ്ഞാ​റ​മൂ​ട് പൊ​ലീ​സും എ​ഫ്.​ഐ.​ആ​ര്‍ ര​ജി​സ്റ്റ​ര്‍ ചെ​യ്തി​രു​ന്നെ​ങ്കി​ലും കാ​ര്യ​മാ​യ പു​രോ​ഗ​തി​യു​ണ്ടാ​യി​ല്ല. ക​ഴി​ഞ്ഞ​യാ​ഴ്ച മാ​ധ്യ​മ​ങ്ങ​ളി​ൽ വാ​ർ​ത്ത വ​ന്ന​തോ​ടെ ഞാ​യ​റാ​ഴ്ച രാ​വി​ലെ ദി​വ്യ നാ​യ​രെ പൊ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. അ​പ്പോ​ഴേ​ക്കും മ​റ്റ് പ്ര​തി​ക​ൾ മു​ങ്ങി. ഇ​വ​രെ പി​ടി​കൂ​ടാ​ന്‍ പൊ​ലീ​സി​ന്‍റെ ഭാ​ഗ​ത്തു​നി​ന്ന്​ ശ്ര​മ​മു​ണ്ടാ​കു​ന്നി​ല്ലെ​ന്ന ആ​ക്ഷേ​പ​വു​മു​ണ്ട്.

കേ​സി​ലെ പ്ര​ധാ​നി ശ്യാം​ലാ​ലി​ന്‍റെ ഭാ​ര്യ​ക്ക്​ എ​ല്ലാം അ​റി​യാ​മാ​യി​രു​ന്നു​വെ​ന്ന് ദി​വ്യ ത​ന്നെ ഉ​ദ്യോ​ഗാ​ര്‍ഥി​ക​ളോ​ട് പ​ല​പ്പോ​ഴാ​യി പ​റ​ഞ്ഞി​ട്ടു​ണ്ട്. പ​ക്ഷേ അ​ഭി​ഭാ​ഷ​ക​യാ​യ ഇ​വ​ർ​ക്കെ​തി​രെ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.