സീ​പ്ലെയിൻ അഷ്ടമുടിയിലും പുന്നമടയിലും അനുവദിക്കില്ല; മുന്നറിയിപ്പുമായി ടി.ജെ. ആഞ്ചലോസ്

കൊല്ലം: സീ​​പ്ലെയിൻ പദ്ധതി അഷ്ടമുടിയിലോ പുന്നമടക്കായലിലോ അനുവദിക്കില്ലന്ന്​ സി.പി.ഐ ആലപ്പുഴ ജില്ല സെക്രട്ടറിയും മത്സ്യത്തൊഴിലാളി നേതാവുമായ ടി.ജെ. ആഞ്ചലോസ്​. ഡാമിലോ മത്സ്യബന്ധനമില്ലാത്ത ജലാശയങ്ങളിലോ സീപ്ലെയിൻ പറക്കുന്നതു കൊണ്ട്​ വിരോധമില്ല. പക്ഷെ, ആയിരക്കണക്കിന്​ മത്സ്യത്തൊഴിലാളികളെ ബാധിക്കുന്ന രീതിയിൽ സർവിസ്​ നടത്താൻ അനുവദിക്കില്ലെന്ന്​ അദ്ദേഹം ‘മാധ്യമ’ത്തോട്​ പറഞ്ഞു.

11 വർഷം മുമ്പ്​ കൊല്ലത്തും ആലപ്പുഴയിലും കൊണ്ടുവരാൻ ആലോചിച്ച പദ്ധതി മത്സ്യത്തൊഴിലാളികളുടെ എതിർപ്പിനെ തുടർന്നാണ്​ ഉപേക്ഷിച്ചത്​. അന്നത്തെ നിലപാടിൽ മാറ്റമൊന്നുമില്ലെന്നും ടി.ജെ. ആഞ്ചലോസ് വ്യക്തമാക്കി.