ടി.എൻ. പ്രതാപൻ എം.പിക്കെതിരെ അപവാദം: 'മറുനാടൻ' ഷാജനെതിരെ കുറ്റപത്രം സമർപ്പിച്ചു

തൃശൂർ: ടി.എൻ. പ്രതാപൻ എം.പിക്കെതിരെ യൂട്യൂബ് ചാനലിലൂടെ അപവാദ പ്രചാരണം നടത്തിയ 'മറുനാടൻ മലയാളി' ഓൺലൈൻ ചാനൽ ഉടമ ഷാജൻ സ്കറിയക്കെതിരെ പൊലീസ് രജിസ്റ്റർ ചെയ്ത കേസിൽ കുറ്റപത്രം സമർപ്പിച്ചു. തൃശൂർ ചീഫ്​ ജുഡീഷ്യൽ മജിസ്​ട്രേറ്റ്​ കോടതിയിലാണ് കുറ്റപത്രം സമർപ്പിച്ചത്.

മുഖ്യമന്ത്രിക്കും ഡി.ജി.പിക്കും എം.പി നൽകിയ പരാതിയുടെ അടിസ്ഥാനത്തിൽ തൃശൂർ സിറ്റി പൊലീസ് കമീഷണറുടെ കീഴിലുള്ള തൃശൂർ വെസ്റ്റ് പൊലീസ് സ്റ്റേഷനിലാണ് കേസ് രജിസ്റ്റർ ചെയ്ത് അന്വേഷണം നടത്തിയിരുന്നത്. എം.പിയെ സമൂഹമധ്യത്തിൽ മനപൂർവം അപകീർത്തിപ്പെടുത്താനുള്ള കുറ്റകൃത്യം നടന്നതായി അന്വേഷണത്തിൽ കണ്ടെത്തിയിരുന്നു.