ലോക പക്ഷിഭൂപടത്തിലേക്ക്​ ചിറകടിച്ചുയർന്ന്​ ചങ്ങരംകരി

അ​രൂ​ർ: കാ​ടു​ക​ളി​ല്ലാ​ത്ത ആ​ല​പ്പു​​ഴ​യു​ടെ പ​ക്ഷി​സ​മ്പ​ത്ത്​ തി​രി​ച്ച​റി​യ​പ്പെ​ടു​ന്നു. കേ​ര​ള​ത്തി​ൽ ക​ണ്ടെ​ത്തി​യ 537പ​ക്ഷി​ക​ളി​ൽ പ​കു​തി​യി​ല​ധി​ക​വും ആ​ല​പ്പു​ഴ​യി​ലു​ണ്ട്.

ജി​ല്ല​യി​ലെ പ​ക്ഷി​ക​ളു​ടെ 70 ശ​ത​മാ​ന​വും കോ​ടം​തു​രു​ത്ത് പ​ഞ്ചാ​യ​ത്ത്​ ഒ​ന്നാം​വാ​ർ​ഡി​ൽ ചേ​രു​ങ്ക​ൽ ഗ്രാ​മ​പ്ര​ദേ​ശ​ത്തി​നോ​ട് ചേ​ർ​ന്ന 250 എ​ക്ക​റോ​ളം വ​രു​ന്ന ച​ങ്ങ​രം പാ​ട​ശേ​ഖ​ര​ത്തി​ലാ​ണ്.

ആ​യി​ര​ക്ക​ണ​ക്കി​ന്​ കി​ലോ​മീ​റ്റ​റു​ക​ൾ താ​ണ്ടി ധ്രു​വ പ്ര​ദേ​ശ​ങ്ങ​ളി​ൽ​നി​ന്നും മ​റ്റും വ​രു​ന്ന ദേ​ശാ​ട​ന​പ്പ​ക്ഷി​ക​ളു​ടെ​യും അ​യ​ൽ സം​സ്ഥാ​ന​ങ്ങ​ളി​ൽ​നി​ന്ന്​ എ​ത്തു​ന്ന പ​ക്ഷി​ക​ളു​ടെ​യും സാ​ന്നി​ധ്യം ഒാ​രോ വ​ർ​ഷ​വും ഇ​വി​ടെ കൂ​ടി​വ​രു​ക​യാ​ണ്.

2014ൽ ​സ്വീ​ഡി​ഷ് ഓ​ർ​ണി​ത്തോ​ള​ജി​സ്​​റ്റ്​ ക്രി​സ്​​റ്റ​ർ ഓ​ൾ​സ​ൺ​ സ​ന്ദ​ർ​ശി​ച്ച​തോ​ടെ​യാ​ണ്​ പു​റം​ലോ​കം ഇ​വി​ട​ത്തെ​ക്കു​റി​ച്ച്​ അ​റി​യു​ന്ന​ത്.

അ​ദ്ദേ​ഹം മു​ൻ​കൈ എ​ടു​ത്താ​ണ് പ്ര​ദേ​ശ​വാ​സി​ക​ളാ​യ ചെ​റു​പ്പ​ക്കാ​രെ ഉ​ൾ​പ്പെ​ടു​ത്തി 'ബേ​ർ​ഡേ​ഴ്​​സ് എ​ഴു​പു​ന്ന' പ്ര​കൃ​തി സ്നേ​ഹി​ക​ളു​ടെ കൂ​ട്ടാ​യ്​​മ​ക്ക്​ രൂ​പം​ന​ൽ​കി​യ​ത്. 2014 മു​ത​ൽ 21വ​രെ ആ​റാ​യി​ര​ത്തി​ല​ധി​കം നി​രീ​ക്ഷ​ണ​ങ്ങ​ൾ ച​ങ്ങ​ര​ത്ത് ന​ട​ന്നു.

206 പ​ക്ഷി ഇ​ന​ങ്ങ​ളാ​ണ്​ ഇ​വി​ടെ ക​ണ്ടെ​ത്തി​യ​ത്. ത​ണ്ണീ​ർ​ത്ത​ട​ങ്ങ​ളു​മാ​യി ബ​ന്ധ​പ്പെ​ട്ട് അ​ധി​വ​സി​ക്കു​ന്ന നാ​ട്ടു​പ​ക്ഷി​ക​ളെ കൂ​ടാ​തെ നൂ​റോ​ളം വ​ർ​ഗ​ത്തി​ൽ​പ്പെ​ട്ട പ​തി​നാ​യി​ര​ക്ക​ണ​ക്കി​ന് ദേ​ശാ​ട​ന​പ്പ​ക്ഷി​ക​ൾ ഓ​രോ വ​ർ​ഷ​വും ച​ങ്ങ​ര​ത്ത് എ​ത്താ​റു​ണ്ട്. ഇ​തി​ൽ 15ഓ​ളം വി​ഭാ​ഗ​ങ്ങ​ൾ വം​ശ​നാ​ശ ഭീ​ഷ​ണി നേ​രി​ടു​ന്ന​വ​യു​മാ​ണ്.

ദേ​ശാ​ട​ന​പ്പ​ക്ഷി​ക​ൾ​ക്ക്​ പു​റ​മെ രാ​ജ​ഹം​സ​ങ്ങ​ൾ, പെ​ലി​ക്ക​ണു​ക​ൾ, വ​ർ​ണ​ക്കൊ​ക്കു​ക​ൾ, വി​വി​ധ​യി​നം എ​ര​ണ്ട​ക​ൾ, മ​റ്റ് കൊ​ക്കി​ന​ങ്ങ​ൾ, കു​രു​വി​ക​ൾ, മ​ണ​ൽ​ക്കോ​ഴി​ക​ൾ, വേ​ലി​ത​ത്ത​ക​ൾ, പ​വി​ഴ​ക്കാ​ലി​ക​ൾ, ആ​ള​ക​ൾ, ക​ട​ൽ​കാ​ക്ക​ക​ൾ, ഇ​ര​പി​ടി​യ​ന്മാ​രാ​യ പ​രു​ന്ത് വ​ർ​ഗ​ങ്ങ​ൾ തു​ട​ങ്ങി​യ വി​വി​ധ​യി​നം പ​ക്ഷി​ക​ളെ കാ​ണാ​നും പ​ഠി​ക്കാ​നും വ​രു​ന്ന വി​ദേ​ശി​ക​ളും സ്വ​ദേ​ശി​ക​ളു​മാ​യ പ​ക്ഷി​നി​രീ​ക്ഷ​ക​രു​ടെ പ​റു​ദീ​സ​യാ​യി മാ​റി​യി​രി​ക്കു​ക​യാ​ണ്​ ച​ങ്ങ​രം​ക​രി. ച​ങ്ങ​ര​ത്തി​െൻറ പാ​രി​സ്ഥി​തി​ക പ്രാ​ധാ​ന്യം മ​ന​സ്സി​ലാ​ക്കി​യ കോ​ടം​തു​രു​ത്ത് പ​ഞ്ചാ​യ​ത്തിെൻറ ഇ​ട​പെ​ട​ലു​ക​ളും പ്ര​ദേ​ശ​വാ​സി​ക​ളു​ടെ അ​ക​മ​ഴി​ഞ്ഞ പി​ന്തു​ണ​യും പ്ര​തീ​ക്ഷ സ​മ്മാ​നി​ക്കു​ന്ന​താ​യി ബേ​ർ​ഡേ​ഴ്സ് എ​ഴു​പു​ന്ന​യു​ടെ സ​ജീ​വാം​ഗ​മാ​യ സു​ധീ​ഷ് മു​ര​ളീ​ധ​ര​ൻ പ​റ​യു​ന്നു.

ആ​ദ്യ​മൊ​ക്കെ വേ​ട്ട​ക്കാ​ർ ഇ​വി​ടെ ത​മ്പ​ടി​ച്ചി​രു​ന്നു. പ​ക്ഷി​സ്നേ​ഹി​ക​ളു​ടെ പ്ര​തി​ഷേ​ധ​മു​യ​ർ​ന്ന​പ്പോ​ൾ പ​ക്ഷി​ക​ളെ വേ​ട്ട​യാ​ടു​ന്ന​ത് കു​റ്റ​ക​ര​മാ​ണെ​ന്ന മു​ന്ന​റി​യി​പ്പ് ബോ​ർ​ഡ് സ്ഥാ​പി​ക്കാ​ൻ വ​നം​വ​കു​പ്പ് ത​യാ​റാ​യി. പ​ക്ഷേ, പ​ക്ഷി​ക​ളെ നി​രീ​ക്ഷി​ക്കാ​ൻ ട​വ​ർ സ്ഥാ​പി​ക്കാ​നു​ള്ള ന​ട​പ​ടി ഉ​പേ​ക്ഷി​ക്കു​ക​യാ​യി​രു​ന്നു.

'ഒ​രു മീ​നും ഒ​രു നെ​ല്ലും' ഇ​ട​വി​ട്ടു​ള്ള കൃ​ഷി​രീ​തി നി​ല​നി​ർ​ത്താ​ൻ കൃ​ഷി​ക്കാ​ർ​ക്ക് സ​ഹാ​യം ന​ൽ​കു​ക, പാ​ട​ങ്ങ​ൾ മൂ​ടി​പ്പോ​കാ​തി​രി​ക്കാ​ൻ ജാ​ഗ്ര​ത പാ​ലി​ക്കു​ക, പ​രി​സ​ര​വാ​സി​ക​ളെ പ​ക്ഷി​ക​ളു​ടെ സം​ര​ക്ഷ​ക​രാ​ക്കു​ക, പ​ക്ഷി​ക​ളെ​ക്കു​റി​ച്ച് ശാ​സ്ത്രീ​യ​മാ​യി അ​റി​യു​ന്ന​വ​രെ വ​രു​ത്തി നാ​ട്ടു​കാ​ർ​ക്ക് ബോ​ധ​വ​ത്​​ക​ര​ണം ന​ട​ത്തു​ക എ​ന്നീ കാ​ര്യ​ങ്ങ​ൾ ന​ട​പ്പി​ൽ​വ​രു​ത്തു​ന്ന​തോ​ടൊ​പ്പം ഇ​വി​ടം വി​നോ​ദ​സ​ഞ്ചാ​ര കേ​ന്ദ്ര​മാ​യി മാ​റാ​തി​രി​ക്ക​ണ​മെ​ന്ന അ​ഭ്യ​ർ​ഥ​ന​യാ​ണ്​ പ​ക്ഷി​നി​രീ​ക്ഷ​ക​ർ മു​ന്നോ​ട്ടു​വെ​ക്കു​ന്ന​ത്.

നെ​ൽ​കൃ​ഷി​യും മ​ത്സ്യ​കൃ​ഷി​യും ഇ​ട​വി​ട്ട് ചെ​യ്യു​ന്ന ച​ങ്ങ​രം​പാ​ട​ത്ത് മ​ത്സ്യ​കൃ​ഷി​ക്ക് ശേ​ഷം വെ​ള്ളം വ​റ്റി​ക്കും​നേ​രം ചെ​റു​മീ​നു​ക​ളു​ടെ ചാ​ക​ര​യാ​യി​രി​ക്കും. മ​ണ്ണി​ലെ​യും ച​ളി​യി​ലെ​യും ചെ​റു​ജീ​വി​ക​ളെ​യും ത​വ​ള​ക​ളെ​യും മ​റ്റും കൊ​ക്കി​ലാ​ക്കാ​ൻ പാ​ടം നി​റ​യെ പ​ക്ഷി​ക​ൾ നി​ര​ന്നി​രി​ക്കു​ന്ന​ത്​ മ​നോ​ഹ​ര കാ​ഴ്ച​യാ​ണ്.

പ​ല​വി​ധ​ത്തി​ലു​ള്ള തു​മ്പി​ക​ളും ചി​ത്ര​ശ​ല​ഭ​ങ്ങ​ളും ച​ങ്ങ​ര​ത്തെ നി​ത്യ​സ​ന്ദ​ർ​ശ​ക​രാ​ണ്. ച​ങ്ങ​​ര​ത്തെ പ​ക്ഷി​സ​ങ്കേ​ത​മാ​യി പ്ര​ഖ്യാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.