ഇന്ന് ദേശീയ കായികദിനം: എ​യ്തി​ട്ട​തെ​ല്ലാം സ്വ​ർ​ണം; എ​ന്നി​ട്ടും ഡി​ഞ്ചൂ​സറിന്​ അവഗണന

നേ​മം: പ​ഴ​ഞ്ച​ൻ​വി​ല്ലി​ന്റെ പൊ​ട്ടി​യ ഭാ​ഗ​ങ്ങ​ൾ സെ​ലോ​ടേ​പ്പ് ഒ​ട്ടി​ച്ച് ഡി​ഞ്ചൂ​സ​ർ മ​ത്സ​രി​ക്കു​ന്ന​ത് രാ​ജ്യാ​ന്ത​ര താ​ര​ങ്ങ​ളോ​ട്. പി​ഴ​ക്കാ​ത്ത ഉ​ന്ന​വും ആ​ത്മ​വി​ശ്വാ​സ​വും മാ​ത്രം കൈ​മു​ത​ലാ​ക്കി ഈ ​കാ​യി​ക​താ​രം എ​യ്തി​ട്ട​തെ​ല്ലാം സ്വ​ർ​ണ​മെ​ഡ​ലു​ക​ൾ. വി​ള​പ്പി​ൽ​ശാ​ല മാ​രാ​ർ​ജി ന​ഗ​റി​ൽ വാ​ട​ക​ക്ക്​ താ​മ​സി​ക്കു​ന്ന ഇ​ബ​നീ​സ​ർ-​ഷീ​ല ദ​മ്പ​തി​ക​ളു​ടെ മ​ക​നാ​ണ് ഡി​ഞ്ചൂ​സ​ർ (28). കു​ട്ടി​ക്കാ​ലം മു​ത​ൽ ഡി​ഞ്ചൂ​സ​റി​ന്റെ മോ​ഹ​മാ​യി​രു​ന്നു അ​മ്പെ​യ്ത്ത് പ​ഠി​ക്ക​ണ​മെ​ന്ന​ത്. കൂ​ലി​പ്പ​ണി​ക്കാ​ര​നാ​യ ഇ​ബ​നീ​സ​ർ മു​ണ്ടു​മു​റു​ക്കി​യു​ടു​ത്ത് മ​ക​നെ സ്പോ​ർ​ട്സ് ക്ല​ബി​ൽ ചേ​ർ​ത്ത് അ​മ്പെ​യ്ത്ത് പ​ഠി​പ്പി​ച്ചു. അ​ത്​ വെ​റു​തെ​യാ​യി​ല്ല. സം​സ്ഥാ​ന, ദേ​ശീ​യ, അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ ഡി​ഞ്ചൂ​സ​ർ എ​യ്തി​ട്ട​ത് സ്വ​ർ​ണ​മെ​ഡ​ലു​ക​ൾ. എ​ട്ടു​വ​ർ​ഷം മു​മ്പ് 10,000 രൂ​പ പ​ലി​ശ​ക്കെ​ടു​ത്ത് ഇ​ബ​നീ​സ​ർ വാ​ങ്ങി​ക്കൊ​ടു​ത്ത അ​മ്പും വി​ല്ലു​മാ​യാ​ണ് ഡി​ഞ്ചൂ​സ​ർ മ​ത്സ​ര​ക്ക​ള​ങ്ങ​ളി​ൽ പ​ങ്കെ​ടു​ക്കു​ന്ന​ത്. ന​ല്ലൊ​രു അ​മ്പും വി​ല്ലും വാ​ങ്ങാ​ൻ ല​ക്ഷ​ങ്ങ​ൾ വേ​ണം.

മ​റ്റ് കാ​യി​ക ഇ​ന​ങ്ങ​ൾ​ക്ക് സ​ർ​ക്കാ​ർ ന​ൽ​കു​ന്ന പി​ന്തു​ണ​യൊ​ന്നും അ​മ്പെ​യ്ത്തി​നി​ല്ല. പു​ത്ത​ൻ അ​മ്പും വി​ല്ലും ഡി​ഞ്ചൂ​സ​റി​ന് ഇ​ന്നും സ്വ​പ്ന​മാ​ണ്. കാ​യി​ക ഇ​ന​ങ്ങ​ളി​ൽ ദേ​ശീ​യ​ത​ല​ത്തി​ൽ മെ​ഡ​ൽ നേ​ടു​ന്ന​വ​ർ​ക്ക് സ​ർ​ക്കാ​ർ ജോ​ലി ന​ൽ​കു​​മ്പോ​ൾ ഈ ​അ​മ്പെ​യ്ത്തു​കാ​ര​ന്​ അ​വ​ഗ​ണ​ന​യാ​ണ്. ന​വം​ബ​റി​ൽ അ​രു​ണാ​ച​ലി​ൽ ന​ട​ക്കു​ന്ന ദേ​ശീ​യ അ​മ്പെ​യ്ത്ത് മ​ത്സ​ര​ത്തി​ൽ പ​ങ്കെ​ടു​ക്കാ​നു​ള്ള ത​യാ​റെ​ടു​പ്പി​ലാ​ണ്. ന​ല്ലൊ​രു പ​രി​ശീ​ല​ക​നു​കീ​ഴി​ൽ പ്രാ​ക്ടീ​സ് ചെ​യ്യാ​ൻ സാ​മ്പ​ത്തി​ക​സ്ഥി​തി അ​നു​വ​ദി​ക്കു​ന്നി​ല്ല. ഇ​പ്പോ​ൾ തി​രു​മ​ല​യി​ലെ സ്വ​കാ​ര്യ ക്ല​ബി​ൽ പ​രി​ശീ​ല​ക​നാ​ണ് ഡി​ഞ്ചൂ​സ​ർ.