ആയിരം പൂർണചന്ദ്രന്മാർ തിളങ്ങി...; ശതാഭിഷിക്ത നിറവിൽ ഗാനഗന്ധർവൻ യേശുദാസ്

തി​രു​വ​ന​ന്ത​പു​രം: മ​ല​യാ​ളികളുടെ ലാവണ്യബോധത്തിൽ പൂർണ ​ശ്രുതിയായിത്തീർന്നൊരു സിംഫണിയുണ്ടെങ്കിൽ അതിന്റെ പേര് കെ. ജെ. യേശുദാസ്. ഇ​ന്നാ സ്വ​ര​മാ​ധു​രി ആ​സ്വ​ദി​ക്കാ​ൻ ആ​യി​രം പൂ​ർ​ണ​ച​ന്ദ്ര​ന്മാ​ർ മ​ണ്ണി​ലി​റ​ങ്ങു​ന്ന ദി​നം. ആ​റ് പ​തി​റ്റാ​ണ്ടും ക​ഴി​ഞ്ഞ് അ​തി​മാ​നു​ഷ സം​ഗീ​ത​യാ​ത്ര ന​ട​ത്തു​ന്ന ഗാ​ന​ഗ​ന്ധ​ർ​വ​ൻ ശ​താ​ഭി​ഷ​ക്ത​നാ​യി​രി​ക്കു​ന്നു. യേ​ശു​ദാ​സി​ന്റെ 84ാം പി​റ​ന്നാ​ളാ​ണി​ന്ന്. ആ​യി​രം മാ​സം ജീ​വി​ച്ച്, ആ​യി​രം പൂ​ർ​ണ​ച​ന്ദ്ര​ന്മാ​രെ കാ​ണാ​നാ​വു​ക​യെ​ന്ന സൗ​ഭാ​ഗ്യ ​മു​ഹൂ​ർ​ത്ത​മാ​ണ് ശ​താ​ഭി​ഷേ​കം. കേ​ൾ​ക്കു​ന്തോ​റും വി​സ്മ​യ​മേ​റു​ന്ന​താ​ണ് ആ ​സം​ഗീ​ത ജീ​വി​തം. അ​തി​ലേ​റെ​യും പ്ര​ശ​സ്തി​യു​ടെ, താ​രാ​രാ​ധ​ന​യു​ടെ, അ​തു​ല്യ​മാ​യ അം​ഗീ​കാ​ര​ത്തി​ന്റെ, ആ​രാ​ധ​ന​യു​ടെ നാ​ളു​ക​ൾ. എ​ന്നാ​ൽ, ​ഗ​ന്ധ​ർ​വ പ​ദ​വി​യി​ലേ​ക്കു​ള്ള ഈ യാ​ത്ര അ​നേ​കം ദു​ർ​ഘ​ട വ​ഴി​ക​ളി​ലൂ​ടെ​യാ​യി​രു​ന്നു.

1940 ജ​നു​വ​രി പ​ത്തി​ന് ഫോ​ര്‍ട്ട് കൊ​ച്ചി​യി​ല്‍ സം​ഗീ​ത​ജ്ഞ​നും നാ​ട​ക ന​ട​നു​മാ​യ അ​ഗ​സ്റ്റി​ന്‍ ജോ​സ​ഫി​ന്റെ​യും എ​ലി​സ​ബ​ത്ത് ജോ​സ​ഫി​ന്റെ​യും മ​ക​നാ​യി ജ​ന​നം. കാ​ട്ട​ശ്ശേ​രി ജോ​സ​ഫ് യേ​ശു​ദാ​സ് എ​ന്ന​താ​ണ് പൂ​ര്‍ണ​നാ​മം. പി​താ​വാ​യി​രു​ന്നു ആ​ദ്യ​ഗു​രു. ശെ​മ്മാ​ങ്കു​ടി ശ്രീ​നി​വാ​സ​യ്യ​രു​ടെ തി​രു​വ​ന​ന്ത​പു​രം തൈ​ക്കാ​ടു​ള്ള ഔ​ദ്യോ​ഗി​ക വ​സ​തി​യി​ലെ കാ​ർ​ഷെ​ഡി​ൽ അ​ദ്ദേ​ഹ​ത്തി​ന്റെ ഔ​ദാ​ര്യ​ത്തി​ൽ അ​ന്തി​യു​റ​ക്കം. വ​ല്ല​പ്പോ​ഴും പി​താ​വ് അ​യ​ച്ചു​ത​രു​ന്ന പ​ണം പ്ര​തീ​ക്ഷി​ച്ച് ഹോ​ട്ട​ലി​ൽ നി​ന്ന് ഒ​രു നേ​രം ക​ട​മാ​യി കി​ട്ടി​യ ചോ​റായിരുന്നു, സം​ഗീ​ത​ത്തി​ൽ ഉ​പ​രി​പ​ഠ​ന​ത്തി​നെ​ത്തി​യ മെ​ലി​ഞ്ഞു​നീ​ണ്ട ആ ​വെ​ള്ള ഷ​ർ​ട്ടു​കാ​ര​ന് അ​ന​ന്ത​പു​രി ന​ൽ​കി​യ ഔ​ദാ​ര്യ​ം.

ആ​കാ​ശ​വാ​ണി ഈ ​ചെ​റു​പ്പ​ക്കാ​ര​നെ ഓ​ഡി​ഷ​ൻ ടെ​സ്റ്റി​ൽ തോ​ൽ​പി​ച്ച് പ​റ​ഞ്ഞു​വി​ട്ടു. ‘ഉ​ന്ന​ത​ജാ​ത’ സം​ഗീ​ത​ജ്ഞ​രി​ൽ​നി​ന്ന് പു​ച്ഛം ക​ല​ർ​ന്ന പ​രി​ഹാ​സം കേ​ൾ​ക്കേ​ണ്ടി​വ​ന്നു. 1961ല്‍ ​പു​റ​ത്തി​റ​ങ്ങി​യ ‘കാ​ൽ​പാ​ടു​ക​ള്‍’ സി​നി​മ​ക്കു വേ​ണ്ടി ‘ജാ​തി​ഭേ​ദം മ​ത​ദ്വേ​ഷം ഏ​തു​മി​ല്ലാ​തെ സ​ര്‍വ​രും സോ​ദ​ര​ത്വേ​ന വാ​ഴു​ന്ന മാ​തൃ​കാ​സ്ഥാ​ന​മാ​ണി​ത്...’ എ​ന്ന വ​രി​ക​ള്‍ ആ​ല​പി​ച്ചു​കൊ​ണ്ട് 21ാം വ​യ​സ്സി​ൽ ച​ല​ച്ചി​ത്ര​ലോ​ക​ത്തെ​ത്തി. എം.​ബി. ശ്രീ​നി​വാ​സ​ൻ ന​ൽ​കി​യ ആ ​അ​വ​സ​ര​ത്തി​ലൂ​ടെ യേ​ശു​ദാ​സ് എ​ന്ന കാ​ലാ​വ​സ്ഥ പി​റ​ക്കു​ക​യാ​യി​രു​ന്നു.

വ​യ​ലാ​റി​ന്റെ ശി​പാ​ർ​ശ​യി​ൽ ദേ​വ​രാ​ജ​ൻ മാ​ഷ് ‘ഭാ​ര്യ’ എ​ന്ന ചി​ത്ര​ത്തി​ൽ ന​ൽ​കി​യ ‘ദ​യാ​പ​ര​നാ​യ ക​ർ​ത്താ​വേ’ എ​ന്ന പാ​ട്ടാ​യി​രു​ന്നു വ​ഴി​ത്തി​രി​വ്. യേ​ശു​ദാ​സ്-​ദേ​വ​രാ​ജ​ൻ കൂ​ട്ട് അ​വി​ടെ തു​ട​ങ്ങി. കെ.​പി. ഉ​ദ​യ​ഭാ​നു​വി​നാ​യി മാ​റ്റി​വെ​ച്ചി​രു​ന്ന ‘അ​ല്ലി​യാ​മ്പ​ൽ ക​ട​വി​ൽ’ അ​ദ്ദേ​ഹ​ത്തി​ന് സു​ഖ​മി​ല്ലാ​ഞ്ഞ​തി​നാ​ൽ യേ​ശു​ദാ​സി​ന് വീ​ണു​കി​ട്ടി. അ​ത് കേ​ര​ള​ക്ക​ര​യാ​കെ അ​ല​യ​ടി​ച്ചു. പി​ന്നെ, ബാ​ബു​രാ​ജി​ന്റെ ‘താ​മ​സ​മെ​ന്തേ വ​രു​വാ​ൻ’ ഒ​പ്പ​മെ​ത്തി. പി​ന്നെ പി​ന്നി​ട്ട പ​ട​വു​ക​ൾ​ക്കും നി​ല​ക്കാ​ത്ത സം​ഗീ​ത​യാ​ത്ര​ക്കും തു​ല്യ​ത​യില്ല. ലോ​കം കേ​ട്ട ഏ​റ്റ​വും മ​നോ​ഹ​ര ശ​ബ്ദ​മെ​ന്ന് ബി.​ബി.​സി​യു​ടെ വി​ശേ​ഷ​ണം. ലോ​ക​രാ​ജ്യ​ങ്ങ​ളി​ലേ​ക്ക് ചേ​ക്കേ​റി​യ മ​ല​യാ​ളി കൊ​ണ്ടു​പോ​യ അ​വ​ശ്യ​വ​സ്തു​ക്ക​ളി​ലൊ​ന്ന് ദാ​സേ​ട്ട​ൻ ഗാ​ന​ങ്ങ​ളാ​യി​രു​ന്നു. ആ ​പാ​ട്ടു​കേ​ട്ട് മ​ല​യാ​ളി ഭ​വ​ന​ങ്ങ​ൾ ക​ണ്ണ​ട​ച്ച് പ്രാ​ർ​ഥി​ച്ചു, ക​ണ്ണീ​ര​ണി​ഞ്ഞു, ഉ​ന്മ​ത്ത​രാ​യി. ‘അ​ടി​യ​ന്ത​രാ​വ​സ്ഥ​ക്കാ​ല​ത്തെ പ്ര​ണ​യം’ എ​ന്ന പു​തി​യ ചി​ത്ര​ത്തി​ലും യേ​ശു​ദാ​സി​ന്റെ ഗാ​നം ആ​ഘോ​ഷി​ക്ക​പ്പെ​ടു​ന്നു.

1970ലാ​യി​രു​ന്നു പ്ര​​ഭ​​യു​മാ​യു​ള്ള വി​വാ​ഹം. വി​​നോ​​ദ്, പി​ന്ന​ണി​ഗാ​യ​ക​നും ന​ട​നു​മാ​യ വി​​ജ​​യ് യേ​ശു​ദാ​സ്, വി​​ശാ​​ൽ എ​​ന്നി​വ​ർ മ​ക്ക​ളാ​ണ്. നാട് യേ​ശു​ദാ​സ് എ​ന്ന ഇ​തി​ഹാ​സ​ത്തി​ന്റെ ശ​താ​ഭി​ഷേ​ക​മാ​ഘോ​ഷി​ക്കു​മ്പോ​ൾ ഭൂ​ഖ​ണ്ഡ​ങ്ങ​ൾ​ക്ക​പ്പു​റ​ത്താ​ണ് അ​ദ്ദേ​ഹം. അ​മേ​രി​ക്ക​യി​ൽ​ത​ന്നെ​യാ​ണ്. ര​ണ്ട് മ​ക്ക​ളും അ​വി​ടെ​യാ​ണ്. ഡി​സം​ബ​റി​ൽ എ​ത്തു​മെ​ന്നും പ​റ​ഞ്ഞി​രു​ന്നെ​ങ്കി​ലും എ​ത്തി​യി​ല്ല. എ​ല്ലാ ജ​ന്മ​ദി​ന​ങ്ങ​ളി​ലു​മു​ള്ള മൂ​കാം​ബി​ക സ​ന്ദ​ർ​ശ​ന​വും മൂ​ന്നു വ​ർ​ഷ​മാ​യി ഇ​ല്ല.