ഇനി ഇടുക്കിയിലും ടോൾ

അ​ടി​മാ​ലി: ജി​ല്ല​യി​ലെ ആ​ദ്യ​ ടോ​ൾ പ്ലാ​സ ദേ​വി​കു​ള​ത്ത്. കൊ​ച്ചി-​ധ​നു​ഷ്​​കോ​ടി ദേ​ശീ​യ​പാ​ത​യി​ൽ ദേ​വി​കു​ളം ലാ​ക്കാ​ട് ഭാ​ഗ​ത്താ​ണ് ടോ​ൾ പ്ലാ​സ സ്ഥാ​പി​ച്ചി​രി​ക്കു​ന്ന​ത്. ദേ​ശീ​യ​പാ​ത​യു​ടെ ഭാ​ഗ​മാ​യ മൂ​ന്നാ​ർ-​ബോ​ഡി​മെ​ട്ട് റോ​ഡി​ന്‍റെ നി​ർ​മാ​ണം ജ​നു​വ​രി​യി​ൽ പൂ​ർ​ത്തി​യാ​യെ​ങ്കി​ലും ടോ​ൾ പി​രി​വ് തു​ട​ങ്ങി​യി​രു​ന്നി​ല്ല. ടോ​ൾ ഈ​ടാ​ക്കു​ന്ന​തി​ൽ പ്ര​തി​ഷേ​ധ​വു​മാ​യി വി​വി​ധ രാ​ഷ്ട്രീ​യ ക​ക്ഷി​ക​ൾ രം​ഗ​ത്തെ​ത്തി​യി​രു​ന്നു. പ്രാ​ദേ​ശി​ക യാ​ത്ര​ക്കാ​ർ​ക്ക് പാ​സ് ന​ൽ​കി ന​ട​പ​ടി പൂ​ർ​ത്തി​യാ​ക്കി​യ ശേ​ഷ​മാ​യി​രി​ക്കും ടോ​ൾ​പ്ലാ​സ തു​റ​ക്കു​ക​യെ​ന്നാ​ണ് വി​വ​രം.

തോ​ട്ടം മേ​ഖ​ല​യി​ൽ ടോ​ൾ വ​രു​ന്ന​തി​ൽ വ​ലി​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്. തൊ​ഴി​ലാ​ളി​ക​ൾ​ക്ക് പു​റ​മെ വി​നോ​ദ​സ​ഞ്ചാ​രി​ക​ളാ​ണ് ഈ ​പാ​ത പ്ര​ധാ​ന​മാ​യി ഉ​പ​യോ​ഗി​ക്കു​ന്ന​ത്. വി​നോ​ദ സ​ഞ്ചാ​ര കേ​ന്ദ്ര​ങ്ങ​ളാ​യ തേ​ക്ക​ടി, മൂ​ന്നാ​ർ എ​ന്നി​വി​ട​ങ്ങ​ളു​മാ​യും ത​മി​ഴ്നാ​ടു​മാ​യും ബ​ന്ധി​പ്പി​ക്കു​ന്ന ദേ​ശീ​യ പാ​ത​യാ​ണ് ഇ​ത്. ചി​ന്ന​ക്ക​നാ​ൽ-​മൂ​ന്നാ​ർ സ​ഞ്ചാ​ര​കേ​ന്ദ്ര​ങ്ങ​ളെ ബ​ന്ധി​പ്പി​ക്കു​ന്ന പാ​ത​യാ​യ​തി​നാ​ൽ ടോ​ൾ വ​രു​ന്ന​തി​ൽ വ​ലി​യ എ​തി​ർ​പ്പും ഉ​യ​രു​ന്നു. ദേ​വി​കു​ള​ത്ത് ടോ​ൾ പ്ലാ​സ പ്ര​വ​ർ​ത്ത​നം ആ​രം​ഭി​ക്കു​ന്ന​തോ​ടെ ജി​ല്ല​യി​ലെ ആ​ദ്യ ടോ​ൾ പ്ലാ​സ​യാ​കും ലാ​ക്കാ​ട് ടോ​ൾ പ്ലാ​സ. ബു​ധ​നാ​ഴ്ച തു​ട​ങ്ങാ​ൻ തീ​രു​മാ​നി​ച്ചി​രു​ന്നെ​ങ്കി​ലും ക​ന​ത്ത മ​ഴ​യെ​ത്തു​ട​ർ​ന്ന്​ ദേ​വി​കു​ളം ഗ്യാ​പ്​ റോ​ഡ്​ ത​ക​ർ​ന്ന​തി​നാ​ൽ മാ​റ്റ​വെ​ക്കു​ക​യാ​യി​രു​ന്നു.

ടോ​ൾ നി​ര​ക്ക്​ ഇ​ങ്ങ​നെ

ആറ് വ​രി​യി​ലാ​യി വാ​ഹ​ന​ങ്ങ​ൾ ക​ട​ന്നു​പോ​കു​ന്ന രീ​തി​യി​ലാ​ണ് ടോ​ൾ പ്ലാ​സ ക്ര​മീ​ക​രി​ച്ചി​ട്ടു​ള്ള​ത്. കൂ​ടാ​തെ ഏ​ഴ്​ ടി​ക്ക​റ്റ് കൗ​ണ്ട​റും സ്ഥാ​പി​ച്ചി​ട്ടു​ണ്ട്. കാ​ർ, ജീ​പ്പ് -35, മി​നി​ലോ​റി, മി​നി​ബ​സ് -60, ബ​സ്, ട്ര​ക്ക് -125, വ്യ​വ​സാ​യി​ക വാ​ഹ​ന​ങ്ങ​ൾ -135 , ഏ​ഴോ അ​തി​ല​ധി​ക​മോ ആ​ക്സി​ലു​ള്ള വ​ലി​യ വാ​ഹ​ന​ങ്ങ​ൾ​ക്ക് 240 എ​ന്നി​ങ്ങ​നെ​യാ​ണ് ഒ​രു വ​ശ​ത്തേ​ക്ക് ടോ​ൾ നി​ര​ക്ക് ഈ​ടാ​ക്കു​ക. ഒ​രു ദി​വ​സ​ത്തി​നു​ള്ളി​ൽ മ​ട​ങ്ങി​പ്പോ​കു​ന്ന വാ​ഹ​ന​ങ്ങ​ൾ​ക്ക് നി​ര​ക്കി​ൽ ഇ​ള​വ് ന​ൽ​കും. കൂ​ടാ​തെ പ്ര​തി​മാ​സ നി​ര​ക്കു​ക​ളും ഏ​ർ​പ്പെ​ടു​ത്തി​യി​ട്ടു​ണ്ട്. ജി​ല്ല​ക്ക​ക​ത്ത് ര​ജി​സ്റ്റ​ർ ചെ​യ്ത വാ​ണി​ജ്യ​വാ​ഹ​ന​ങ്ങ​ൾ​ക്ക് പ്ര​ത്യേ​ക ഇ​ള​വ് അ​നു​വ​ദി​ക്കും. കൂ​ടാ​തെ ടോ​ൾ പ്ലാ​സ​യി​ൽ​നി​ന്ന്​ 20 കി​ലോ​മീ​റ്റ​ർ ദൂ​ര​ത്തി​നു​ള്ളി​ൽ താ​മ​സി​ക്കു​ന്ന​വ​രു​ടെ വാ​ണി​ജ്യ​വാ​ഹ​ന​ങ്ങ​ൾ​ക്ക് മാ​സം 340 രൂ​പ നി​ര​ക്കി​ൽ യാ​ത്ര ചെ​യ്യാം.

നി​ർ​മാ​ണം ഉ​ന്ന​ത നി​ല​വാ​ര​ത്തി​ൽ

2017 സെ​പ്റ്റം​ബ​റി​ലാ​ണ് മൂ​ന്നാ​ർ-​ബോ​ഡി​മെ​ട്ട് റോ​ഡി​ന്‍റെ പ​ണി തു​ട​ങ്ങി​യ​ത്. 381.76 കോ​ടി ചെ​ല​വ​ഴി​ച്ചാ​ണ് 42 കി​ലോ​മീ​റ്റ​ർ റോ​ഡി​ന്‍റെ വീ​തി കൂ​ട്ട​ൽ ഉ​ൾ​പ്പെ​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്. നാ​ലു മീ​റ്റ​ർ മാ​ത്രം വീ​തി ഉ​ണ്ടാ​യി​രു​ന്ന റോ​ഡ് 15 മീ​റ്റ​ർ വീ​തി​യി​ലാ​ണ് പു​ന​ർ​നി​ർ​മി​ച്ചി​രി​ക്കു​ന്ന​ത്. ജ​നു​വ​രി​യി​ൽ കേ​ന്ദ്ര മ​ന്ത്രി നി​തി​ൻ ഗ​ഡ്ക​രി പാ​ത നാ​ടി​ന് സ​മ​ർ​പ്പി​ച്ചു.

ടോ​ൾ ന​ൽ​കേ​ണ്ടി വ​രു​മെ​ങ്കി​ലും ഉ​ന്ന​ത നി​ല​വാ​ര​ത്തി​ലു​ള്ള പാ​ത ഇ​ന്ധ​ന ലാ​ഭം ന​ൽ​കു​ന്ന​തി​നാ​ൽ യാ​ത്ര​ക്കാ​ർ​ക്ക് അ​ധി​ക ചെ​ല​വ് ഉ​ണ്ടാ​കി​ല്ലെ​ന്നാ​ണ് അ​ധി​കൃ​ത​രു​ടെ പ​ക്ഷം.