30നകം ശമ്പളം കൊടുത്തില്ലെങ്കിൽ  എം.ഡിയായി തുടരില്ല –തച്ചങ്കരി 

തൃ​ശൂ​ർ: കെ.​എ​സ്.​ആ​ർ.​ടി.​സി.​യി​ൽ ശ​മ്പ​ള​വും പെ​ൻ​ഷ​നും ഏ​പ്രി​ൽ 30-ന് ​ന​ൽ​കു​മെ​ന്ന്​ ടോ​മി​ൻ ജെ. ​ത​ച്ച​ങ്ക​രി. സാ​ധി​ച്ചി​ല്ലെ​ങ്കി​ൽ സി.​എം.​ഡി​യാ​യി തു​ട​രി​ല്ല. തൃ​ശൂ​ർ ഡി​പ്പോ​യി​ൽ ഗാ​രേ​ജ് മീ​റ്റി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ഏ​പ്രി​ലി​ലെ ശ​മ്പ​ള​ത്തി​ന്​ 90 ശ​ത​മാ​നം പ​ണം ഒ​പ്പി​ച്ചി​ട്ടു​ണ്ട്. ബാ​ക്കി തു​ക വ​രും ദി​വ​സ​ങ്ങ​ളി​ൽ ഒ​പ്പി​ക്കും. എ​ന്നാ​ൽ പെ​ൻ​ഷ​ൻ അ​ധി​ക​നാ​ൾ കൊ​ടു​ക്കാ​നാ​വി​ല്ല. അ​ത് സ​ർ​ക്കാ​ർ​ത​ന്നെ ന​ൽ​കേ​ണ്ടി വ​രും. 

ശ​മ്പ​ളം സ​മ​യ​ത്തി​ന് വാ​ങ്ങി​യാ​ൽ പോ​ര, ആ​ത്മാ​ർ​ഥ​ത വേ​ണ​മെ​ന്നും ശ​മ്പ​ളം കൃ​ത്യ​സ​മ​യ​ത്ത്​ ല​ഭി​ച്ചാ​ൽ താ​ൻ പ​റ​യു​ന്ന​ത്​ കേ​ൾ​ക്കേ​ണ്ടി വ​രു​മെ​ന്നും ത​ച്ച​ങ്ക​രി പ​റ​ഞ്ഞു. ജീ​വ​ന​ക്കാ​രു​ടെ മ​ക്ക​ൾ​ക്ക് അ​ച്ഛ​ൻ കെ.​എ​സ്.​ആ​ർ.​ടി.​സി​യി​ലാ​ണെ​ന്ന് പ​റ​യാ​ൻ നാ​ണ​ക്കേ​ടാ​ണ്. അ​ത് ആ​റു മാ​സ​ത്തി​ന​കം മാ​റ്റി​യെ​ടു​ക്കും. നി​ങ്ങ​ൾ​ക്ക് ന​ൽ​കി​യ നി​യ​മ​ന ഉ​ത്ത​ര​വി​ൽ പ​റ​യു​ന്ന കാ​ര്യ​ങ്ങ​ൾ മാ​ത്രം ചെ​യ്താ​ൽ മ​തി. അ​പ്പോ​ൾ ത​ന്നെ കെ.​എ​സ്.​ആ​ർ.​ടി.​സി ര​ക്ഷ​പ്പെ​ടും.

ക​ണ്ട​ക്ട​ർ​മാ​രും പ്ര​തി​ദി​ന ബ​ത്ത എ​ടു​ക്കു​മ്പോ​ൾ അ​താ​ത് ദി​വ​സ​ത്തെ വ​രു​മാ​ന​വും ചെ​ല​വി​​​െൻറ ക​ണ​ക്കും ന​ൽ​ക​ണം. ഒാ​രോ വ്യ​ക്തി​യും കാ​ര​ണം എ​ത്ര ന​ഷ്​​ട​മാ​ണ് സ്ഥാ​പ​ന​ത്തി​ന് ഉ​ണ്ടാ​കു​ന്ന​തെ​ന്ന് സ്വ​യം ബോ​ധ്യ​പ്പെ​ടു​ത്താ​നാ​ണി​ത്. ര​ണ്ട് വ​ർ​ഷ​മാ​യി ബാ​ല​ൻ​സ് ഷീ​റ്റ് ഇ​ല്ലാ​ത്ത കോ​ർ​പ​റേ​ഷ​നാ​ണി​ത്. െക.​എ​സ്.​ആ​ർ.​ടി.​സി ബ​സ് ഒ​രു കി​ലോ​മീ​റ്റ​ർ ഒാ​ടാ​ൻ 31 രൂ​പ വേ​ണം. കോ​ർ​പ​റേ​ഷ​നി​ലെ 2000-ൽ ​പ​രം ബ​സു​ക​ൾ ഇ​തി​ലും താ​ഴെ വ​രു​മാ​ന​വു​മാ​യാ​ണ് സ​ർ​വി​സ് ന​ട​ത്തു​ന്ന​ത്. താ​ൻ ഒ​രു പോ​രാ​ട്ട​ത്തി​ലാ​ണ്. ത​​​െൻറ യോ​ദ്ധാ​ക്ക​ൾ ഡ്രൈ​വ​ർ​മാ​രും ക​ണ്ട​ക്ട​ർ​മാ​രു​മാ​ണ്. ഷെ​ഡ്യൂ​ളു​ക​ൾ മേ​ൽ​ത്ത​ട്ടി​ൽ​നി​ന്ന് ത​യാ​റാ​ക്കു​ന്ന രീ​തി മാ​റ്റും. ഒാ​രോ മേ​ഖ​ല​യി​ലും ജോ​ലി ചെ​യ്യു​ന്ന​വ​ർ ഷെ​ഡ്യൂ​ളു​ക​ൾ നി​ർ​ദേ​ശി​ക്ക​ണം. താ​ഴേ​ത്ത​ട്ടി​ൽ നി​ന്നു​ള്ള ഭ​ര​ണ രീ​തി​യാ​ണ് പ​രീ​ക്ഷി​ക്കു​കയെന്നും അദ്ദേഹം പറഞ്ഞു.