കുഞ്ഞനന്തന് നടക്കാൻ വയ്യ;​ ചികിത്സ ജയിലിൽതന്നെ ആകാമെന്ന്​ ഹൈകോടതി

കൊ​ച്ചി: ടി.​പി. ച​ന്ദ്ര​ശേ​ഖ​ര​ന്‍ വ​ധ​ക്കേ​സ് പ്ര​തി​യും സി.​പി.​എം പാ​നൂ​ര്‍ ഏ​രി​യ ക​മ്മി​റ്റി അം​ഗ​വു​മാ​യ പി.​കെ. കു​ഞ്ഞ​ന​ന്ത​ന് ജ​യി​ലി​ൽ കി​ട​ന്ന്​ ചി​കി​ത്സ തേ​ടാ​വു​ന്ന​തേ​യു​ള്ളൂ​വെ​ന്ന്​​ ഹൈ​കോ​ട​തി. ജ​യി​ലി​ൽ ന​ല്ല ചി​കി​ത്സ ല​ഭ്യ​മാ​ണെ​ന്നും ആ​വ​ശ്യ​ങ്ങ​ൾ​ക്ക്​ സ​ഹ​ത​ട​വു​കാ​രു​ടെ സ​ഹാ​യം ല​ഭി​ക്കു​മെ​ന്നും ജ​സ്​​റ്റി​സു​മാ​രാ​യ​ എ.​എം. ഷ​ഫീ​ഖ്, എ.​എം. ബാ​ബു എ​ന്നി​വ​ര​ട​ങ്ങി​യ ബെ​ഞ്ച്​ വാ​ക്കാ​ൽ പ​റ​ഞ്ഞു.

രോ​ഗ​ബാ​ധി​ത​നാ​യ​തി​നാ​ൽ ശി​ക്ഷ മ​ര​വി​പ്പി​ച്ച് പ​രോ​ൾ അ​നു​വ​ദി​ക്ക​ണ​മെ​ന്ന കു​ഞ്ഞ​ന​ന്ത​​​െൻറ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്. കു​ഞ്ഞ​ന​ന്ത​ന് ഗു​രു​ത​ര ആ​രോ​ഗ്യ​പ്ര​ശ്ന​ങ്ങ​ളു​ണ്ടെ​ന്നും അ​ടി​യ​ന്ത​ര ചി​കി​ത്സ അ​നി​വാ​ര്യ​മാ​ണെ​ന്നും കാ​ണി​ക്കു​ന്ന മെ​ഡി​ക്ക​ൽ റി​പ്പോ​ർ​ട്ട്​ സ​ർ​ക്കാ​ർ കോ​ട​തി​യി​ൽ ഹാ​ജ​രാ​ക്കി. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ​നി​ന്ന്​ ജ​നു​വ​രി 31ന്​ ​ഡോ. ആ​ർ. അ​ര​വി​ന്ദ് ത​യാ​റാ​ക്കി ന​ൽ​കി​യ മെ​ഡി​ക്ക​ൽ റി​പ്പോ​ർ​ട്ട്​്​ പ്ര​കാ​രം മൂ​ന്നു​മാ​സ​മാ​യി പ​ല സ്ഥ​ല​ങ്ങ​ളി​ൽ ചി​കി​ത്സ​യി​ലാ​യി​രു​ന്നെ​ന്നും ഇ​പ്പോ​ൾ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണെ​ന്നും വ്യ​ക്ത​മാ​ക്കി.

സെ​ർ​വി​ക്ക​ൽ സ്പോ​ണ്ടി​ലോ​സി​സ്, ആ​ർ​ത്രൈ​റ്റി​സ് തു​ട​ങ്ങി​യ ആ​രോ​ഗ്യ​പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി​യി​ട്ടു​ണ്ട്. എ​ന്തു ശാ​രീ​രി​ക​ബു​ദ്ധി​മു​ട്ടാ​ണ് ഉ​ള്ള​തെ​ന്നും ജ​യി​ലി​ൽ ക​ഴി​യാ​ൻ എ​ന്താ​ണ് ത​ട​സ്സ​മെ​ന്നും കോ​ട​തി ആ​രാ​ഞ്ഞു. അ​ർ​ബു​ദ​ബാ​ധ​യു​ണ്ടോ​യെ​ന്ന്​ സം​ശ​യ​മു​ണ്ടെ​ന്നും ന​ട​ക്കാ​ൻ ക​ഴി​യാ​ത്ത സ്ഥി​തി​യാ​ണെ​ന്നും കു​ഞ്ഞ​ന​ന്ത​​​െൻറ അ​ഭി​ഭാ​ഷ​ക​ൻ അ​റി​യി​ച്ചു. ഏ​ഴു​വ​ർ​ഷ​മാ​യി ശി​ക്ഷ അ​നു​ഭ​വി​ക്കു​ക​യാ​ണെ​ന്നു​ം വ്യ​ക്ത​മാ​ക്കി. എ​ന്നാ​ൽ, പ​ല​പ്പോ​ഴും പ​രോ​ളി​ൽ പു​റ​ത്താ​ണ്​ ക​ഴി​യു​ന്ന​തെ​ന്നാ​ണ്​​ കേ​ട്ട​റി​വെ​ന്ന്​ കോ​ട​തി ചൂ​ണ്ടി​ക്കാ​ട്ടി.

ശി​ക്ഷ തു​ട​ങ്ങി ര​ണ്ടു​വ​ർ​ഷ​ത്തി​നു​ശേ​ഷം നി​യ​മാ​നു​സൃ​തം ല​ഭി​ക്കു​ന്ന പ​രോ​ൾ മാ​ത്ര​മാ​ണ് ല​ഭി​ച്ച​തെ​ന്നാ​യി​രു​ന്നു മ​റു​പ​ടി. തു​ട​ർ​ന്ന്,​ കു​ഞ്ഞ​ന​ന്ത​​​െൻറ ശാ​രീ​രി​ക പ്ര​ശ്​​ന​ങ്ങ​ൾ വ്യ​ക്ത​മാ​യി സ​മ​ർ​പ്പി​ക്കാ​ൻ കോ​ട​തി നി​ർ​ദേ​ശി​ച്ചു. മെ​ഡി​ക്ക​ൽ റി​പ്പോ​ർ​ട്ടി​​​െൻറ പ​ക​ർ​പ്പ് കേ​സി​ലെ മ​റ്റു​ക​ക്ഷി​ക​ൾ​ക്ക്​ ന​ൽ​കാ​ൻ നി​ർ​ദേ​ശി​ച്ച കോ​ട​തി ഹ​ര​ജി ഇൗ ​മാ​സം എ​ട്ടി​ന് മാ​റ്റി.