കാറിന്‍റെ ഡോറിൽ യാത്ര; രണ്ട്​ ബിരുദ വിദ്യാർഥികളുടെ ലൈസൻസ്​ റദ്ദാക്കി

തി​രു​വ​ല്ല: കാ​റി​ന്റെ ഡോ​റി​ല്‍ ഇ​രു​ന്ന് അ​പ​ക​ട​ക​ര​മാം വി​ധം യാ​ത്ര​ചെ​യ്ത ര​ണ്ട്​ ​ബി​രു​ദ വി​ദ്യാ​ർ​ഥി​ക​ളു​ടെ ലൈ​സ​ൻ​സ്​ റ​ദ്ദു​ചെ​യ്ത്​ മോ​ട്ടോ​ർ വാ​ഹ​ന വ​കു​പ്പ്.

ചൊ​വ്വാ​ഴ്ച രാ​വി​ലെ തി​രു​വ​ല്ല വ​ള്ളം​കു​ളം ഭാ​ഗ​ത്ത് ഓ​ടു​ന്ന കാ​റി​ന്റെ വ​ല​ത് വ​ശ​ത്തെ പി​ന്നി​ലെ ഡോ​റി​ല്‍ പു​റ​ത്തേ​ക്ക് ഇ​രു​ന്ന് യാ​ത്ര ചെ​യ്ത യു​വാ​വും വാ​ഹ​നം ഓ​ടി​ച്ച കൂ​ട്ടു​കാ​ര​നു​മാ​ണ് പി​ടി​യി​ലാ​യ​ത്. ബാ​ഗ​ളൂ​രി​ല്‍ ര​ണ്ടാം വ​ര്‍ഷ ബി.​ബി.​എ വി​ദ്യാ​ർ​ഥി പ​ത്ത​നം​തി​ട്ട കു​മ്പ​ഴ മ​ടു​ക്കാ മൂ​ട്ടി​ല്‍ ജോ​ഹ​ന്‍ മാ​ത്യു (20), വാ​ഹ​നം ഓ​ടി​ച്ച തി​രു​വ​ല്ല മ​ഞ്ഞാ​ടി കു​ന്ന​ത്ത് പ​റ​മ്പി​ല്‍ വീ​ട്ടി​ല്‍ ജോ​ഹ​ന്‍ മാ​ത്യു കെ (19) ​എ​ന്നി​വ​ര്‍ക്കെ​തി​രെ​യാ​ണ് ന​ട​പ​ടി.

ദൃ​ശ്യ​ങ്ങ​ള്‍ പൊ​തു​ജ​ന​ങ്ങ​ള്‍ പ​ത്ത​നം​തി​ട്ട മോ​ട്ടോ​ര്‍ വാ​ഹ​ന വ​കു​പ്പ് എ​ന്‍ഫോ​ഴ്‌​സ്‌​മെ​ന്റ് വി​ഭാ​ഗ​ത്തി​ന് കൈ​മാ​റു​ക​യാ​യി​രു​ന്നു. മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പ​ക്ട​ര്‍മാ​രാ​യ ബി​നു എ​ന്‍ കു​ഞ്ഞു​മോ​ന്‍, അ​നീ​ഷ് അ​സി മോ​ട്ടോ​ര്‍ വെ​ഹി​ക്കി​ള്‍ ഇ​ന്‍സ്പ​ക്ട​ര്‍ സ്വാ​തി ദേ​വ് ഡ്രൈ​വ​ര്‍ സാ​ബു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.

അ​പ​ക​ട​ക​ര​മാ​യി വാ​ഹ​നം ഓ​ടി​ച്ച​തി​ന് കേ​സെ​ടു​ക്കു​ക​യും ഡ്രൈ​വ​റെ​യും ഡോ​റി​ല്‍ ഇ​രു​ന്ന് യാ​ത്ര ചെ​യ്ത ആ​ളെ​യും മോ​ട്ടോ​ര്‍ വാ​ഹ​ന വ​കു​പ്പി​ന്റെ പ​രി​ശീ​ല​ന കേ​ന്ദ്ര​ത്തി​ല്‍ തി​രു​ത്ത​ല്‍ പ​രി​ശി​ല​ന​ത്തി​നാ​യി അ​യ​ക്കാ​നും ര​ണ്ട് പേ​രു​ടേ​യും ഡ്രൈ​വി​ങ്​ ലൈ​സ​ന്‍സ് സ​സ്‌​പെ​ന്‍ഡ് ചെ​യ്യു​വാ​നും ന​ട​പ​ടി ആ​യി.