വടക്കാഞ്ചേരി റൂട്ടിൽ ട്രെയിൻ ഗതാഗതത്തിന് നിയന്ത്രണം

തിരുവനന്തപുരം: വടക്കാഞ്ചേരിക്കും വള്ളത്തോൾ നഗറിനുമുടയിൽ ട്രാക്ക്​ നവീകരണ ജോലികൾ നടക്കുന്നതിനാൽ ഇൗ ലൈനിൽ ട്രെയിൻ ഗതാഗത നിയന്ത്രണമുണ്ടാകുമെന്ന്​ റെയിൽവേ അറിയിച്ചു.

വൈകി യാത്ര തുടങ്ങുന്ന ട്രെയിനുകൾ:
1. രാത്രി 10 ന്​ തിരുവനന്തപുരത്ത്​ നിന്ന്​ യാത്ര തുട​ങ്ങേണ്ട തിരുവനന്തപുരം-മധുരൈ അമൃത എക്​സ്​പ്രസ്​ (16343) നവംബർ 16, 17, 19, 21 തിയതികളിൽ അര മണിക്കൂർ വൈകി രാത്രി 10.30 നേ യാത്ര തുടങ്ങൂ. മാത്രമല്ല, ഇൗ ​ട്രെയിൻ തൃശൂർ-മുളങ്കുന്നത്ത്​കാവ്​ സ്​റ്റേഷനുകളിൽ 2.50 മണിക്കൂർ വൈകാനും സാധ്യതയുണ്ട്​.
2. രാത്രി 12.30 ന്​ പുറപ്പെടേണ്ട തിരുവനന്തപുരം-ഹസ്രത്ത്​ നിസാമുദ്ദീൻ വീക്ക്​ലി സൂപ്പർ ഫാസ്​റ്റ്​ എക്​സ്​പ്രസ്​ ( 22653) നവംബർ 17 ന്​ ഒരു മണിക്കൂർ വൈകി പുലർച്ചെ 1.30 നേ പുറപ്പെടൂ.
3. എറണാകുളം ജങ്​ഷനിൽ നിന്ന്​ പുലർച്ചെ 5. 15 ന്​ പുറ​പ്പെടേണ്ട എറണാകുളം-പുനെ ദ്വൈവാര ട്രെയിൻ (22149) നവംബർ 20 ന്​ യാത്രയാരംഭിക്കാൻ ഒരു മണിക്കൂർ വൈകും.
4. കൊച്ചുവേളിയിൽ നിന്ന്​ രാത്രി 12.35 ന്​ പുറപ്പെടുന്ന കൊച്ചുവേളി-ലോകമാന്യ തിലക്​ ദ്വൈവാര ട്രെയിൻ (22114) നവംബർ 22 ന്​ ഒരു മണിക്കൂർ വൈകി പുലർച്ചെ 1.35 നാണ്​ യാത്ര തുടങ്ങുക.

ഭാഗികമായി റദ്ദാക്കിയവ:
1.കോയമ്പത്തൂർ-തൃശൂർ പാസഞ്ചർ (56605) നവംബർ 16, 17, 19, 21 തിയതികളിൽ ഷൊറണൂരിൽ യാത്ര അവസാനിപ്പിക്കും.
2.തൃശൂർ -കണ്ണൂർ പാസഞ്ചർ (56603) നവംബർ 17, 18, 20, 22 തിയതികളിൽ ഷൊറണൂരിൽ നിന്നാവും യാത്ര തുടങ്ങുക.